تفسير احلام يوم الاربعاء الموافق 10\5 ان شاء الله

حلم 4

حلمت انى فى مكان زى بيت غير معروف بالنسبة ليا لكن الناس اللى فيه راجل و ست كانوا بيشتغلوا فيه والراجل كل شوية ينده عليا و انا مكنتش مركزة معاهم و حسيت ان الناس مستنية منى تعرف المكان اللى حيتعمل فيه فرحى وقتها ركزت ان انهاردة فرحى و بعد ساعة و انا لسه مش مستعدة خالص و فكرت اجيب كوافيرة و قعدت افكر ياترى حتلحق و لا لأ بس برضه مكنتش مهتمية اوى و بعدين شوفت نفسى قاعدة مع بنات بيسألونى على مكان الفرح فانا قولتلهم انا معرفش اذا كان العريس جاى اصلا و لا لأ و بعدها شوفت شاب اعرفه جالس على طرابيزة جنبنا و قولتلهم أهو العريس اللى قاعد هناك ده , ده احمد العريس هو كده خلاص يبقى حيجى  و روحت قعدت جنبه و كان جنبه صينية متغطية بورق فويل كشفها و كان فيها كيك قطع نوعين نوع فاتح و عليه مكسرات فول سودانى التانى غامق عنه زى ما يكون بالكاكاو او  الشيكولاته و قربه ليا قولتله انا اكلت النوعين بتاع ماما و بتاع مامتك الاتنين حلوين و كنت عارفة ان بتاع مامته هو الفاتح اللى عليه فول سودانى و بعدين حضنته و وقتها شوفت ايدى حتى معملتش سويت فقولتله بص اللى انت عايزه عايز تعمل فرح فى قاعة ماشى مش عايز انا ميفرقش معايا بس قولى علشان انا لسه مجهزتش و لا عملت اى حاجة خالص فقالى روحى بس انتى الكوافير و انا حجيلك لحد عندك كأميرة وقتها فرحت جوايا بس قولت انا برضه لسه معرفتش اقول للناس مكان الفرح فين

حلم انه يوم فرحى و دايما مش جاهزة ده بيتكرر معايا بطرق مختلفة بس بقالى فترة مكنتش شوفته
فى الحقيقة الشاب اللى ظهر فى الحلم ده مش اسمه احمد بس طول الحلم بقول اسمه احمد

انسة و موظفة