تفسير احلام يوم الثلاثاء الموافق 12\20 ان شاء الله

الحلم 2
حلمت ان اخويا الله يرحمة بيزورني وقعدنا علي السلم ولقيت علب بسكوت كتير وكراكيب فضلت ارتب فيهم والم العلب الفاضية وكان في شيكولاتة في علبة اديتها لاخويا ورميت العلبة وفي وسط ترتيبي لقيت سبراي مزيل للعرق جديد كنت لسة شارياة وافتكرت انة قبل مايموت كان عايز سبراي قلت لة خد ياعلي سبراي جديد اهو قالي بكام قلت لة 18ونص طلع من جيبة 5جنية و175قرش فكة وقالي هابقي اديكي الباقي قلت لة خد ال5جنية عشان المواصلات ومش هاخد غير الفكة للعيال واتكسف وكأنة مكانش معاة فلوس ومشي 


وحلمت ان في قطة صغيرة في شقتي ومصممة تعضني والحمد لله كنت ماسكة فوطة صغيرة جت تعض ايدي لفيت الفوطة حوالين ايدي فعضت الفوطة بس كان في خربوش صغير في كفة ايدي وانا خايفة ومحتارة اروح لدكتور ولا مش مستاهلة

السلام عليكم 
ازيك يا ماما نجية حلمت اني ماشية انا وجوزي واخته واخويا في طريق وانا ماشية كان في حصيرة زرقاء ملفوفة ومحطوطة ع جنب فانا وانا ماشية خبط فيها من غير قصد فوقعت فوطيت عشان اعدلها لقيت زريعة سمك صغير خالص وقعت من الحصيرة ع ايدي فعدلت الحصيرة وقعدت ابص في الحصيرة ع السمك الصغير راحت اخت جوزي قالتلي ابشري زريعة سمك اهه وقعت في ايدك يبقي بشرة خير وحتحملي
انا متزوجة ومعنديش اطفال

حلمت اني في مكان اعتقد انه محطه قطر وفي عرايس كتير بعرسانهم وكان الوقت الصبح وفي مصور بيصورهم
انا كنت مع صحابي البنات وعوزين المصور يصورنا
ببص لقيت نفسي لابسه فستان فرح وجه المصور عشن يصورني
فوقفني جنب جدار وبيخليني اقف بطريقه معينه والمساعده بتاعته بتوقفني مفروده..كان في زحمه كتير حواليا اتخنقت وزقيتهم مم عليا ..اغمي عليا م للزحمه وفي شاب جه شالني معرفوش ولا يعرفني
زميلتي كانت واقفه معايا غصب عنها حاجه ف ايدها عورت وشي وهي زعلت اوي من نفسها وببص لقيتني لابسه فيست لونه بني تايجر كده.....
حلمت ف حلم تاني اني شايله شنطه هدومي وموبيلي وطالعه السلم كانت الحاجه كتيره واحده جت تساعدني بس الموبيل وقع اتكسر روحت اجيبه بقي علي كف ايدي ازاز صغنن خالص بتاع الشاشه بس متعورتش ولا دخل ف ايدي ..روحت عسلت ايدي بالصابونه .
زميلتي اسمها امل وانسه بس كبيره ف السن وبنحب بعض جدا
انا انسه وبمر كرب وبتمني شخص وبدعي ربنا بيه

السلام عليكم ماما مجية
الحلم ده بتاع صاحبتي



حلمت ان انا واحمد زوجي وماما واخواتي وحماتي و رانيا اخت زوجي و زوجها في بيت من خشب في وسط البحر وكذا بيت وسط البحر معانا مدينة يعني
المهم انا قولتله انا هنام شوية
ودخلت نمت حلمت في الحلم ان في تعبان كتييييير عرض وطول تحت البيت ولونه شفاف ومش بيظهر الوانه الحقيقة الا لما يجي ياكل حد
وحلمت ان بلع حماتي واخت زوجي وامي وكل الا في البيت عدا زوجي قال انه رايح مشوار
روحت قومت من النوم وقولتلها امشوا بسرعة من البيت في تعبان هيأذيكم الكل تجاهل كلامي جداً
واتصل بزوجي قولتله ومصدقنيش
عدا اختي شيماء صدقتني جيين ننزل راح التعبان ظهر انه شفاف وانا بس اللي شيفاه جرينا وخرجنا والتعبان لون واكل كل اللي في البيت عدا انا وشيماء حتي اكل اجزاء من الخشب بتاع البيت
وعمنا انا وشيماء بالبحر وجرينا ولقينا من البحر مدينة شكلها حلو اوي فيها بستان وكلام صغيرة اوي لونها ابيض جرو وثابته بمكانها سبنها و روحنا بمكان تاني في زرع وبس وفضلنا ماشيين وصحيت ع كده

حلمت يا ماما اللهم اجعله خير ان انا كنت فى بيت زوجى واخوات زوجى كلهم مجتمعين واخت جوزى كانت  عامله قرص والقرص ديه شكلها جميل راحت مديانى واحده روحت قلتها وسالتها هى بتتعمل ازاى راحت قايللى على الطريقه بس المشكله ان كان فيها ملبن حبه صغيرين واكلتها وبعدين ببص لقيت ابن سلفى اللى فى ابتدائى بيجرى وراى وانا عايزه اهرب منه الولد ده اسمه محمود روحت لبست فستان فرح ابيض وقولت لسلفتى اللى هى ام الولد ده   مش معاكى نقاب قالتلى معايه روحت اخد منها النقاب والنقاب ده كان فيه حته بمبى وروحت لبست النقاب على الفستان الابيض والنقاب ده طويل  لحد الارض بس مفتوح من الجناب وباين الفستان الابيض ومشيت انا وسلفتى التانيه  وبعدين اكتشفت انى نسيت موبيلى راحت سلفى قالتلى خليكى وانا هجبهولك قولتلها تعرفى ترجعى تانى قالتلى اه وخلص الحلم على كده
انا متزوجه وحامل