تفسير احلام يوم الاثنين الموافق 7\18 ان شاء الله

السلام عليكم ازيك ياماما نجية
اناحلمت ب ثلاث خواتم فضة وكل واحد فيهم ليه فص واحد كبير واتنين تقريبا زي بعض والفص لونه تقريبا بني لبست واحد في الاصبع الكبير المنفرد الابهام ومش فاكرة بقيت الخواتم لبستها فين بس المميز هو الخاتم الكبير لاني قعدت ابصله كتير واناسعيدة
اناطبيبة وزوجي طبيب وعندي ولدين وبنت وزوجي فاتح مركز طبي جديد وعليه اقساط وديون والحمدلله في سبيله يخلصها

رقم 2 ..حلمت انى فى بيت امى الله يرحمها و دخلت الحمام و فتحت الغسالة و فيها غسيل و طلعت سوتيان من الغسالة و قلت ده المفروض مايتغسلش فى الغسالة لحسن يبوظ ..و اخدته عند الحوض تقريبا كنت هشطفه ..و بعدين رحت اوالدتى و هى كانت واقفة و قلت لها انها هى تبقى تنشر الغسيل و جت سيرة واحدة شغالة كانت بتيجى لوالدتى من زمان ...كانت اسمها ام حسن و انا قلت اسمها ...و بعدين الملروض انى مسافرة الغردقة و انا و جوزى و بنتى و ابنى فى العربية و ماشيين فى الطريق و بعدين لقيت اننا فدامنا مية زى البحر و لونها مخضر و المية رايقة و جميلة و فيها ناس بتعوم و تلعب و فجاءة لقيت اننا فى حاجة زى المركب و ماشيين بيها فى البحر ده و لقيت بنت شابة قدامنا راكبة زى مركب كاوتش اللى بيتنفخ ده و البنت كانت ماشية بالمركب ده قدامنا و زى خافت اننا نخبط فيها و اتحركت بسرع شوية و فعﻻ عدت و ماخبطناش فيها ...و بعدين لقيت اننا فى الفندق و جوزى دخل و احنا برة فى صالة الفندق ..بنتى و ابنى قالولى ادخلى مع بابا و دخلت لقيته بيقول لى اﻻوض غالية علسان احنا فى العبد و بعد شوية واحدة ندهت على اسم جوزى و قالو اننا هناخد 3 اوض واحدة فيها سرير كبير و فيه اوضة تكفى واحد بس يبيت فيها

السلام عليكم
أنا حملت زي ما يكون عيد و اتصل على موبايلي إمام مسجد بس أنا ما ر دتش عليه و هو اسمه علي و بعدها اتصل على موبايل أختي اسمها سعيدة فرد يت عليه فقال لي حضري نفسك الأسبوع ده حيجيلك خبر كويس فأنا فرحت جدا. آنسة. هذا الإمام كنت أرقي عنده من سنين ولا أعرف عنه شيئا.

3
صليت العصر واستخاره عن خطيبي ال محصلش بينا نصيب
حلمت اني قالعه السلسله بتاعتي ومحطوطه علي طرف سور وكنت علي وشك انها تقع ..امي لحقتها واخدت السلسله
وحلمت اني عند الكعبه وعمتي وجوزها واسرتي ..مش واقفه ادام الكعبه بس كنت في الحرم وشايفاها كان مع جوز عمتي طبق توت حد بيديهوله اكلت واحده كانت كبيره وطعمها مختلف وكان مع والدي برضه طبق توت زيه وكان توت اسمه غريب وماما بتحكيلي عنه وحلمت اني روحت البيت وكنت حاطه علي وشي ماسك وروحت اغسله وكان ع الحوض كيس التوت وكانت في بنوته اسمها رقيه بنت اخوه معانا في البيت مع اخواتي
عمتي اسمها اماني جوزها محمد هيروحو يحجو السنادي
خير طمنيني ..معني الاستخاره ايه ؟؟؟ كنت نايمه ع وضوء وكامل تفويض الامر لله
انت هعملها 3 ايام ورا بعض

السلسله كانت ع وشك انها تقع ومامتي هي ال لحقتها

حلم ٥

السلام عليكم . ازيك يا ماما
تيته لسه متوفيه من اسبوعين . حلمت بيها امبارح انها موجوده ف شقتنا القديمه ف اوضتها على سريرها . فرحت وحضنتها ونامت وقعدت تقولي اسم قريبتي وتكرره كذا مره وانا سألتها كتير مالها وهي كانت بتردد اسمها بس فسألتها مالها ماتت ؟ قالتلي اسمها
فلقيت قريبتي جايه علينا معاها عيش كتير جدا وطعميه كبيره فبقولها ايه كل ده قالتلي علشان هنتجمع كلنا

