تفسير احلام يوم الاربعاء الموافق 5\31 ان شاء الله

1
حلمت اني كنت في بيتنا بس كان شكله مختلف كان واسع اوووي وجالنا ضيوف ستات قرايب امي وانا كنت قاعده في ركن ومسلمتش وبعدين لقيتهم اشركوني في قعدتهم والقعده كبرت وحضر بقيه اقارب امي يعني خيلان امي.جمع خال يعني ..وبنات خالها وجدة امي المتؤفيه وكانو كلهم اكلو الا انا ..كانو اكلو بيتزا الا انا لان غالبا مكنتش موجوده ..لقيت جدة امي المتوفيه قسمت شريحه البيتزا بتاعتها وبتعزم عليا 3 مرات وانا اشكرها لحد ما اخدتها منها واكلتها وجالي هاجس اني اكلت من ايدها ومعرفش اذا يدها نضيفه او لا ولكن شلت الوسواس ده واكلتها وكان طعمها حلو ..وكان في قطعه حد اعطاها لخال من خيلان امي واكلها ..
جدة امي اسمها فوزيه كانت امراه صالحه وبتحبنا ماتت من فتره قصيره ..علاقتي باقارب امي سطحيه خير طمنيني

الحلم رقم 2 

الحلم رقم ٤
حلمت انى انا ووالدتى فى الحرم وكان فيه مطر وكنا قاعدين فى الصف الاول امام الكعبة
حلمت حلم تانى انه فيه شاب ملتحى جميل جدا متقدملى وكأنه اخ لصديقة اعرفها
وقعدت معاه فى رؤية شرعية ومتكلمناش وكان هيمشى بس طلبت منه يقعد عشان اتكلم 
معاه واعرفه ونظرت له ولقيته جميل الوجه وملتحى ومكنتش واخده بالى منه
وحلم تانى كنت واقفة انا واخويا فى عمارة بتتبنى على الطوب الاحمر وكنا فى دور عالى
انا انسة وجامعية وملتزمة بفضل الله واخويا اتخرج السنة دى واعزب
الاحلام دى كانت بتتكرر معايا كتير قبل ما خطيبى يتقدملى وتوقفت اما خطبنى بس انا فسخت الخطوبة من اربع شهور
ومن ساعتها وحلم الحرم والعمارات اللى بتتبنى بشوفها كتير

5
حلمت اني كنت في الفصل والمدرس كان مدينا مسأله نحلها
وكانت صعبه وبعدين جه بيقول حد حلها..فنا بقوله انا حليت جزء منهو والباقي بس ساعدني فيه او قولي فكرته.اخد كشكولي كان منظم وجميل ولقيته بيقولي انتي اصلا حليتيها وصح
المدرس ده اسمه وائل ومتوفي من زمان
وشفت اني وعمتي بنقلب في صور علي الموبيل ولقبنا صوره لجدي المتوفي راقد وعلي رجله مصحف ادام الكعبه
عمتي طالعه الحج السنادي ...جدو متوفي من سنه

في المنام السابق المدرس كان مستعجل انه يمشي
حلم رقم 6
حلم لخالي ....حلم بجدو المتوفي لابس بدله وبيقول لصاحبه انه جعان فصاحبه جابله اكل وجدو اكله وبعدين بيحكي لصاحبه بيقوله انا معايا 3 اولاد وانه عوز شكاره عيش وعوز ابنه الصغير يروح يسوق بيه....
جدو متوفي من زمان اسمه محمد ومخلف ولدين وبنتين وصاحب المنام هو الابن الاصغر واسمه وليد متزوج ومخلف
ايه تفسير المنام خير طمنيني وكل سنه وحضرتك طيبه ورمضان كريم وسعيد عليكم جميعا

السلام عليكم ماما نجية 
حلم رقم 7 
الحلم ده لخطيبي 
اكتر من مرة يحلم انه متكتف و مش قادر يتحرك و لا قادر يقرأ قرآن ابدا و يصحى من النوم مفزوع 
ارجو التفسير و الحل عشان الحلم ده ميتكررش تاني

حلم رقم 8 

انا حلمت اني ف السما وكنت هخرج من كوكب الارض،او ما شابه مش،فاكره بالظبط بس انا فاكره اني كنت هروح كوكب تاني غالبا المريخ وسفت كواكب وشفت مجرات وكانت السما صافيه