الحلم رقم (3)
حلمت ان انا واختى ووالدتى كنا قاعدين فى المطبخ وكان عندنا كوارع كانت لسه فى الكيس
فأنا بدأت انظفها كنت بشيل اى جلد فيه شعر والدتى قالت لى سيبيهم وانا هنظفهم لكن انا صممت اعملهم بنفسى وانا بقطع فيهم كان شكلهم كإنهم مستويين وبعد ما انتهيت من تقطيعهم وتنظيفهم
والدتى قالت لى سيبيهم فى الكيس وكان فى قطعة كبدة كانت مع الكوارع قلت لوالدتى احطها فين قالت لى سيبيها فى الطبق علشان هنحطها مع الكبدة اللى عندنا وبعد كده انا كنت بفكر انى اعمل سلطة لان الاكلة دى هتحتاج لسلطة فلقيت اختى بتقولى انا عملت السلطة وكان شكل السلطة جميل وكنا مبسوطين
وانا قولت الخير بقى عندنا زى زمان اختى سألتنى ايه الخير قلت لها احنا من زمان مش بنعمل سلطة واخيرا رجعنا تانى نعمل اكل وسلطة زى زمان
انا آنسة وحالتى الدينية متوسطة
واختى آنسة