السلام عليكم حلم رقم 6
انا متزوجة وعندي عيال عمري 40 .. زوجي متزوج من سنه ونص وعنده الان ولد.
حلمت بنتي عنرها 12 سنة
ان كنت في غرفة البنات مثل ماهي ماتغيرت،وكأنّها غرفتي الخاصة.
وزوجي مع زوجته الثانية بغرفتي الرئيسية بس كانوا بالصالة يحضرون شنط للسفر وكانت الشنط كثيرة والزوجة اترتب الملابس وزوجي واقف عندها. المهم بنتي حضرت لي عندي (وكان شكلي تعبان وضعيفة ولا اتحرك عالفراش وشعري كله شيب )وقالت لي أمي نبي فلوس لان المدارس قربت فقلت لها عادي انتظروا اسبوع فقالت خلاص بروح آخذ من بابا، قلت لها : لا، لاتاخذين منه اخذي من زوجته.فراحت وقالت لابوها انت روح لاتسمع (وكان شكلها جميل وشعرها ملموم اسود بس بنتي تقول اشوفها على طرف أشقر) ونظرت بنتي لزوجة ابوها وقالت لها نبي فلوس فالزوجة نظرت لزوجها ثم نظرت لبنتي وقالت روحي الغرفة وتلقين فلوس.راحت بنتي للغرفة ولقت بالكوميدين اللي يخصني في الماضي فلوس سعودية كثيرة وبينهم خمس دنانير كويتية فاخذت الكويتية وحضرت عندي وقالت احضرت خمسه. وانتهى الحلم.

للعلم انا انام في الحقيقة بغرفة منفصلة عن زوجي.
وتقبلت فكرة زواجه الحمدلله بس لم اتقبل انه لم يراضيني او عالاقل كما هو معروف عندنا انه يهدينا.
وشكرا لك عزيرتي.

الحلم ٧

حلمت حلم طويل مش فاكرة منة غير ان كان في طوابير كتيرة واقفة وانا كنت واقفة ف الاول والسيسي ومعاة واحد بيوزع علي الناس ايس كريم فانيليا او شيكولاتة او فراولة ببلاش ومع اني كنت واقفة الاول بس الناس كلها اخدت وانا بقيت للاخر حتي اصحابي اخدو وطلعو اوضة ف شقة فوق وكان معايا طفلة اخدت بالفانيليا بس ساح منها وانا طلبت شيكولاتة وطلعت لاصحابي علي الاوضة اللي مرتباها لهم ومنضفاها لقيت راجل عجوز وعيلتة قاعدين فيها واصحابي نايمين ف اوضة ضيقة ووحشة وانا اتضايقت اولا لاني نضفت الاوضة الكبيرة ليهم وثانيا لانهم نامو وماستنوش اطلع لهم اللي كانو نايمين امل ودينا وابتسام واحدة بس لقيتها صاحية اسمها امل وقعدت معايا ولميت من الاوضة اي حاجة تخصني حتي لو لعبة ولخدتهم وفتحت تلاجتي لقيت الفريزر مليان عضم ومفيش اكل



اسفة ممكن تفيديني ف الحلم دا اني دايما احلم بان خطيبي القديم هو جوزي مع العلم اني متجوزة وعندي ولدين وحياتي مستقرة

السلام عليكم
لو سمحتي ياماما نجية اناحلمت بوالدي رحمه الله وكاني دخلته المستشفي واخواتي كانو قاعدين بيتفرجو او بيلعبو بالموبايلات وبعدين رحت ادفع مصاريف خروجه من المستشفي فطلب مني اخرج والدي وبعدين يدني وصل وفعلا نزلت شايله والدي علي كتفي وفي ايدي حاجاته حتي كنت لابسه شبشب مااعرفتش اخلعه والبس جزمتي فميلت جبتها من الارض وشيلتهابصوابعي لان ايدي ماكنتش فاضيه والمحاسب كان بيقطعلي بدل وصل الحساب قطعلي ورقتين من المصحف تريبا كان فيهم سورة النبأ وكان المفروض يديني سورة كمان بس قالي دول كفايه عليكي وشفت في المصحف سورة من غير اسمها مش مكتوب فوقيها واهدت والدي وركبنا الاسانسير وهو علي كتفي

حلمت اني كنت راكبه في عربيه او اتوبيس عالي ومش عرفه انزل
اخو خطيبي سابقا كان واقف حطيت ايدي ع كتفه وهو مسكني نزلني .
جزء اخر كنت قاعده جنب اخته الصغيره ومعاها ازازه فاضيه وانا معايا ازازه مايه بارده ...حطيتلها مايه في ازازتها الفاضيه من ازازتي بس كده
انا مليش كلام معاهم دلوقتي