تفسير احلام يوم الثلاثاء الموافق 9\6 ان شاء الله

٢
حلمت بجدتى المتوفية رحمة الله عليها إنها قاعدة فى بيتها وبتأكل وانا دخلت عليها اوضتها وبقولها
انتى ازاى شفيتى وبقيتى كويسة كدة ؟ 
كأنها كانت مريضة وبقت كويسة جدا وبتاكل كويس 
قالتلى انا خدت علاج تلاتة فى واحد  ، قالتلى وجدك كمان خف وبقا كويس
انتهى
من حوالى اسبوعين طلبت من امى انها تشتريلى مصحف جديد عشان تشاركنة ثواب القراءة
امى نيتها كانت ان ثواب قراءتى يكون لجدى وجدتى رحمة الله عليهم ، وطلبت منها ان النية تكون هما التلاتة يشاركونى ثواب القراءة 
وطلبت منها ان والدى كمان يكون من ضمن نواياه
براجع قرآن من المصحف وامبارح ختمت البقرة وبدأت ال عمران

حلم رقم 3

انا حلمت ان جزء كبير من فكي السفلي اتكسر يعني اتشال كدا كان فيه ضروس واسنان كان نص الفك السفلي من جهه اليمين

حلم رقم ٤

انا بحلم احلام مابتذكر منها الا مشاهد معينه فقط ما انساها يعني بنسى الحلم كلو بس في مشاهد معينه مانساها .. انا مطلقه طلاق بائن ورأيت من المشاهد في المنام اني بالمجلس وارى اختي وامي يعطوني صحن حلويات وكان طليقي خلفي وكان هوا ايضا معطيني صحن حلويات وكنت اقول لاهلي وكاني اقولها بنفسي ان يوه طليقي برضو معطيني صحن حلويات بعدها رايت انه مسك يدي اليسار ويلبسني خاتم فضي .. ثم استيقضت وبعدها نمت تاني وارى اني انا وهوا بسيارة سوداء انا بجانبه وهوا يسوق وامي كانت خلفنا جالسه وكنت سعيده اني راح ارجع لبيتي معاه بعدين اتذكرت انني بفترة الملكة لسى انتهى .. انا كنت مملكه وحصل طلاق عمري ٢٣ سنة

نسيت ان اقول بعد ما افتكرت انني بفترة الملكة قلت لنفسي يالله باقي ٣ شهور فقط على الزواج

حلم رقم 5
حلمت اني لميت غسيل وبنشر غيره فنشرت4 سمكات حيين كبار وطوال وبنشر كسوة كنبة وبعدها الدنيا شتيت جامد حطيت عليهم مشمع بس كان قصير وبين حتة منهم وبعدها لقيت نفسي مع ماشية مع دكتور كان بيدينا في الجامعة وبقوله اسمي بالكامل وعماله اكرره عشان لما يروح يتوصي بيا في الدرجات ومكنش عارف يعدي من الشارع فعديته بس مراته شافتنا وصورتنا مع بعض
بعدها لقيت نفسي بشتغل شغلانة مش كويسة (سمعتها سوء) عشان اكفي بيتي وافرشه حلو بس تعبت فروحت وقولت لجوزي (بس مكنش شكله كان واحد معرفهوش ) انا مش حشتغل الشغل دة تاني انا تعبت وكاني كنت حامل وبطني كبيرة جدا جدا راح طبطب عليا وقالي خلاص متشتغليش
انا متزوجة ومش حامل ومش بشتغل ومعنديش اطفال وفي مشاكل مع زوجي
شكرا ليكي يا ماما نجية ع تعبك معانا

