تفسير احلام يوم الثلاثاء الموافق 5\10 ان شاء الله

حلم رقم 2


الحلم ده لأمي حلمت خير اللهم اجعله خير ان طليقي عامل فرح ولابس بدله سودة وهيجيب عروسته وهيوديها عند اهله عشان يشفوها وراح عند امي واخد شنطه العلاج بتاعها ورمها على الأرض ومشي فا امي زعقت وقالت لاختي تلم الدواء من على الأرض وأختي مش عرفه وراحت لمته امي

والمرة التانيه شافته جي عندنا البيت وجايب كحك العيد وعايز يشوف بابا بس هو كان نايم وماما قلت له انا هصحيه وقعد في الصالون عندنا بس

انا متزوجة وعندي بنت منه لكن هو خاطب وهيتجوز وبنتعامل مع بعض على الحياد وبيشوف البنت كل فترة

السلام عليكم ورحمة الله وبركاتة 
بنت خالتى دايما بتحلم بحلم واحد بيتكرر هو هو مع تغير الاحداث ليها سنين على نفس الحلم 
بتحلم انها بتتخانق مع اهلها علشان يوافقو على زوجها من الشخص اللى بتحبة او بتحاول تشوفة او بتحاول تقنعهم بية المهم كل الاحلام عبارة عن الاحداث اللى كانت بتحصل زمان قبل زوجها 
هى متزوجة دلوقت نفس الشخص دة من اكتر من عشر سنين هو انسان متدين وعلى خلق واهلها بيحبو

انا حلمت انى متجوزة وعروسة جديدة متجوزة واحد غير جوزى بس مظهرش مين ولا شفتة فى الحلم  وكنت فى شقه كانت جديدة و كلها غرف نوم كل اوضة فيها سرير ودلاب وفتحت الدولاب وكان فية لبس جديد وقمصان نوم جميييلة وجديدة بس الدولاب مش مليان قولت فى نفسى ابعت اجيب لبسى اللى عند جوزى الاولنى وحاجتى وهو مش هيقول حاجة دى حاجتى وكنت بقول فى نفسى خلاص كل واحد راح لى حالة وكنت فاكرة عيالى فى بالى  وكانت معاية مرات اجوية قولتلها عايزة المفرش بتاع السرير وفضلت افتكر فى نفسى حاجتى اللى فى بيتى الاولنى واية اللى عايزة من هناك ودخلت اوضة تانى بردو سرير ودلاب وغسالة تقريبا والشقة كانت عايزة شوية توضيب كنت حاسة انها محتاجة ترويق وقولت فى نفسى انا كدة دايما هدة نفسى بالترويق وشغل البيت فية عروسة من تانى  يوم تروق كدة وقعدت اروق فيها و المغرب اذن وسمعتة وقولت الناس دلوقت تيجى ومش هلحق اخلص وفعلا فية وحدة ست جت تبارك وقولت فى نفسى ياريتنى كنت قمت روقت من بدرى بدال ما الوقت ضاع منى ودخلت جرى على الاوضة البس وشاورت للضيفة من بعيد يعنى بسلم عليها وانا وراء باب الاوضة وقولت للمرات اخواية او العريس دخلها غرفة الصالون وبعدين افتكرت ان احنا معندناش صالون فية انترية فى الصالة بس ودخلتلى مرات اخوية وجبتلى عباية البسها دى كانت عباية بتعتى من قبل الزواج الجديد  وكان وفية عيال على السرير كبار مش فاكرة عيالى ولا لا ولقيت الوضة دى محتاجة ترويق وديقت انها محتاجة ترويق والوقت مكفاش قولت بكرة اكمل والدولاب كان مفتوح وفية لبس كتييير خروج جديد والوانهم زاهى بس موضة قديمة مشتريهم العريس ومرات اخوية قالتلى دة مش استيلك انت هتلبسى دة قولتلها مش عارفة بس اكيد لا بس ابق اشوفهم واتفرج عليهم قولتلها البس دلوقت واطلع للضيفة

حلم 7
رايت خيرا باذن الله اني وماما وخالي اسمه عيد في المقابر عند جدتي وفي اول نقبرة جدتي في زجاج وانا كنت بامسحه مع انه نضيف وبعدين لقيت ماما بتقولي انا لسه مسحاه وتقريبا رشت عليه برفان كمان ففعلا وانا بامسح لقيت اثر البرفان وريحة حلوة طلعت منه
احنا بين كل فترة وفترة بنروح لجدتي لكن خالي لا
انا انسه اعمل
وخالي متزوج
ورايت ايضا ان خالتي في الكفن الابيض ملفوفة وموجدة في الشارع في حتة اعرفها يعني مش عند بيتها وكنت مستغربة انها مدفنتش
ورايت ايضا ان انا في مكان زي مخزن كبيييييير وصاحبه مسيحي وعايزني اشتري من عنده وانا مش موافقة راح قالي بصي عبد المنعم اقنعته انه ياخد التيشرت ده وعليه صلبان وهو مش واخد باله وخده عادي وفعلا بصيت في التيشرت لقيت عليه صلبان بس مش واضحة رحت قلت انا وواحدة صاحبتي كانت معايا في المخزن ده لا اله الا الله بصوت عالي جدا راح خرج وانا كنت عايزة اغير فقلت لها اغير عادي وبعدين قلت لا مش هاغير قدامه ورحت مكان تاني علشان اغير
انسه واللي شفتها صاحبتي في العمل انسة
والمدرس اللي شفته معايا في العمل متزوج وامام مسجد ومدرس معانا