تفسير احلام يوم الاربعاء الموافق 5\18 ان شاء الله

حلمت انى ارتدى اسوره ذهب فى يدى الشمال و انا ببحث عن خواتمى الذهب فى الارض انا واختى والاسوره اتكسرت اكثر من جزء و كنت بجمعها و لا اعلم هل وجدت خواتمى او لا لا اتذكر و لكن فاكره ان رايت اختى الانسه ترتدى لابسه خاتم فى يديها هى انسه وانا انسه 

ايناس كتب:

1
حلمت اني باكل سندوتش مربي فراوله ..لحد ما شبعت ورميت الباقي ..
حلمت اني معايا طفله صغيره ودخلت الحمام وحدها وقضت حاجتها التقيله وغسلت نفسها ونضفت مكانها مع انها صغيره حوالي سنتين او تلاته وانا تعجبت ...
وشفت اني في مكان زي جنينه وفيه ناس طلبه يعني وانا عماله الاقي فلوس ع الارض من فئه 50 و 100 جنيه وقبل ما امشي قلت بصوت عالي انا لقيت فلوس واللي ضايع منه يقولي .. وكأن الناس احترموني لامانتي بس محدش قال انها فلوسه وفضلت معايا بس كده ... خير

ايناس كتب:

2
حلمت اني قاعده في شقه في دور عالي اوي وطاله علي منظر شجر اخضر واسفلت نضيف اوي كأنه لسه مرصوف ..هواه يرد الروح
وحلمت ان في قطعتين جاتوه واحده كريمه والاخري شوكولاته وكان نفسي فيها بس قلت دول لبابا و روحت اخدت كريمه وشوكولاته بودره اعملهم لنفسي وكنت باكل منهم ..بس كده

رودي طه كتب:

3
واحد جار جدتي الله يرحمها راي ان هي قاعدة في مدخل البيت وساندة دماغها ع ايدها وبيقولها قاعدة كده ليه يا حاجة قالت له انا عمالة انده ع وفاء ومش راضية ترد عليا
وفاء دي خالتي ودايما بتزور حدتي في المقابر

mira hamada كتب:

سلام عليكم ياماما
كنت كتبت حلم لحضرتك امباارح ونسيتى تفسريه
حلم بعد استخارة بس كان حلم ملخبط كل اللى فاكراه انى قريت خبر ان المحافظ بتاعنا اتغير وكنا مبسوطي لاننا مضايقين من المحافظ بتاعنا وفضلت اتصل بماما عشان اقولها اسم المحافظ الجديد لانى كنت حاسة انها ممكن تكون تعرفه وكان المحافظ الجديد اسمه امجد حلمى حليم لكن ماما ماردتش على التليفون
وانتهى الحلم


وفى حلم تانى ياماما بعد استخارة على موضوع محمد بردو
اللهم اجعله خير انى كنت راكبة مع محمد تاكسى ورايحين المدرسة اللى اختى شغالة فيها وكنا بالليل وبيقولى انتى عارفة مكانها قولتله اه وشاورتله عليها ووقفنا ونزلنا من التاكسى قدام المدرسة ودخلت اناالاول وهو ورايا على طول ولما دخلنا كان نهار مع اننا كنا بالليل على باب المدرسة وانا كنت لابسة جيبه سودة قصيرة على الركبة وشراب اسود وشوز اسود كعب عالى وبلوزة تقريبا نص كم وكنت حلوةاوى وشيك جدا رغم انى محجبة وبعدين لقيت المدرسة شغالة ولقيت واحدة وقفت سالتها عن مكان الحضانة ومحمد سبقنى كام خطوة كده لما وقفت مع الست اسالها والست قالتلى الحضانة اخر الطرقة قولتلها مين هناك قالتلى ميس دينا (دينا دى ميس حضانة فعلا بس فى مدرسة تانية) وبعدين شكرتها ولسه همشى اروح لمحمد قالتى ماقولتيش انتى مين قولتلها اخت نورهان ولسه همشى وقعت بس وقعت مستورة الحمد لله وقمت على طول كل ده ومحمد لسه واقف مستنينى وبعدين لما قمت وابتديت امشى ناحيته مشى ناحية المكان اللى رايحينه لما شافنى خلاص بحصله
وانتهى الحلم

اليقن بالله كتب:

الحلم 6
حلمت يا ماما اللهم اجعله خير انى شفت طائر واقف على حاجه بس انا مش عارفه هو فى انهى مكان وانا ببصله وبعدين فى حد قالى على اسم الطائر ده بس انا مش متذكره اسمه بس هو كان طائر اسود وليه بوق زى النسر كده بس انا مش متذكره  اسمه ايه وخلص الحلم على كده
انا متزوجه ولسه رنا مكرمنيش باولاد


