تفسير احلام يوم الاثنين الموافق 4\24 ان شاء الله

حلم رقم 1

حلمت انى كنت عند الطبيب بحشى ضرسين ( الضرسين فى الفك السفلى واحد فى الجهة اليمنى و الثانى فى الجهة اليسرى متقابلين قدام بعض )

وقبل الحشو كان عندى نقطة سوداء واحدة على كل ضرس .. ف الطبيب قام بحشو الضرسين بحشو ابيض اللون بعد ما ازال النقطةالسوداء الموجودة على كل ضرس 

بعدها انا ازلت الحشو الابيض بإيدى و خرجته من ضروسى .... و فضل الضرسين فارغين بدون حشو ..

( و انا فى الحقيقة عندى فعلا نقطة سوداء على كل ضرس من الضرسين دول بس عمرى ما حشيت ضروسى قبل كدة فة الحقيقة )
..............
و انتهى الحلم على كدة 
مع العلم انى انسة .. و داخلة على فترة امتحانات صعبة و عندى صعوبات فى الدراسة 

حلم 2
هو مش حلم واحد الحقيقه هو كذا تفصيله كدا شفتهم انا امبارح صحيت صليت الفجر ونمت وحلم بأني كنت ف مكان زي الجامعه او مدرسه مش عارفه وكان معايا بنوته المفروض انها صحبتي بس كانت حلوه اووووي كان شعرها اصفر وعنيها زرقا لون البحر وشفايفها وردي وخدودها وكانت مبهره فعلا وكانت صحبتي وبنخرج سوا وكنا هنخلص محاضره ونخرج انا وهيا نتمشي يعني البنت دي ف الحقيقه مش موجوده
دي حاجه وبعدها شفت ف حلم تاني واحده صحبتي اعرفها كانت ف اوضتي وفتحت دولابي وفضلت تقلب ف الهدوم بتاعتي وتتفرك بشكل غريب وتفتش ف الورق والشنط وكل حاجه وانا اقولها ابعدي وسيبي حاجتي واحاول ابعدها وهيا كانها مش سمعاني

السلام عليكم اختى الفاضله ست الكل الغاليه الحاجه نجنيه
حلمت وانا نائمه فى فترة النهار خير ان والدتى الله يرحمها معانا انا واخواتى وهى نايمه ممدده واحنا عارفين انها ميته بس فى وسطنا اول الحلم انى اعطيت لامى ذهب فى الحقيقه انا كان عندى ذهب زمان لكنى بعته لتعثر المعيشه المهم عطيت امى فى الحلم ذهب ولفت نظرى اسورة بتعتى فاكرة شكلها وحبه حاجات تانيه سلسله وشويه ذهب المهم اول ما عطيته لامى وهى نايمه ممددة قالت يا منت كريم يا رب جه فى وقته قالت حاجة زى كدة يعنى مش مذكرة قوى واختى الكبيرة قاعدة واخى الكبير قاعد وانا بتكلم مع اختين تانين قريبين منى فى السن ومعايا كيس فيه حاجه شبه شوكلاته او بونبونى مدورة ملفوفه فى ورق مفضض بس تحسى حاجه قديمه شكلها غريب قولتلهم خدوا كلوا هى ناشفه بس طعمها حلو دى بتاعه ماما انا قولتلهم كدة علشان يكلوا لانها كانت شكلها جامد بس وخلص الحلم على كدة
ملحوظه اخى الكان جالس ساكت يعتبر واخد مننا ورث ابى واخد معرض بتاع ابى لنفسه وورث امى وذهبها اخدناه من زمان بعد وفتها وشكرا جزيلا اختى الفاضله جزاكى الله عنا خير الجزاء

الخلم 6

حلمت باني في المنطقة عند ماما وعديت في شارع معروف هناك ودخلت في شارع تاني عشان اروح اشتري مناديل وطلبات للبيت لقيتني في منطقة غريبة جدا كانها فلاحين وقفت ولد صغير سألتة احنا فين ولقيت البلد كلها لابسة اصفر اطفال وستات ورجالة ولقيت بابايا ماشي ف البلد ولابس عباية بيضا وملون الياقة والشبشب اصفر عشان احتفالات البلد دي رحت علية وبوست ايدة فرح واداني خمسين جنية وطلع تاني خمسات كتير واداني وكان واقف معاة واحد صاحبة شبة عبد الرحمن ابو زهرة سلمت علية وكان معاة امة ست عجوزة سلمت عليها وبوست ايدها قالت انا راحة احج وهادعيلك يارب تكبري قلت لها انا كبيرة ياطنط ادعي لاولادي بقي ف الحج ومشيت مع صاحب بابا شوية واشتكي لة اني مابشتغلش ومضايقة من كدة


حلمت باخويا المتوفي صاحي من النوم وانا رحت اسألة يفطر اية وماما كانت واقغة جنبي ماسالتوش قلت لة ماعنديش اكل كتير بس هاعمل لك ساندوتش جبنة وواحد مربي قالي ماشي وعملتلة وفطر

الحلم 7

حلمت باني في رحلة لاسكندرية مع عيلتي وناس تانية ماعرفهاش واول مكان رحناة عبارة عن بيوت مهجورة ع البحر وكانها اتعملت مقابر لشهداء قلت الله شوفو المكان الجميل مقابرهم ع البحر وجميلة ورجعنا لقيتنا فوق عمارة وبننزل علي سلالم كتير قلت لاصحابي هاغمض ونزلوني عشان بخاف من المرتفعات ونزلت وقلبي مكان بيدق جامد من الخوف وفضلنا ماشيين ف الشوارع وبدانا نتعاكس من شباب قلقت وقلت لاصحابي جوز اختي لو شافهم هايعمل مشكلة ورجعت تاني لقيت قريبتي قالت كويس انكم رجعتم وقسمو الرحلة لمجموعتين ويعملو زي العاب ورحت اشوف المجموعة الاولي لقيت فيها ناس لابسين فساتين زفاف ولقيت فيهم واحدة صاحبتي ماشفتهاش من سنين سلمت عليها وواحدة كمان ومشيت ف الشارع الحق مجموعتي لقيت حصل برق خلي الدنيا تنور كانها شمس وانا فضلت اقول لا اله لا انت سبحانك اني كنت من الظالمين كتير ووقفت لقيت واحد جة اداني زلطة بيضا وشيبسي وقالي خبي الزلطة دي ف شنطتك عشان الحسد وكلي الشيبسي قلت لة واحدة بس اداني شيبسي تاني واكالتة