تفسير احلام يوم الاثنين الموافق 11\14 ان شاء الله

السلام عليكم
حلمت اني في بيتنا وكنت واقفه قدام المرايه وكان معايا الفرشاة الجديده اللي بتفرد الشعر زي الاستشوار وعملت شعري وكان شكله جميل جدا وبقي مفرود واطول من الحقيقه وواحده ست جت تقيس طول شعري وبعدين قولت انا هنزل اشتري فرشاه زيها اشيلها في جهازي هي سعرها في الحلم كان 375 ونزلت الشارع لاقيت نفسي لابسه فستان حلو اوي ولونه ازرق ولا فاتح ولا غامق بس جميل وشيك وفهم اوي ومنفوش قابلت اخويا وواحد صاحبه اخويا وقف يستناني لحد ما عديت الشارع النحيه التانيه علشان يطمن عليا وبعدين لاقيت نفسي في قاعه افراح عند ناس قرايبنا روحت اسلم علي واحد قريبنا قاعد اسمه كارم ده زي عمي متزوج وعنده اولاد والمفروض ان الفرح كان تبعه هو سلم عليا وحضني
انا انسه في عريسين اتقدموا واحد رفضته لانه مش مناسب والتاني مناسب بس الموضوع متوقف مش فاكره اذا كنت اشتريت الفرشاة اللي كنت نازله اشتريها ولا لا ء في الحلم لاني لاقيت نفسي في قاعه الافراح

3

2
انا خليت واحده عملتلي استخاره عن الشخص اللي انا معجبه بيه
ودعت لو في خير تشوف اشاره من ربنا ضوء ابيض او حاجه خضرا
فحلمت بالمنام كله انوار .الدنيا منوره
ماما عملتلي الاستخاره
حلمت اننا في بلد متحضره اوي والدنيا بتمطر والسما فيها الالعاب الناريه دي ومنوره وجو مختلف وحلو اوي وقابلت صديقه لها هناك لابسه بنطلون وحجاب بس سبانش ده ومظبطه نفسها وامي كانت لابسه لبسها العادي فامي بتسالها لابسه كده ليه فطنط قالتلها مصيف بقي وتغيير فماما بتقولها انها هتروح لان الجو مش مناسبها
وطنط بتقولها ده الجو جميل اوي فماما بتقولها فعلا الجو تحفه ومبهر ..طنط دي طلبت من ماما مايه لابنها عشن عطشان راحت ماما مدياها مايه وصحيت
ماما بتقولي المكان كان تحفه وجميل وحاجه فخمه
هو اسمه احمد وامه متدينه جدا وكلهم ملتزمين

الست ال كانت ف الحلم اسمها مرفت وصاحبه ماما من زمان
وبتلبس عبايات وخمار
نفس لبس والده الشاب ف الحقيقه
هو المنام ده له علاقه بالاستخاره !!

3
انا حلمت اني ببص في السما والقمر كان بدر وكبير وكان في قمر كمان صغير بيتحرك في السما ويعدي جوه القمر الكبير ويلف ويرجع يعدي جوا القمر الكبير وكل ده وانا في الشارع وعماله اقول في قمرين

حلمت انى في مكان مع بابا ولابسه اسود والطرحة اسود وفيها ابيض على الجنب شكل الريش وبابا راكب مع واحد موتوسكل وكنت هركب معاه قالي لا اقعدي مع زمايلك دول فقعدت لاقيت اكني معايا شنطة فيها  كيس حلويات ومعاه بيض فيه بيضتين مكسورين وجواهم نيء بقول دا مش هيقضى الناس اللى معانا بببص تحتهم لاقيتبيضتاني كتير قولت كويس دا هيقضينا
انا انسه خريجة كلية وبشتغل وكنت مخطوبة

انا حلمت ان في فالتلاجه علبتين جاتوه وكلت منهم الاتنين
واخدت كاس فيه جاتوه واكلته بس كده

ماما عملت لي استخاره
حلمت ببنت شابه حلوه اوي اوي قاعده بطشط ع الطريق وحاطه في اكل في الطشط ده بتبيعه وفي كيس فيه عيش هي طلعته لراجل غلبان فماما اتجذب انتباهها ليها لانها جميله اوي وبياعه وفي نفش الوقت بتطلع صدقات فماما بتسالها عنها قالت لماما انها دكتوره
وكان جنب منها جامع وفي عربيه ناس منزلين لوح زجاجي وفيه لمبتين منورين والبنت دي بتقول لماما دول ناس متبرعين بيه للجامع عشن ينور ... ماما روحت البيت وكان في قعده غدا تقريبا مثلا اكل لفرح وكانت بتسمع اسم محمود بس هي مش فاكره الباقي بقي ولا عرفه محمود مين
انا دكتوره صيدلانيه
وملتزمه الحمد لله
والشاب اللي عامله عليه الاستخاره انا بتمناه من ربنا وهو اصلا ميعرفنيش الا عن طريق اخوه محمود ومحمود ده اصغر مننا وهو بمثابه اخ ليا وابن لامي يعني ويعني هو بيجيبلي اخباره وكده
معناه اي المنام !! وهل له علاقه بالاستخاره او لاء !

نسيت اقول لحضرتك
هي ماما كانت بتقولي ان اخلي محمود يقول لاخوه اذا له رغبه في الزواج مني
زي السيده خديجه لما اعجبت بالرسول وحد عرضها عليه وكنت سالت شيخ وقالي انه حلال
اي رأي حضرتك اقوله يقول لاخوه عني !! والا الاستخاره مش حلوه !