تفسير احلام يوم الخميس الموافق 1\28 ان شاء الله

حلم ١



ازيك ياماما نجية يارب تكونى بخير عاملة ايه فى الجو ده ياحبببتي حلمت خير يارب ياماما ان فى حد اسمة عمرو ومامته جايين لينا البيت وانا مش عايزاهم يشوفوني والباب بيخبط فنزلت افتح لهم وقولتلهم هفتح بس متدخلوش على طول قام بابا جه كمان وسلمت عليه وقالى هاتيلي اللوحة عشان يلعبوا شطرنج يعني قولتله انت فتحت وشافوني وسالته اللوحة فين قالى على الترابيزة ورا الباب ب ملقتش غير فاتورة مكتوب فيها حاجة واحدة بس بس مش اخدت بالى من اللى فيها لانى مستعجلة وعايزة اطلع بسرعة قبل ما طنط تدخل وادتهاله ولقيت مرات بابا دخلت وبتسلم عليه وباسته وهو رافع راسه عنها ومش عايز يسلم عليها وهى شكلها زعلان وشافتنى وانا طلعت جرى قبل ما طنط مامة عمرو تشوفني بس لمحتها داخله وزي ماتكون شبه واحدة صاحبة ماما الله يرحمها لما طلعت فوق لقيت البلكونات مفتوحة والشقة منورة اوي وشوفت الفازة فيها الورد البمبي ولقيت عمرو ده فى اوضتي وكان شايل كيسين كبار حاطهم فى الصالة وواقف قدام سريرى وبيتفرج على الاوضة وبصيت فى الكيسين لقيتهم كلهم رفايع مطبخ ولزينة اللى بتتحط على التلاجة وشكلهم حلو اوى وكنت فرحانة مرات بابا فى مشاكل وبابا مش مرتاح ومش عايزها وهى سابت البيت من نفسها عمرو ومامته انا معرفهمش بس فى حياتى انا بحس انهم ناس موجودين يعني فى خيالى كده لكن ملهمش واقع فى الحقيقة معرفش بقى ده جنان منى ولا ايه ههههه يارب يكون خير ياماما

الحلم رقم ( ٢)
الحلم ده جوزى حلم بيه

حلم انه قاعد في بيتنا بس مش اللي قاعدين فيه دلوقتي قاعد في اوضه واسعه ..هو ع كنبة و معاه واحد بس مش فاكر مين و الكنبة اللي هو قاعد عليها مش ساندة ع الحيطة ف في عيال قاعدين يلفوا حواليه اربع عيال بنتين و ولدين ... الولدين دول هو مسك واحد منهم كان اصغر واحد فيهم و بيقول للي قاعد معاه اهو الواد دا اوسخ واحد عندي .... يقصد انه شقي بزيادة
و كان في زي شاشه كدا بص عليها شاف زي جدول فيه اسامى العيال و تواريخ ميلادهم و مكان ميلادهم بس هو مكنش شايف غير مكان ميلادهم بيقول اول اتنين في مصر و تاني اتنين برا مصر بس مش فاكر اسم البلد

انا متزوجة ومعايا بنت

لحلم رقم ( ٣ )
الحلم ده اختى اللى حلمته ...حكتبه زى ماهى بعتته

حلمت خير اللهم اجعله خير انى لبست النقاب وخرجت بيه واللى ادتنى النقاب مرات خالى اسمها ( وفاء ) ... وخرجت بالنقاب مع واحدة صاحبتى اسمها ( إجلال ) .

