تفسير احلام يوم الاثنين الموافق 12\5 ان شاء الله

الحلم رقم ٢ 
ماما حلمت حلمين ورا بعض 
الاول حلمت ان في مخده مسنوده على الحيطه وولعت حته في طرفها قد عقله الصباع فماما مسكتها و النار اطفت 
التاني حلمت ان خالي عادل غير الموكيت بتاعه و جايب موكيت جديد و كان عندنا جبنه محطوطه في شفشأ و خالي اكل نص الجبنه و بعدين حدف ماما ب قطعه مربعه سيراميك صغيره فماما بتقوله ايه يا عادل كانت هتيجي فيا قالها و ايه يعني 

ايناس كتب:

حلمت اني كنت طالعه ع السلم ..لقيت قطه باين عليها عيزه تولد
فنا كنت هنزل لقيت القطه جت ورايا وزي ما تقولي بتنازع كده عشن تولد وانا شايفه القطط ال ف بطنها وواحده ف بؤها بس هما وشهم برا جسمها والباقي لسه مخرجش ولقيتها بتقرب مني زي متقولي عوزاني المس ولادها وهما جوا جسمها كنت خايفه بس حطيت ايدي عليهم كانو ناعمين اوي ... ومشيت وهما لسه جواها مطلعوش
انسه وبمر بكرب وبدعي بالفرج

Aya Ahmed كتب:

الحلم رقم ٢ 
ماما حلمت حلمين ورا بعض 
الاول حلمت ان في مخده مسنوده على الحيطه وولعت حته في طرفها قد عقله الصباع فماما مسكتها و النار اطفت 
التاني حلمت ان خالي عادل غير الموكيت بتاعه و جايب موكيت جديد و كان عندنا جبنه محطوطه في شفشأ و خالي اكل نص الجبنه و بعدين حدف ماما ب قطعه مربعه سيراميك صغيره فماما بتقوله ايه يا عادل كانت هتيجي فيا قالها و ايه يعني 

ايناس انوسه كتب:

حلمت خير اللهم اجعله خير ان جاتلى واحدة ست شبه امى بالظبطططط وجيالى على أنها حماتى ولايتها قاعدة بتحطلى فى مطبقيات اكل وانا بقولها يا ماما لأنها شكل امى بالظبط وبقولها انا عمرى ما كنت هقول لحد غير امى يا ماما بس قلتلك لأنك شبها خالص وكانت فعلا شبه والدتى جدا 


ومعلش منام كمان 
كنت حلمت خير اللهم اجعله خير انى داخلة زى معرض كبير مع خطيبى الاولاني وقاعدين بنشوف فيه حاجات مع بعض وكان معانا واحد صاحبه متجوز ومراته معاه وكنا قاعدين نلف كلنا مع بعض وعشان نختار سوا اوض صالون ونوم فملاقيناش حاجة عاجبانا احنا الاتنين وما اخترنا حاجة وبعدين لقيته بيقولى تعالى ناكل الأول فكان  اللى كلناه كان مش مفهوم كده ومش أصناف واضحة لا كان عك كده وبطاطس معكوكة كاتشب وسوايل كده وكان فيه عك فى الاكل وبعدين هو مشى لوحده مع صاحبه وانا مشيت مع مرات صاحبة لوحدنا نكمل تدوير ليا على اوضة تعجبني وهو راح لوحده مع صاحبه يشوف حاجة تعجبه وبعدين شوفت صالون فى الاول ضخم لونه ازرق كده معجبينيش وسبته ومشيت وبعدين بعدها شوفت اوضة معيشة فيها انتريهات شيك اوى لونها أخضر كده وفيها مكتبة وتلفزيون شيك والاوضة كانت فى غاية الشياكة وكانت عاجبانى جداااااااا وكانت تشبه غرفة المعيشة اللى عندى اختى الكبيرة المتزوجة بس كانت على اجدد وأحدث وشيك جدا وتغاضيت عن العيب ده وقلت دى عاجبانى جدا فاستقريت عليها وقلت خلاص هى دى اللى عاجبانى وقعدت فيها وكان معايا مرات صاحبه قعدت فى اوضتى دى معايا ولقيت خطيبى الاولاني جاى يشوف الاوضة اللى انا قعدت فيها وقالى خلاص اخترتى دى انا لسه مستقرتش على اوضة ولسه مفيش حاجة عاجبانى وبدور لسه وانتهى الحلم على انى قاعدة فى الاوضة دى وفرحانة بيها اووووووووووى وولقيتنى كان معايا مرجيحة كنت جايباها لما كنت مع خطيبى الاولانى وقلت هركبها فى الاوضة واتمرجح بيها فى اوضتى الجديدة دى وقلت هبقى اركبه  فيها وهركب فيهامرات صاحبه طالما كنت جايباها لما كنت ماشية معاه بس المرجيحة فضلت معايا كده مش متركبة ومحدش ركبها لا انا ولا هما وكنت مشغولة اكتر بأوضتى الجديدة بس كده

kokoadam كتب:

