تفسير احلام يوم السبت الموافق 3\4 ان شاء الله

حلم رقم 1 

الحلم دا لصحبتي هيا حلمت اني سافرت وكنت عايشه ف بلد حلوه اوي بين سويسرا ولندن مش عارفه هيا ايه بس بتقولي بلد بينهم وكانت حلوه اوي ونضيفه جدا وكنتي عايشه ف بيت كبير وفي اوض كتيره وجت هيا ومامتها سافرو يزوروني وبتقولي كان شكلك حلو شبه الاجانب وشعري كان بني وطويل ومفرود وكنت بلبس نطلونات مقطعه وتيشرتات نص كم مش عارفه ليه بصراحه ههههههههه المهم بتقول ان في ناس خطفتني وانا هناك ف عربيه كبيره وبعدين قعدت هناك شويه ومشوني من هناك ورموني ف الشارع بس كدا 
ماما انا قبلها بكام يوم حلمت ان حد خطفني بعربيه بردو

حلم رقم 2
ازيك يا ماما نجيه يا رب تكونى بخير دايما وتكونى فكرانى
انا الا كان زوجى مشو من شغله بسبب عملو تحليل المخدرات
وحياتى اتغيرت بعدها للاسوأ فكل شىء ف المعيشه وكان عندنا شقه وعربيه واتباعو وكنت هطلق مرتين وهو رجع للادمان تانى واخلاقه كانت وحشه معايا انا وبناته لغايه اخر مشكله بينا كنت هطلق فعلا واصرت ع الطلاق واهلى جوم وهو اتفجىء ان خلاث الكل مصر ع الطلاق لتطاول ايده عليه كمان غير لسانه المهم اعتذر وقال هبطل وكل ده كان بدون عمل اشتغل شويه وجاب عربيه قسط يعمل عليها وفشل والاقساط اتراكمت وباعها وسدد للبنك
المهم هو بيبطل مخدرات خالث بقاله اسبوعين وبسعيله ف شغل واسال وبيخود مهدىء ومنوم عشان يعالج نفسه من ادمان الحشيش والترامادول
المهم انى مكنتش بحلم من ساعه مرجعت القاهره الا نادرا
حلمت فجر الجمعه وصحيت ع الفجر من الخضه اصلى وانا اصلا الحمدلله مواظبه ع الفجر يوميا وباقى الصلوات فميعادها
حلمت انه كان بيخود دش وخارج بالفوطه عليه لافف نفسه كالعاده وناس خبطو وهو فتح وطلعو شرطه وعايزينه راجلين الفوطه وقعت من عليه وعورته انكشفت وقالهم استنو البس رفضو قالولو هنخدك كده وانا اتحايل عليهم ولا اكنى بكلمهم وطلعت ع السلم وراهم ااقولهم اجبلو شورت حتى مشيو ومرضيوش وانا شايغه من فوق نازلين بيه ع السلم زى مربنا خلقه
صحيت مخضوضه ع ميعاد الصلاه قومت صليت ودعتله بالهدايه
طمنينى معناه ايه
انا زوجه وام لبنتين وولد كنت بدعى بيه وانت بشرتينى من احلامى بخلفته واتولد منها وجه ابتلاء الشغل والحياه اتغيرت ورجعنا القاهره والناس و اهله واهلى قالولى ربنا اداكى ولد وخد شغل جوزك قولتلهم ربنا مبيجبش حاجه وحشه جوزى مصنش نعمه الشغل الا ربنا ادهاله ولا بطل مخدرات بعد مربنا رزقه بولد ولا شكر ربنا ع نعمه الشغل وحافظ عليها فربنا عاقبه
بالله عليكى ادعيلى انا ف اشد الحاجه للدعاء بالصبر وربنا يعوض عليه الالم والعذاب الا شوفته ويحفظ ولادى ويهدى ويرزق جوزى يشغل يفتح البيت منه

السلام عليكم 
رأيت انى انظر الي نفسي في المرأه ووجدت أن لون عيني أزرق فاتح عروق جسمي أصبحت شديدة الزرقة و بارزة جدا  واتععجبت من لون عيني ثم نظرت مرة اخري  فوجدتها عادت للون الحقيقي في الحقيقة لون عيني اسود
متزوجة

الحلم رقم5
حلمت الللهم اجعله خير ان انا واخواتى وماما وبابا الله يرحمه زى ما نكون ريحين فرح وانا كنت محتاره البس ايه فكان فيه فستانين وانا كنت بختار ما بينهم وكنت هلبس طرحه بتاعت الفستان بس اخدت طرحت اختى وقلتلها ديه هتليق اكتر مع الفستان وزى ما نكون احنا متاخرين على الميعاد وبعدين بابا الله يرحمه كان بيقول ان اخوى عنده زى علامه كده مش فاكره هى ايه وقال ان العلامه ديه معناها ان عمره طويل وخلص الحلم
انا متزوجه وحامل واختى اللى اخدت منها الطرحه ديه غير متزوجه وبابا متوفى

الحلم رقم 6
حلمت يا ماما اللهم اجعله خير ان جوزى قتل شخص وبعد ما قتله خباه فانا قلت لو البوليس جيه هقوله ان هو اللى قتله انا مليش دعوه وخلص الحلم
انا متزوجه وحامل

ومعلش يا ماما انا شفت مشهد اخر ان انا لبسه شبشب بس الحلم كان كبير بس ده اللى انا فكراه 
  انا متزوجه وحامل

ماما ده حلم صاحبتي 
حلمت انها كاتت عند حماتها وكانت ضرتها هناك وكان فيه نمره كبيره اوي عايزه تهجم على صاحبتي وفعلا خربشتها في رجلها وكانت ضرتها بتضخك جامد والنمره بتروخلها وتطبطب عليها وحماتها قاعده وساكته وجوزها جه في ايده سكينة بيحاول يقتل النمره. بس كان بيحاول مش عرف وكانت ضرتها خاسه خالص ووشها مسود وبتضحك وصاحبتي كانت خايفه جدااا وبتعيط تستنجد وتحذر جوزها وهو كان غضبان من النمره