ومعلش يا ماما حلم بسيط انا حلمت ان فى زى بول خارج منى وكان على ورك فانا ببص كده وقلت لماما ايه ده ده لونه احمر ده دم بس بصيت فيه تانى لقيته بول وخلص الحلم على كده              انا متزوجه ولسه ربنا مكرمنيش باولاد

صوت روح كتب:

8

السلام عليكم و رحمة الله و بركاته

رأيت اني في مطبخ و اقوم بغسل المواعين ثم وجدت الحوض قد امتلأ بالماء و فاض و انساب على الارض و كأني كنت استحم فقمت بسحب سدادة المياه التي في الحوض فتراجع الماء حتى المياه التي فاضت عادت الى الحوض ثم سمعت صوت احدهم في الخارج يتكلم فالتفت و رأيت زوجة مديري السابق في العمل ( هاجر) كانت تتحدث عن زوجها لزميل يعمل ايضا هناك ( سامي ) .. و كانت تلبس لباسا اسود و كانت حزينة و تشكو امرها لسامي ثم وقفت و غادرت المكان. وجدت نفسي بعد ذلك في غرفة و اتى سامي الي و سألني عن شيء لدي قوي في العمل فقلت له نعم انه حاسوبي فلما رآه انبهر به و قال لي انه من الانواع المتطورة ، قلت له نعم ، فطلب مني استعماله و جلب شاشة حاسوب منفصلة كي يوصلها به فقلت له انها لن تعمل مع حاسوبي لانها قديمة و يلزم شاشة مسطحة جديدة .. ثم دخل مديري السابق في العمل ( مهدي ) و جلس على مكتب و لم يكلمني ثم دخل صديق له يساعده ( اسمه مهدي ايضا) و جلس على مكتبه وراء مديري ، حين رأيته تفاجأت بوجوده و سلمت عليه .. و كان تحت مكتب مديري اوراق ، اخذها فطلبت منه ان  يبقي كل شيء على حاله و كأن صاحب هذه الاشياء سينزعج لو اختفت ، ثم قال لي مديري ان كنت سأذهب لأتم استحمامي ، فقلت له نعم فلا يزال شعر رأسي مبللا و خرجت من ذلك المكان كي اتم الاغتسال و انتهت الرؤيا

انا آنسة لا اعمل في انتظار قبول عودتي للعمل مع مديري مهدي

مديري متزوج و له مشاكل مع زوجته 

هاجر تعيش في بلد آخر و يسافر اليها زوجها كل شهر

سامي يعمل عند مهدي.. متزوج

مهدي 2 صديق المدير يساعده في اعماله . مطلق 

لي رؤيا ثانية 

اني كنت في عيادة و كنت خارجة من العيادة و كنت امر بممرات عديدة .. المكان كان يشع بياضا و كان هناك مكاتب عديدة و لكنها فارغه ليس بها احد ، ضللت امشي و امر بالممرات و رايت اثنين جالسين فسلمت عليهما من بعيد ثم خرجت من المكان و نظرت الى الباب فقرأت انها عيادات نفسية او ما شابه ، ثم نظرت فوجدت مكان آخر مملوء بالناس فتقدمت ببطء ووجدت جمعا كبيرا من الممثلين في ذلك المكان ، حين دخلت . فرح الجميع بدخولي فاسغربت ثم قام احدهم بالاشادة برجل متوفي و احسست انهم يتحدثون عني و لكن يرونني رجلا و ليس فتاة و انني ذلك الرجل و انتهت الرؤيا

اقوم بقراءة سورة يس كل ليلة بنية العلاج من العوارض و فتح ابواب الرزق

sasoloveyou كتب:

حلم رقم 9 

انا حلمت حام غربب اوب وصحيت من النوم مفزوعه منه طمنيني ، انا حملت اني كنت ف بيتنا وكان عندنا حد بس مش عارفه هو مين المهم اني ف الحلم فجأه وشي مبقاش زي م هو اتحول لشكل حيوان او ما شابه وانا كنت طول الحلم بعيط وبستغفر ربنا عشان شكلي يرجع زي م هو والحلم دا كان بعد،الفجر وكنت مصليه قبل م انام وقاريه قرآن طمنيني انا خايفه جدا

ام حسام كتب:

الحلم رقم (١٠)