الحلم ٤
حلمت بأني لسة في الجامعة… متخرجة من 9 سنين…. وجوزي قالي بدل البهدلة ف المواصلات روحي المدينة الجامعية وشلت شنطتي ونزلت وانا ماشية الاذان اذن دخلت جامع اصلي لقيتة كلة رجال وفي الاخر جزء صغير ستات وقفت اصلي وكل مااجي اسجد احس ان في جبل علي ضهري اتاريني شايلة شنطة الهدوم علي ضهري وخايفة اسيبها تتسرق وواحدة جنبي عايزة تقلعهاني وتاخد الموبايل تسهيل عليا وانا مش واثقة فيها وصليت وخرجت من الجامع ومش عارفة اروح فين ولا هي فين المدينة الجامعية لقيت بالصدفة صاحبتي اسمها ابتسام قلت لها كويس وصليني قالت لي بصي في حفلة مدرسية هناك اهية ماتيجي ندخل نتفرج ولا حد عارفنا قلت لها فكرة ودخلنا نتفرج وكان في بنات طلبة لبسهم حقير جدا وصاحبتي قالت لي هاروح الحمام ووقفت لوحدي مش عارفة اعمل اية

kokoadam كتب:

حلم 5 

حلمت اني واقفة مع ابن عمي علي السلم وببوس فية واحضنة جامد علي اساس اننا هانتجوز خلاص مع العلم انة متزوج وانا متزوجة وعندي ولدين وخايفة حد يشوفني وانا واقفة معاة وشوية ولقيتني مع اخويا الله يرحمة وقالولي ان هانجوزهولك وانا مستغربة ازاي اتجوز اخويا دا حرام وبدور علي نت ادخل اسأل اي شيخ وبفكر ازاي هاعيش معاة 


وحلمت اني قاعدة مع ماما وبرفع هدومي لقيت برص لازق في رجلي خفت جدا وشلتة ورميتةوكان شكلة ميت بس فضلت خايفة لا يكون جاب لي امراض وعايزة اطهر رجلي

امل كتب:

حلمت ان عندنا خطوبه في العماره بس ديكورات الخطوبه كلها موجوده عندنا وانا اخدت طوق ورد كان متعلق علي باب ناس جيرانا مسيحيين ونزلت شقتنا نزلت واحده منهم  بس انا معرفهاش في الحقيقه بقولها نفسي اتخطب بصتلي وابتسمت وكان معاها جرس حضنتني ومسكت الجرس رنته  مرتين فوق راسي الحلم ده من فتره وانا مازالت في كرب

ايناس انوسه كتب:

امبارح حلمت خير يارب ان ابن عمي اللى قاعد فى امريكا كأنه جه م السفر  وانا قاعدة معاه وكنا مقربين على وقت المغربية ومكنتش لسه صليت العصر وكنت مكسوفة اقوم قدامه اصلى ليقول عليا انى مأجلة العصر لوقت متاخر وكنت مش هصليها بس قلت لا هقوم ومش هفوتها وفعلا قمت صليتها وهو ابن عمى لقيته راح جاى واقف جنبى وراح مصلى العصر جنبى هو كمان وبعدين خلصنا الصلاة وروحنا الشقة اللى هو قاعد فيها وكنت لابسة فى رجلى كوتش ابيض فلما جيت ادخل عنده كان فيه سجاد طبعا فكنت كده كده هقلع الكوتشى ع الباب فلقيت ابن عمى بيقولى وريني رجلك شكلها ايه لما كانت لابسة الكوتش فجيت اطلعها م الكوتشى عشان ادخل عندهم لقيت رجلى بيضاء جداااااااا ومنورة كده فشاف رجلى وقالى اهى بيضة وكويسة اهو ومنورة وطالعة من الكوتشى بيضاء ... مع العلم ان رجلى فى الحقيقة مش بيضة اوى وكمان ابن عمى ده متزوج ومخلف وأكبر منى بكتير بس بيساعدنى دايما ويحفزني دايما اكمل دراستى وبيبعت لى اى مراجع بحتاجها من امريكا وواقف بجانبي فى تكملة دراستى جدا لانه كان كمل دراسته وحاليا دكتور جامعى

نوني كتب:

حلمت امبارح ان والدتي هتتجوز واحد غير بابا واحد ممثل اسمه كريم فهمي وانا كنت زعلانه وعماله اعيط وروحت حكيت لعمي
انسه بابا وماما ربنا يحفظهم ويخليهم لي موجودين عمي اسمه كريم