تفسير احلام يوم السبت الموافق 6\25 ان شاء الله

اختى انسه حلمت لى انى ارتدى البس غوايش ذهب فى يدى الشمال و كانو عجبنها و كنت بعدل شعرى انسه انا ايضا 

ايناس كتب:

1
حلمت اني راقده علي مرتبه علي الارض انا جنب خطيبي وبعدين لقيت اخو خطيبي حاي يصحينا وجايب ازازه مايه وبيقول ان حمايا قاله صحي الدكتوره واديهم المايه فرحت اوي .خطيبي فتح المايه وشرب منها وبعدها لقيت اننا في اوضه ليها سلم وجوه بيت جديد له سور متحوط عليه وكأنه بيقولي احسني تربيه ولادنا حمايا متعشم فيا .....
قبل المنام ده حلمت اني كنت تعبانه وبعيط وناس ساندني اخو خطيبي شافني وكان باين علي وشه الحزن عشاني وبيقولهم انا عارف هي تعبانه من اي وهتبقي كويسه انا واثق ومتأكد
هو يقصد اني زعلانه بسبب تأخر موضوع جوازي من اخوه ويقصد انه هيتم وهو واثق....
اخو خطيبي اسمه ابراهيم وهو متجوز ومخلف
ويبقي دكتور زميلي ف الشغل

رودي طه كتب:

حلم 2
رايت خيرا باذن الله ان ولد اسمه علي وبنات خاله موجودين بس سنهم اصغر من الحقيقة شكلهم اطفال ولقيته بيديني خمسين جنيه تقريبا كانت فلوس الدرس اللي اديته له وبقوله طب انت باقي لك كده كام قالي 11 قلت له متاكد علشان انا محسبتش مامته كانت قاعدة قالت لي لا 12 جنيه فكان معايا شنطة من شنط الهدوم بس فاضية فيها فلوس بس طلعت منها عشرة جنية واعطيتها له وطلعت جنيه وبدور ع جنيه كمان طلع نص جنيه قلت لا وكل ما يطلع جنيه اقول لا مش ده وساعات كان بيطلع جنيهات اللي هي عملات تذكازية واقول لا مش ده لخد ما طلع جنيه اكبر من الحجم العادي تقريبا ضعف الحجم اللي عارفينه واعطيته له وكان مكتوب عليه صل الله عليه وسلم ومكتوب حاجة كمان بس مش فكراها وكمان مش مكتوب بالكمبيوتر لا مكتوب بخط حلو
علي دلوقتي في تانية اعدادي ومبقتش باديله كنت باديله قبل كده سنة واحدة
بنات خاله في اولي اعدادي بادرس لهم 
الحلم بالنسبة لي غريب اوي علشان من ساعة الاجازة وانر مشفتهمش وعلاقتي بهم مش قوية 
حلم اخر ربنا يعطيك العافية
رايت خيرا باذن الله ان احنا في الايام دي فعلا وماما هاتجهز علشان العيد وعايزة تجيب اكل وتجهزه للعيد. فقالت لخالي مصطفي وانت معدي لو لقيت محل بتاع حاجة مش فاكرة ايه فاتح قولي علشان ابعت احمد يشتري فلاقي فعلا فاتح واتصلت باحمد ونزل واشتري وبعدين قالت لخالي برده ع بتاعة البسلة لو قاعدة اتصل بيا وعدي ولاقاها قاعدة راحت اتصلت باحمد وقالت له ينزل يشتزي بسلة فانزل راحت الست قالت له لا لازم تنقي مينفعش اعبي لك من غير ما تنقي البسلة وقالت له لو عايز اديك من غير ما تنقي تعالي بعد العيد راح رجع واتصل بماما وقال لها رحت قلت لماما انا ممكن انزل وانقي انا باعرف انقي البسلة 
خالي مش ساكن قريب مننا علشان ماما تطلب منه حاجة زي كده
احمد اخويا الكبير وماما طلبت منه كده في الحلم ع اساس هو وانا بس اللي بنبقي موجودين الصبح 
ماما بتشتغل
انا انسة 
اعمل معلمة
الست اللي اشترينا منها في الحلم كانت عند بيتنا القديم وكانت ماما متعودة تشتري منها
ماما مش متعودة تجهز الحاجات قبل العيد كده

Thediamondblue كتب:

السلام عليكم
اناحلمت اني واقفه في بلكونة شقة  والدتي في الدور الرابع ولقيت المسجد اللي امام البيت اتهد ومابقاش منه حاجه خالص ولا كانه كان موجود وكان ارض الشارع بقت ارتفاع بلكونة الدور الرابع اللي انا واقفه فيها وانا عماله اعيط واقول لوالدتي هدو الجامع هدوه تاني لانه مبني جديد والقديم برضه اتهد

sasoloveyou كتب:

حلم رقم 4

انا حلمت اني كنت مع بنت خالي نزلنا نجيب جزم وشفت جزمه حلوه اوي كان لونها فاتح وكأنها بلاستيك كدا وكان شكلها باين انها صغيره عليا بس لما قيستها كانت حلوه عليا جدا ومقاسها مظبوط اوي

رودى طه كتب:

حلم 5 رايت خيرا باذن الله ان انا فى المدرسة وكان الوقت فى الحلم المغرب وصفاء صاحبتي فى الحلم ولابسة بلارينا (حذاء ليس له كعب) بس من غير شراب فانا استغربت وقلت لها ازاى لابسة الحذاء من غير شراب انا مابعرفش البسه من غير شراب ورحت بصيت ع رجلى لقتني لابسةحذاء بلارينا برده وكان فى اتنين غيره بس قلت لا انا بارتاح فى الشكل ده ولقتني لابسة شراب بس مش مغطى الرجل كلها الشربات اللى طالعة موضة اليومين دول اللى هى فى مقاس الحذاء وبعدين رحت فى مكان مدارى علشان اصلي بس مش فاكرة كانت صلاة ايه المهم قلت لها هاصلي قبل ما امشى فلسه هتتكلم قلت لعا لا انا عايزة الحق اصلي 
انسة اعمل معلمة والمدرسة اللى كان فيها الحلم دى اللى باشتغل فيها وصفاء مخطوبة وخلاص ده اهر شهر لها فى المدرسة وهاتمشي علشان هاتتجوز وصاحبتي اوى

نهر الحياه كتب:

اختى انسه حلمت لى انى ارتدى البس غوايش ذهب فى يدى الشمال و كانو عجبنها و كنت بعدل شعرى انسه انا ايضا