حلم رقم 6 
معلش يا ماما نجية حتعبك معايا في حلم افتكرته قبل دةهو عبارة عن مشاهد حلمت ان اخت جوزي ماسكة فستان ابيض سواريه قصير جدا وصدره عريان خالص الفستان كله سواريه وبتقولي بصي خطيبي جايبهولي وماسكة جزمة بيضا كعبها عالي وبتقولي بصي حلبس دي عليها وخطيبي حيسفرني اوروبا وبعدها لقيت اني انا واخت جوزي وحماتي وجوزي راكبين تاكسي بس انا واخت جوزي ع يمين السواق جنب بعض وحماتي وجوزي ع الشمال وكلنا قاعدين قدام وسايبين الكنبة اللي ورا فاضيه بعد كدة نزلنا وحماتي وجوزي مشيو قدام وانا واخته وراهم وتليفوني فصل فاخت جوزي بتقولي تليفونك فصل احنا تهنا من بعض قولتلها انا عارفة  هما فين هما في الشارع دة وروحنالهم 
بعدها لقيت حماتي ماسكة برطمان عسل نحل مليان مكسرات وقدامها طشت مليان غسيل منقوع عايزة تحط من العسل ع الغسيل عشان ينضف فجاية تحط حبة عسل راح البرطمان كله اتقلب منها في الغسيل وزعلت فانها قولتلها متزعليش دة اصلا العسل دة شكله مسكر ومغشوش وبعدين لقيت اخته عندها خصلة شعر صغيرة خالص وشعرها كله اتحرق وفروة راسها كانها محروقة وفيها ورم وانا بقولها شعرك عامل كدة ليه لازم تروحي لدكتور جلدية متسيبيش نفسك كدة قالتلي انتي السبب كل لما تيجي تحصلنا مصيبة اهي ماما قلبت العسل وانا شعري وقع انا قعدت اعيط عشان هي ظلمتني وزعلت ومشيت
اخت جوزي مش مخطوبة والعلاقة بيني وبينها وحماتي مش كويسة 
وانا اسفة جدا اني طولت عليكي

حلم رقم 7
حلمت يا ماما نجية اني راكبة عربية كارو وان في قفص حديد وسايقها واحد معرفهوش سايقها بيعتدي عليا واننا في شارع والدنيا زحمة والسكة واقفة وانا عمالة اصرخ وفي واحدة قصادي شيفاني وعمالة استنجد بيها وبتتفرج عليا ومعملتليش حاجة وسيباني بس الست دي انا معرفهاش وبعدين قدرت افلت واتصلت بالنجدة وجه الظابط وحبس الراجل وبعدين لقيت ان الظابط دة معاه ورقة فيها تخضيرات لفرحة فانا زعلت انه حيتجوز لاني كنت معجبة بيه وكان بياكل عندنا وهدومة اتوسخت وانا بنضفهاله 
بعد كدة لقيت نفسي في المدرسة (اللي كنت شغالة فيها )وجيلنا تفتيش فمدير المدرسة رفد واحدة وبعدين دخلي الفصل الفصل كانه اوضه نوم كان فيه اوضه نوم امي انا كنت معلقة ع الدولاب من فوق ملابس داخلية (براهات) مقاسي ومقاس اكبر مني فهو داخل انا بحاول اغطيها بفوطة بس متغطتش كلها فهو شافها راح طردني فانا قعدت الم حاجتي عشان امشي لميت هدومي في اكياس ولميت حلل ومصافي الومنيوم وانا بلم لقيت حماتي عمالة تلم الحاجات بتاعتي في اكياس وبعدين لميت التليفون اللاسلكي وطلعته تاني قولت لا دة انا حسيبه هنا وقولت حتصل باخويا ييجي ياخدني وكان معايا ولد اسمه محمود بس 
انا متزوجة ومعنديش اطفال وفي مشاكل مع جوزي

حلمت انى قاعدة فى شقة تبع شغلى ، والشغل عبارة عن بيع عطور
وكان معايا واحدة فى الشغل اعطتنى زجاجة عطر صغيرة برائحة الفاكهة
وصاحب العمل اعطانى زجاجة عطر  كبيرة ولكنه كان عطر رجالى وله رائحتان
مرة تكون رائحة العطر فاكهة ومرة اشمها عطر رجالى
بس الزجاجتين رائحتهم كانت جميلة جدا

انتهى
انسة وفى اخر سنة فى الجامعة وبشتغل والحمدلله منتقبة 
واختى الصغيرة متقدملها عريس وجاى بكرة وفيه احتمال كبير بإذن الله هيحصل خطوبة

