الحلم رقم (1)
حلمت ان انا ووالدى واختى كنا قاعدين فى الصالة والدى كان قاعد جنبى اعطانى حشرة شكلها شبه الدودة بس لونها اسود واعطانى سبحة علشان اسبح بيها
وانا اخدت منه السبحة بس قلت فى نفسى هبقى اسبح بيها بعدين لكن لقيت والدى بيبص لى ومستنى يشوفنى بسبح فعملت نفسى بسبح بس كنت بحرك السبحة بسرعة قلت فى نفسى لازم احرك السبحة ببطء شوية علشان والدى كده هيشك فيا ويعرف انى مش بسبح وبعدين غيرت رأيى وبدأت اسبح بجد قلت سبحان الله وبحمده سبحان الله العظيم وبعدين سمعت آذان الفجر قمت بسرعة وسيبت السبحة جنب والدى ودخلت الحمام اتوضيت وسمعت والدى بيتخانق مع والدتى كنت هخرج من الحمام علشان احل الخناقة خصوصا ان والدتى كانت ماسكة سكينة وخوفت انها ممكن تئذى والدى بس افتكرت ان اختى موجودة وقلت هى هتاخد بالها منهم واتوضيت ولما خرجت من الحمام لقيت الصبح طلع دخلت الاوضة علشان اصلى صلاة الصبح توجهت ناحية القبلة وبعدين نمت على جنبى اليمين يعنى كان جسمى ناحية القبلة لكن نايمة على جنبى وبدأت أصلى وانا نايمة على جنبى اليمين وكنت بصلى بصوت عالى بس مش عالى اوى كان صوتى واضح قلت الله أكبر وخلص الحلم على كده
انا آنسة وحالتى الدينية متوسطة