حلمت خير اللهم اجعله خير انا واهلى متجمعين فى بيت البلد وعاوزين نروح الترب وركبنا فى عربية واحدة انا واختى شذا واخويا شادى وشريف .. المهم وصلنا الترب و نزنا من العربية وانا مشيت فى طريق واختى واخويا مشيوا فى طريق ... احنا رايحين الترب عشان احمد اخويا مدفون هنا جنب بابا وماما مش فى السعودية زى الحقيقة ... وبعدين انا لقيت الترب قدييييييمه شكل المقابر يعنى وضلمه يادوب نور خفييييييف ومفيش حد خالص .... وعماله ادور على قبر احمد وبابا وماما مش لقياهم مع انى واقفه فى المكان الصح .... ببص لقيت الكلاب بدأت تتلم حواليا والكلاب كل ما اهش فيها يبعدوا كده بس مركزين معايا ... ابص الاقى الكلاب بدأت تتحول وتعملى شكل وحوش والكلب يطلعلى اربع رجول فوق من راسه كده وبقيت بصرخ وادور علي باب اطلع منه من الترب دى ... لحد ما لقيت مدرس قاعد بيشرح لطلبه والباب بتاعه بيطل عالترب .... طلعت جريت عليه وفتحت بابه وطلعت من عنده جرى على العربية ..... بصيت لقيت شادى اخويا جاى عليا ومضايق بقوله مالك قالى بتوع الاتصالات اللى احمد اخوكي الله يرحمه كان واخد منهم باقة نت على موبايله عاوزيني ادفع كل شهر ٩٠ ريال على خدمة انا مش عاوزاها اعمل ايه طيب .... وانا واقفه بسمعه ومرعوبة من المناظر اللى شوفتها جوه دى ... ودورت علي اختى لقيتها وصلت الترب عندهم ووصلت لمقابرهم الصح وقرأت قرآن كتيييير وجايه تاخد جراكن ميه عشان تسقى الشجر بتاعهم ... وبعدين ببص علي الترب اللى اختى دخلتها لقيتها منورة نووووووور حلو اوووووووى والمقابر كلها جديدة ومدهونه بلون روز كده جمييييييل ... بس انا برده مرضتش ادخلهم المقابر الجديدة دى  خلاص بعد الخضة اللى خدتها اول مرة

بس انا لما دخلت كده على المقابر فيه واحد قالى ده قبر احمد اخوكى فببص عليه لقيت القبر طوييييل وعريض وبدأ يظهر عليه كلام منغنش كده فلما بدأ يبان قصادى فعماله اقرى الكلام بصوت عالى فالرجاله اللى جنبي قالولى انتى بتقرى ايه بقولهم فيه كلام مكتوب عالقبر قالى لا مش مكتوب اى كلام على القبر غير انه مكتوب قبر احمد ثروت بس قولتله لا فيه كلام تانى اهه لقيت احمد باعتلى زى مسج من قبره جوا بيظهرلى على شكل جملة على  الحيطه بتاعت قبره من بره .. مكتوب زى ما يكون صيغه آيه قرآنيه بس انا محفظتهاش

 الجملة هى " ان شذا اختى من الناس اللى زهدت الدنيا وزهدت حاجات كتير اووووى فهى حتكون من اهل الجنه فافعلى مثلها "

اسفة على الاطالة ... بس فى الحقيقة شذا اختى بعد وفاة احمد زهدت حاجات كتير اوى واتجهت لحفظ القرآن وحاجات ماشاء الله حلوة 

sweetheart كتب:

الحلم رقم 11
السلام عليكم يا ماما معلش والله انا عندى تلات رؤى بعد اذن ادارة الجروب لانى كنت مسافره وما قدرتش ادخل نت الفتره اللى فاتت
اول رؤيا
فى واحد ظابط جيش كان اتقدم لى وهو فى مشاكل بينه وبين مراته ومش عارفه المشاكل دى هترسى على ايه يعنى هترسى على طلاق ولا لاء بمعنى تانى هو متعلق بمراته ومش عاوز يسيبها ولا هو فعلا ضحيه معاها زى ما عرفت  مع العلم ان فى بينهم طفل المهم يا ماما انا حلمت انى فى بيته فى مطبخه وكان مليان مواعين ومتكركب كدا وكان فى 4 سندوتشات 2 جبنه واتنين لانشون وانا اخدت الاتنين الجبنه وقعدت ادور على الميكرويف عشان اكلهم ومارضتش اسخن اللانشون معاهم احسن اللانشون يبوظ وقلت على ما يسخنوا اكون غسلت المواعين ورتبت الدنيا وفعلا بدات ارتب الدنياواغسل المواعين ولقيت مراته جايه بتكلمنى على جوزها يعنى انه هيسيبها ويروح لى وقلت لها انها ما حافظتش عليه وعشان كدا ربنا هياخده منها وقعدت ااانبها انها مقصره وبعدين هى اتكلمت على ابنها انه هيبقى معاها فقلت لها دا اذا سبناهولك على فكره وانا بغسل المواعين كنت حاسه ان دا هيبقى مطبخى يعنى هو بتاعها وانا هاخده منها
انا انسه وعمرى 33 سنه وموضوع الظابط دا انا سيباه لربنا  ومراته ماعندهاش اى فكره عن الموضوع بتاعى انا وهو
تانى رؤيا حلمت ان الست اللى بتيجى تنضف لى اسمها ام محمد بس ماكانتش هى اللى فى الرؤيا اللى فى الرؤيا كانت على النقيض تماما يعنى لبسها احسن ومستواها المادى احسن وكبيره فى السن المهم ان الست دى كانت فى الدور الثالث عندنا وقاعده على الانتريه مع العلم ان والدى بانى ومشطب الثالث من غير ما يتفرش لسه المهم انها قعدت فوق وكانت بتخلص باقى نضافة البيت  وبعدين حسيت ان فى حد فى اوضتى رحت دخلت لقيت بنت ام محمد (ومش هى بنتها اللى فى الحقيقه) معاها عيله المفروض اختها فى الحلم بتحط لها مزيل من عندى وبتخبى فى هدومها دهبى بغرض سرقته يعنى كانها عايزه تحط مزيل بس هى جايه تسرق الدهب اللى كنت سايباه على التسريحه بس انا قفشتها وقعدت اطلع الدهب منها  ولما واجهت ام محمد باللى عملته بنتها لقيتها بصت فى الارض وانها متضايقه بس كان باين اوى انها مالهاش علاقه بالموضوع واتصلت بظابط انا اعرفه اسمه محمود لانى مااعرفش كل قطع الدهب اللى عندى وكلمته عشان يجى يفتشها لانى مش هعرف افتشها وعشان يبقى الموضوع رسمى ومحمود دا فعلا جه بالبوكس عندنا فى البيت وكان مستغرب انى مش عارفه انا عندى ايه فى الدهب وخلص الحلم على كدا
محمود دا خاطب واصغر منى بتلات سنين وانا كنت بديله كورس لغه  وعلى فكره والدتى متوفيه ووالدى بيدور على عروسه
بس انا زمان كنت مرتبطه بظابط شرطه وماحصلش نصيب والست ام محمد اللى بتيجينى دى امينه جدااااااااا واختبرتها كتييييير هى الامانه تمشى على قدمين
الحلم الثالث دا بقى بتاع بنت خالتى المتوفيه واسمها ابتهال انا حلمت بابتهال بتقولى انها من الارواح الرائجه مش من الارواح الطليقه يعنى ما تقدرش تروح كل الاماكن اللى نفسها فيها وكانت متضايقه من كدا وقعدت تورينى مكان الحادثه اللى قتلها وكانت قاعده فى مكان اعلى منى وانا قاعده تحت منها فى جسمها وكنت انا وهى مانجكين بعض ورايحين بيتنا وبتقولى ان فى مكان فى الجنه عالى مش اى حد يروحه وهى كان نفسها تعمل كتييييير  وتروح هناك وانا قلت لها اوعدك انى هعملك كتير عشان توصلى للمكان دا ودخلت بيتنا ولقيت ماماتها بتطبخ طيور عندنا يا اما بط يا وز يا فراخ وهى فى الحقيقه نفسها اوى تشوف بنتها حتى فى رؤيا فقلت لها ان ليها عندى مفاجاه بس تغمض عينيها وطلعت لها ابتهال وقعدت تبوس فيها وتحضن فيها جااااااااااااامد
ابتهال الله يرحمها ماتت فى حادث بس الاماكن اللى كانت بتوريهالى كانت ملتئمه وكأنها خطوط بس وهى كلنا شفناها فى حال جميله فى الاخره بس انا كنت طلبت من ربنا انه يوهبنى انى اقدر اشوف الاموات فى الواقع واتكلم معاهم واخلى الناس تشوفهم هى كانت متزوجه ومخلفه بنت بس هى ماتت هى وبنتها فى الحادث
انا انسه وعمرى 33 سنه ومش متزوجه
معلش يا ماما هتعجبك جدااااااااااا
انا اسفه والله الجهاز عندى فى مشكله مش راضى يكبر الخط

