الحلم رقم (4)
حلمت اننا كنا بالليل والكل كان نايم ما عدا اخويا كان قاعد صاحى بيتفرج على التليفزيون وانا كنت نايمة لوحدى فى الاوضة ووالدى كان نايم فى الصالة ووالدى شاف كابوس قعد يصرخ ويتحرك لدرجة انه وقع من الكنبة وفاق من الكابوس
وانا كمان جالى كابوس فى نفس الوقت يعنى انا ووالدى جالنا كابوس فى وقت واحد واحنا الاتنين كمان فقنا من الكابوس فى نفس الوقت الكابوس ده مش حقيقى الكلام ده كله حصل فى الحلم وانا لسه فى الحلم والدى اول ما فاق من الكابوس
كان خايف اوى ومرعوب وقال ان حد عمله سحر قام جاب زجاجة مياه وكان عايز يملاها مياه وكان قدامه جركن فيه مياه وطشت الغسيل كان فيه مياه بس المياه زى ما يكون فيها زيت قلت لوالدى املأ الزجاجة من الجركن لان المياه اللى فى الجركن مفيهاش زيت بس هو مرضيش يملاها من الجركن لانه مش متأكد من المياه لانه كان عايز مياه مفيهاش اى حاجة وقالى احط حبة سوداء فى المياه واشربها ولا احط حاجة تانى قلت له انا معرفش الوصفة بس هى مياه وحبة سوداء ومعرفش بيتحط لها حاجة تانى ولا لا قلت له خلى والدتى او اختى يعملولك الوصفة لان انا معرفش راح اعطى زجاجة المياه لاخويا وقاله خليهم يعملولى الوصفة بعد كده سمعت اذان الفجر وكنت عايزة اتوضأ علشان اصلى الفجر لكن كنت مستينة اخويا يدخل يتوضأ وبعدين انا اتوضأ بعده وكنت عايزة اطلع الدور التانى لكن مستخدمتش السلالم معرفش ليه وكنت عايزة اطلع الدور التانى عن طريق فتحة كانت فى السقف لكن مكنتش طايلاها فأخويا حاول يساعدنى جابلى كرسى وحطه فوق الكنبة علشان اطلع عليهم واوصل للفتحة اللى فى السقف لكن لما طلعت على الكرسى لقيته بيتهز خوفت اقع فنزلت تانى ولما نزلت شوفت فوطة كانت مبلولة ومحطوطة على الكنبة قلت فى نفسى مين اللى ساب الفوطة المبلولة كده على الكنبة وكانت مبلولة بالمياه اوى وخلص الحلم على كده وانا ببص للفوطة المبلولة
انا آنسة وحالتى الدينية متوسطة
اخويا عازب