كل سنه وانتي طيبه ياماما 
انا حلمت كان عندنا مناسبه وبنجهز انا واختي ونزلنا بعد ماجهزنا وكانت اختي لابسه فستان كله الوان وكانت فاتحه وطرحه فسدقي فقولتلها لبستي ده ليه فيه احلئ فقالتلي طيب قوليلي اغير والبس ايه قولتلها خلاص مش مشكله بس الوانه كانت حلوه المهم نزلنا لاقينا ولاد خالي وخالتي رايحين معانا بس احنا ركبنا قبليهم وكان معايا بنوته صغيره اديتها لابن خالي وقولتله عايزاك وبعدها مشينا بالعربيه وكانت بلبس انسيال اكسسوار شكله حلو اوي في ايدي الشمال 

ابن خالي اللي اديته البنت متجوز ومش مخلف 
اختي لسه انسه 
انا متجوزه وعندي ابن

الحلم رقم 10
السلام عليكم ورحمة الله وبركاتة 
حلمت انى بنضف السطح وكان فية زبالة وكركيب كتير وتراب وفية فرن خبيز طين بتاعت الفلاحين بتاعت زمان وكان معاية كام وحدة من قريبى بس نسيتهم بعد ماصحيت ومكناش لقين شكاير نلم فيهم الزبالة بس لميت جزاء كبييير وفضل جزء كنت بحاول قدر الامكان انضف المكان بى اى وسيلة لحد ما تقريب بقى شبة نضيف الحلم كان مليان احداث كتيييرة وحوار بينى وبين اللى كانو معاية بس مش فكرة وبتدء النهار يخلص والدنيا هتليل والكل قال يلا كفاية ونزلو وانا كنت نزلة ولقيت الدنيا بتمطر منزلتش وطلعت ابص على المطرة من البلكونة والدنيا كانت ليل وبصيت على السماء والمطرة بتنزل ولقيت السماء مليانة ايات قرانية مكتوبة بخط اسلامى (اللى هى بتكون الكلمات فوق بعضيهاوشبة متلاصقة ) وكان منظرها بديع جداااا وروعة منظر تقشعر له الابدان وكنت فى غاية السعادة والانبساط وانا بتفرج على الايات المكتوبة من السحب وبحاول اقرها لانها كانت بتتغير بسرعة رهيبة وتظهر اية جديدة مختلفة كانت السماء كلها ملينا ايات كتييير متعددة ومتنوعة وتظهر وفى ثوانى تتفتفت وتدوب وتظهر غيرها مختلفة وطنت مش مصدقة اللى انا شيفة ومفكرة انى متهيقلى اوبفسر المنظر وهو مش واقع وبتداء العائلة الكل تطلع فوق السطح تتفرج على المطرة ومنظر السماء وفعلا كانو شيفين اللى شايفة ورحت انادى على بنت خالتى وبعتلها العيال علشان تشوف المنظر وتدعى فضلت انادى عليها كتير وابعتلها ورجعت البلكونة تانى وفضلت ادعى من كل قلبى ان ربنا يرزق بنت خالتى بالذرية الصالحة عاجلا غير اجلا دعتلها كتيييير اووووى وكررت فى الدعوة كتيير  ودعيت دعوة تانى انى القى درجات فى التظلم بتاعى وانجح فية بس دعيت لبنت خالتى اكتر ورغم انى كان جواية دعوات كتييير بس معرفش لسانى ما نطقش غير الدعوتين دول وطلعت بنت عمى وقولت اة جيت بتاعت القران كلة يلا اقرى الايات دى (لانها حافظة فية كتييير )  وطلعت ستات تانى المفروض من العيالة وقريبنا  بس انا عمرى ماشفتهم وسلمت عليهم وبقين كتار جدااا فى البلكونة وحيت اننا تقلنا جدااا على المسند بتاع البلكونة وكانة بيتحرك فقولت للى معاية خفو سند على البلكونة لانها مش ممحرة ولسة ماتقلتش هى طوب بس وطلعت بنت خالتى اللى كنت بدعيلها وقولتلها كنتى فين من بدرى فضلت ابعتلك كتييير قالتى مش فاكرة كانت نايمة ولا فى الحمام مش فاكرة قولتها بعتلك علشان تدعى انا دعتلك  
وصحيت مبسوطة جداااا 
انا متزوجة ومعاية ولدين وبنت وبكمل درسات عليا وفعلا عامل تظلم فى مادتين 
بنت خالتى معهاش اطفال ومتزوجة من 8 سنين 
ادعولها بالذرية الصالحة