بوسى 123 كتب:

رقم 12 ..حلم لواحدة قريبتى حلمت انها نايمة ع اﻻرض و الشغالة بتاعتها بتعمل جماع معاها من الخلف يعنى فى الدبر ..زى ماتكون الشغالة عندها عضو ذكرى و بتجامع الست دى فى الدبر ..و زى قامت و بعدين رجعت تانى بس صاحبتى المرة دى قالت لها ﻻ كفاية مش عايزة و زى  ماتكون حست انه فيه الم ..و بعدين صاحبتى راحت توصل الشغالة عند الباب علشان تمشيها و لقت الشغالة طلعت من الباب و زى رفعت هدومها و كانت ﻻبسة كعب عالى و بنطلون تحت العباية و صاحبتى جت تقفل الباب وراها ماقفلش اول مرة و حاجة حاشت الباب بس صاحبتى قفلته بعد كده ..هى قلقانة من الحلم ده و الشغالة دى بقالها معاها فترة بس اوقات بتتضايق منها و تفكر تمشيها ...شكرا

نهر الحياه كتب:

حلمت انى ارتدى اسوره ذهب فى يدى الشمال و انا ببحث عن خواتمى الذهب فى الارض انا واختى والاسوره اتكسرت اكثر من جزء و كنت بجمعها و لا اعلم هل وجدت خواتمى او لا لا اتذكر و لكن فاكره ان رايت اختى الانسه ترتدى لابسه خاتم فى يديها هى انسه وانا انسه 

حبيبه قلب احمد كتب:

ماما انا حلمت كاني بجهز نفسي لمناسبه وانه كان فيه عريس هيتقدملي وبجهز كل حاجه وفجئه روحت للبيت عند جدتي الله يرحمها ولبست حزام. لونه مطلي دهبي وفيه زي حروف متعلقه داير مايدور. وسئلت خالتي انتو برضه هتوافقو علئ محمد بدل التاني وكنت متضايقه علئ اساس كنت عايزه العريس التاني وكنت لابسه بنطلون اخضر وبلوزه زي البدي ابيض واخضر ممن ورا وجاكت كاردي اخضر 
انا متزوجه وعندي ابن

kitkat كتب:

حلم رقم 3

استيقظت الساعه 8 صباحا ثم عدت للنوم فرايت هذا الحلم

حلمت بشخص كان متقدم لى و لكن والدته رفضت اتمام الموضوع و انقطعت علاقتى به

حلمت انه امام باب شقتنا يرتدى بدلة سوداء و انا واقفه معه بهدوم بيت عادية و باب شقتنا كان مفتوح و امى كانت واقفة داخل الشقة فقولت فى نفسى اعرفهم ببعض فوجدتنى اضغ يدى خلف ظهره و ادخله بيتى و اقول اسمه لامى فتمسك امى بيده و تفرح به و تدعى له و تقول له ياتى ثانية لتعد له اكل و كان هو مبتسم ثم هممت ان ادخل وراءه البيت و كنت حافية القدمين فأخدت شبشب من امام باب الشقة و كان شبشب حريمى لونه بنى شكله جديد و لبست فردة بسهولة و الاخرى كانت ضيقة و اصابعى مش داخله كويس و كنت مستغربة ازاى هو ضيق و هو ملكى اصلا و بعدين لقيتنى لابساه كويس و مش ضيق و ماشية به و بعدين داخل الشقة كانت احداث مش واضحه يعنى لقيته بيسلم على اخواتى البنات و واحده قريبتى اسمها اسماء و كلهم كانوا قاعدين بلبس بيت و انا كنت بكلمه و بوريه حاجات و بعدين اختفى مش شوفته

لا املك هذا الشبشب فى الحقيقة

 و فى نفس الحلم شوفته جوه البيت مع رجلين لا اعرفه و كنت معهم كأنه اجتماع عمل و نتحدث و شوفت بابا قاعد على الارض بياكل و لابس جلابية بيت عادية  و كان كأنه مش مهتم بهم او مضايق ثم لما جم يمشوا المفروض بابا كان حيوصلهم لكن الشخص اللى كان متقدملى ده قالهم  تعالوا اوصلكم بعربيتى فبابا اضايق و مكنش حينزل معاهم فالشخص ده قال انه حيوصلهم يصلوا الاول فوقتها شوفت بابا لابس عباية خروج رجالى و كأنه وافق ينزل معاهم

 الشخص اللى كان متقدملى ده معندوش عربية فى الحقيقة
و احنا علاقتنا مقطوعة من اكتر من شهر و لا اعرف عنه شيىء