الحلم رقم (5)
حلمت ان انا ووالدتى واخواتى البنات كنا قاعدين فى الحمام فوالدتى كانت بتحكى قالت لنا اخوكم زمان لقى مسمار شكله قديم ومميز راح باعه وبعد ما باع المسمار واحد جارنا اسمه اشرف قال لاخويا
ازاى تبيع المسمار ده وكان زعلان وقاله المسمار مهم ازاى تبيعه لكن اخويا مكنش يعرف ان المسمار مهم
ووالدتى قالت احنا دلوقتى مش عارفين نجيب المسمار تانى ازاى لانه ممكن يحل مشكلة كبيرة فى البيت ومش عارفين نحلها
بعدين أنا شوفت مسمار فى بلاعة الحمام قلت لوالدتى يمكن هو ده المسمار قالتلى لا مش هو وبعدين انا كنت عايزة اتوضأ فتحت المياه الدافئة
وكنت لسه هتوضأ بس لقيت البلاعة كإنها مسدودة المياه كانت واقفة فأختى حاولت تسلكها واتسلكت وبعد كده لقيت بنات غريبة بتدخل علينا فى الحمام
ومعاهم أكل متنوع وشكل الاكل كان جميل واكلنا منه واحنا جوه الحمام
معلش فى حلم تانى حلمت ان انا صحيت الصبح بدرى واستحميت لكن وانا بستحما كان فى شوية اوساخ فى ركبتى كانت بتطلع بصعوبة شوية
لكن حاولت انظفها على قد ما اقدر وبعد ما خرجت من الحمام دخلت المطبخ وسخنت كوباية لبن بس حطيت اللبن فى كوباية زجاج
وسخنته بالكوباية وفجأة لقيت فوق الكوباية وعاء صغير جواه ورق سدر مطحون ومخلوط بمياه وكان دافى لانه كان محطوط فوق الكوباية اللى بسخنها قلت ابقى احطهم ماسك لوجهى وبعدين بصيت على اللبن لقيته سخن بس حسيت انه كان هيقطع بس مش متأكدة
انا آنسة وحالتى الدينية متوسطة
واخواتى آنسات
