تفسير احلام يوم الاربعاء الموافق 11\25 ان شاء الله

حلم رقم 1

حلمت خير اللهم اجعله خير فيه زي قذائف بركانية في السماء ووحده منهم نزلت على الأرض وانا كنت وقفه في البلكونه واخواتي جنبي وفجأة لقيت الدنيا انقلبت ودخان كتير ونار وانا بقول يارب والجيش نزل الشارع وبدأ ياخد الناس وياخد كل حاجه منهم اكل وشرب واللي معاه مصحف كمان بيتاخد منه وانا كنت في الشارع وهرب منهم لأنهم هينزلونا تحت الأرض وعمتي وابنها كان معايا بس هي هربت ومشيت تحت نفق بس انا ما عرفت و الرئيس ركب عربيته ومشي واحنا بيتشد مننا كل حاجه بس كان في ايدي مصحف خبيته في البرا كنت خايفه حد ياخد مني وبعيط وفي وحده كانت معايا اتاخر منها وبتقولي اعمل ايه دلوقتي قلت ليها ما تخفيش انا مخبيه واحد لما تحبي تقراي قرآن خديه بس افتكرت اني شايله مصحف صغير في درج التسريحة بتاعتي ورحت مكان القذيفه لأن التسريحة بتاعت غرفه نومي اللي اتجوزت بيها هناك و دورت كتير عليه بس ما لقيته لقيت مصحف صغير من مصاحف الأجزاء الصغيرة واخدته وكان معاه أذكار اخدتها وخبتها ولقيت نفسي تحت الأرض مع الناس من غير اكل ولا شرب لمده 3 أيام والناس بتموت وأي حد كان بياكل من الأكل ده بيموت أو حتى بيطلع برة ويشوف الشمس بيموت لكن انا طلعت وما جري ليا شئ وبدأت ااكل الناس والجيش وقف ما عمل حاجه وبقى يا كل معانا من شده الجوع وقمت على كده انا خايفه أوي يا ماما من الحلم ده ربنا يستر

حلم رقم3
حلمت خير اللهم اجعله خير انى فى مدرسة اللى بشتغل فيها وانا والمدرسين ركبين زى مرجحه متعلقة فى الهوا 
وفى مدرسة اسمها رضا هاتقع من مرجيحة وانا خايفة ومرعوبة لتقع وبعدين نزلنا واتهمتنى استاذة رضا دى انى هاوقعا 
وزى طردونى برا مدرسة وانا بفتح فريزر وبطلع الاكل بتاعى قبل ما امشى طلعت فراخ مثلجة واكل كتير وقاعدة بقولهم انتم ماتعرفوش ربنا هايكرمنى ازاى 
وهايخدلى حقى ازاى مادام بحسبن وبذكر الله وبلم فى الاكل مثلج ده 
وبعد كده لقيت نفسى رحت مدرسة جديدة اسمها على مبارك الخاصة المدرسة دى جميلة ونظيفة وقريبة مش بعيدة وبقيت فرحانة طايرة طايرة 
وخلص الحلم على كده 
انا بشتغل فى مدرسة وعادى ماعنديش مشاكل مع حد ولا حاجة بس بعانى شوية من هرجلة وقلة نظام فى مدرسة وبسعى اغير المدرسة 
كنت قريت سورة البقرة كامله قبل النوم علشان كنت حاسة بالخنقة والقلق وعلشان مايمسنيش حسد

حلم رقم5
انا ف شخص اعرفة والله اعلم ف نصيب بينا ولا لا بس كنت بدعى ربنا يلينلى نية الشخص دة خير ولا لا من نحيتى
فحلمت بى انهردة حلمت ان انا واختى راكبين عربية واختى بتسوق العربية وانا جنبها فلقيت اتصال من الشخص دة بيقولى انتى فين قولتلة انا واختى ماشيين ف المندرة ع البحر قالى بجد طب انتوا كدة قريبين من مكان العمارة ال فيها شقتى هوصفلكم الطريق عشان تروحوا تشوفوها وتشوفوا موقعها وفعلا وصفلنا المكان وكان المكان شارع من الشوارع الجانبية ع البحر ودخلنا بالعربية الشارع وهو كان معايا ع التليفون فالشارع كان ف بيوت وعمارات فببص كدة فبقولة ف التليغون انهى عمارة بالظبط فبصيت ع عمارة قولتلة دى الملونة دى اللى لونها موف وكذا لون قالى اة هى قولتلة ماشى وقفلت معاة وقولت لاختى اهى العمارة اللى فيها شقتة اختى قالتلى جميلة اوى العمارة ولونها غريب وكانت احسن واعلى عمارة ف الشارع وانا كانت عجبانى اوى العمارة واختى عجبتها اوى وقعدت تقولى الله دى اللى ممكن تسكنى فيها دى جميلة اوى وكان كذا دور بس اول دور كان ف رطوبة لكن بقيت العمارة مكنش فيها حاجة خالص وانتهى الحلم

الحلم 6

حلمت بان انا عند ماما بزورها وهي محضرة فطار لاخويا الاه يرحمة ودخلتهولة الاوضة وقعدت علي طرف السرير وانا دخلت قعدت علي كرسي وقعدنا نتكلم وببص علي الحيطة لقيت نمل كتير جدا ماشي في خطوط كدا ونازل ماشي علي المخدة بتاعتة قلت لة اية دا ياعلي نمل كتير قوي قالي تصدقي وانا حاسس ان حاجة بتقرصني طلعتة برة اللاوضة وفضلت ارش فيها كلها وطلعت ماما كمان عشان عيالي كانو معاها

حلم 10
رايت خير اللهم اجعله خير اني عند واحدة صاحبتي وعايزة ادخل الحمام ومش قادرة بس جوزها كان في الحمام راحت خرجت جوزها ودخلتني وبقيت عماله اقول لها سيبيه لما يخلص راحت قالت لي لا ادخلي وهو يخرج انت مش قادرة ودخلت وعملت حمام اعزك الله
انسه
صاحبتي دي بقالي زمن مش شفتها