انا الحمد لله الحمد لله ملتزمة دينيا ولبسي فضفاض واسع بس مش منتقبة ...
متزوجة و معايا ٣ بنات

الحلم رقم ٤
انا حلمت ان في عندنا حمامه في دولاب المطبخ و بعدين دخلت نفسها في تلبيسه بيضا فرو ،، ماما قالتلي دي كده مش هتعرف تطير قولتلها أحسن بردو عشان متطيرش مني و أخدتها و شيلتها

انا انسه

حلم 5

حلمت انى كان معايا متوسكل بس مش بتاعى بتاع جيرانى ركبته وحطيتوا قدام بيتوا وبعدين مشيت لقيت ولد بيرش ميه بالخرطوم ورش عليا مياه وزعقت معاه وبعدين رش تانى وبعدين مسكت طوبه ورميتها عليه من يدى الشمال وجرى ورايا رحت دخلت البيت ومسكت الباب بيدى وصرخت وقولت تعالى يا ماما وهوا واقف على الباب

السن27 انسه

الحاله الدينيه الحمد لله

الحاله النفسيه غير مستقره

الحلم رقم 6
انا حلمت حلمين يا ماما فى يومين ورا بعض
اول حلم حلمت ان فى بنتين جيرانا هم مش متجوزين فى الحقيقه انما هم مخطوبين حلمت ان النهارده فرحهم وكانوا لابسين عرايس هم الاتنين وطالعين من بيتهم بس فى يوم فرحهم مامتهم ماتت وكنت عماله اقول ياترى هتصرفوا ازاى وتقريبا باباهم بيقول انه هيخليهم يروحوا على بيتهم على طول بدون فرح عشان وفاة مامتهم بس تقريبا كنت سامعة صوت زعاريد برضه
الحلم التانى بقى
حلمت ان انا لابسه فستان فرح بس لا شفت فرح ولا عريس وحتى موسيقى كنت لابسه فستان فرح وكنت لابسه طرحه بس كنت بشعرى وكان طويل واسود بس كان شكلى متغير كنت خاسه وانا اصلا مليانه وشكلى كله كان متغير كانى ببص على واحده تانى بس كنت انا
انا انسه وعمرى 33 سنه ومش متجوزه ولا مخطوبه ومش فارق معايا موضوع الجواز دا اوى قد ما فارق معايا انا هتجوز مين وعلى فكره انا كنت مخطوبه قبل كدا وفسختها وكان وحش جدااااا وربنا نجانى الحمد لله

الحلم رقم 7
السلام عليكم ورحمه الله وبركاته
ازيك يا ماما عامله ايه
ماما انا شفت نفسى فى شقه كنا ساكنين فيهازمان وكانت شقه مش حلوه فى الحقيقه شفت نفسى كنت بصلى فيها المغرب والمفروض انها مكان شعلى وانا بصلى شفت اصحابى اللى معايا فى الشغل داخلين وشفت واحده منهم لابسه بنطلون ضيق هما فى الخقيقه كانو بيلبسو جيبات ولبس واسع بس دلوقت بيلبسو بنطلونات ضيقه فانا فى الحلم كنت ببصلهم وبقول فى نفسى انى مش هلبس زيهم وبعدين وانا واقفه الطرحه بتاعتى اتفكت بس موقعتش من على دماغى فمسكتها علشان الفها لقتها طرحه صفراء طويله جدا مجرجره فى الارض وكبيره زى ملايه السرير لدرجه انى كنت بتنيها علشان اعرف الفها بس كان لونها اصفر فاتح شكله جميل واحنا واقفبن دخل مدرس كنت بشتغل معاه وسبته فقعد يتكلم مع صحابى ويضحك معاهم فانا بصتله على اساس انه بيكلمهم علشان هما بقو بيلبسو ضيق راح هوه كمان بصلى جامد وبرقلى تقريبا فى الحلم خفت منه
فخلص الحلم وصحيت ونمت تانى شفت نفسى فى بيتنا القديم بس ده كان بيت حلو شفت نفسى كنت صحيه من النوم متاخر وعندى شغل واتاخرت عليه وكان الاتنين المدرسين اللى كنت بشتغل معاهم قاعدين وبقولهم انا اتاخرت وبالرغم من انى متاخره الا انى كنت بتكلم معاهم وبطول فى الكلام وكنت بردو لابسه طقم اصفر هوه فى الحقيقه عندى فشفت نفسى لابساه ورحت ادور على جزمتى الجديده ملقتهاش فلبست صندل قديم عندى ومسكت الورنيش وقعدت المع فيه
مع العلم انى انسه ومش مخطوبه

حلمت خير اللهم اجعله خير ان واحد كان متقدم لي واقف في الشباك وانا اديتله مصحف وساعة هدية وكنا في حجرة واسعة جدا وفي نفس الحجرة واحدة صاحبتي اللي جابت لي العريس ده بتقولي ده هو فرحان بالهدية اوي
الموضوع بقاله شهر تقريبا
الموضوع متمش بس كنا مرتاحين لبعض جدا بس حصل حبة خلافات وقفت الموضوع وراح لحاله
الحلم بعد الموضوع بكام يوم

اليقن بالله كتب:: الحلم رقم 7
السلام عليكم ورحمه الله وبركاته
ازيك يا ماما عامله ايه
ماما انا شفت نفسى فى شقه كنا ساكنين فيهازمان وكانت شقه مش حلوه فى الحقيقه شفت نفسى كنت بصلى فيها المغرب والمفروض انها مكان شعلى وانا بصلى شفت اصحابى اللى معايا فى الشغل داخلين وشفت واحده منهم لابسه بنطلون ضيق هما فى الخقيقه كانو بيلبسو جيبات ولبس واسع بس دلوقت بيلبسو بنطلونات ضيقه فانا فى الحلم كنت ببصلهم وبقول فى نفسى انى مش هلبس زيهم وبعدين وانا واقفه الطرحه بتاعتى اتفكت بس موقعتش من على دماغى فمسكتها علشان الفها لقتها طرحه صفراء طويله جدا مجرجره فى الارض وكبيره زى ملايه السرير لدرجه انى كنت بتنيها علشان اعرف الفها بس كان لونها اصفر فاتح شكله جميل واحنا واقفبن دخل مدرس كنت بشتغل معاه وسبته فقعد يتكلم مع صحابى ويضحك معاهم فانا بصتله على اساس انه بيكلمهم علشان هما بقو بيلبسو ضيق راح هوه كمان بصلى جامد وبرقلى تقريبا فى الحلم خفت منه
فخلص الحلم وصحيت ونمت تانى شفت نفسى فى بيتنا القديم بس ده كان بيت حلو شفت نفسى كنت صحيه من النوم متاخر وعندى شغل واتاخرت عليه وكان الاتنين المدرسين اللى كنت بشتغل معاهم قاعدين وبقولهم انا اتاخرت وبالرغم من انى متاخره الا انى كنت بتكلم معاهم وبطول فى الكلام وكنت بردو لابسه طقم اصفر هوه فى الحقيقه عندى فشفت نفسى لابساه ورحت ادور على جزمتى الجديده ملقتهاش فلبست صندل قديم عندى ومسكت الورنيش وقعدت المع فيه
مع العلم انى انسه ومش مخطوبه

حبيبتى ان شاء الله هتصلى الى ما تريدى وربنا هيسترها معك وهتخطبى قريبا باذن الله

رودي طه كتب:: حلمت خير اللهم اجعله خير ان واحد كان متقدم لي واقف في الشباك وانا اديتله مصحف وساعة هدية وكنا في حجرة واسعة جدا وفي نفس الحجرة واحدة صاحبتي اللي جابت لي العريس ده بتقولي ده هو فرحان بالهدية اوي
الموضوع بقاله شهر تقريبا
الموضوع متمش بس كنا مرتاحين لبعض جدا بس حصل حبة خلافات وقفت الموضوع وراح لحاله
الحلم بعد الموضوع بكام يوم

حديث نفس

هى باقى الاحلام تفسيرها فين يا ماما ؟

» تفسير احلام يوم الخميس الموافق 6\11 ان شاء الله
» تفسير احلام يوم الخميس الموافق 11\19 ان شاء الله
» تفسير احلام يوم الاثنين الموافق 4\18 ان شاء الله
» تفسير احلام يوم الخميس الموافق 11\17 ان شاء الله
» تفسير احلام يوم الخميس الموافق 5\18 ان شاء الله