تفسير احلام يو م الجمعة الموافق 7\31 ان شاء الله

حلم رقم ٢ 

ماما حلمت ان عندها هدوم كتير و مرات خالي جت أخذتهم و هي حاولت تجيب تاني و تعوضهم جابت بس مش زي الاول 

وانا حلمت أني في مول و شنطتي ضاعت و قعدت أدور عليها و قولت أكيد هي اتسرقت و كنت خايفه على المحفظة عشان فيها كروت البنك 

لقيت المحفظة بس ملقتش الشنطه وقولت هبقى اجيب بقى واحده تانيه

الشنطه سوده

الحلم رقم3
بابا حلم ان احنا كنا ف فسحة وكنا قاعدين بانا وماما وانا واخواتى ف مكان وبابا راح يجيب عيش من الفرن وكان معاة 100جنية فضة فكة وهو بيحاسب على العيش مارضاش يدفع من الفضة ورجع لينا عشان ياخد فلوس من ماما فماما مكنش معاها فلوس فبابا رجع البيت وجاب100جنية مجمدة وكان ماشى هو وماما ف مكان اسمة رشدى ف اسكندرية ووجد علامة مكتوب فيها فرن وكان ف عيش كتير فبابا اخد12رغيف ولما دخل الفرن وجد عيش فينو فسال عن سعر رغيف قال6جنية فبابا اخد2رغيف فينو ب12جنية فبابا شاف بسكوت شكلة جميل بالوان الدهبى والفضى والوان كتيرة فسال عن السعر قال خمسين جنية فبابا اخد نص كيلو ودفع25جنية

الحلم رقم 4
والدتى حلمت انها راحت بيت جدتى ام بابا ودخلت السقة لاقيت جدتى قعدة جنب المطبخ فماما بتبص على الطرقة لقيتها مفروشة بحصيرة لونها بيج ومتوسخة فماما اخدتها عشان تغسلها وفعلا ماما غسلتها بالصابون وف حتة ف الحصيرة مقطوعة وكانت متغطية بفوطة فماما غسلتها بالصابون فماما بتبرم الحصيرة عشان تشطفها بالمية لاقيت خالة بابا بتقول لماما هاتيها انا هشطفها ماما قالتلها انا هشطفها خالة بابا قالتلها لا انا هشطفها وفعلا اخدتها من ماما وف نفس الوقت كان موجود ابن بنت خالة بابا اسمة عبد الرحمن بس كان شكلة ف الحلم اصغر من سنة ف الحقيقة فماما باست الولد وكانت جدتى ام بابا بتبص لماما ومكلمتش خااص ونظرت جدتى لماما فيها حنية اكنك مستغربة ان ماما عملت كدة ف الخلم


مع العلم جدتى وخالة بابا متوفيين والحصيرة ف الحقيقةةلونها احمر بس ف الحلم كانت لونها بيج وعبد الرحمن دة يبقة ابن بنت خالة بابا بس ف الحقيقة سنة اكبر ما كان ف الحلم

5
كنت قلت أحضرت أن كان فيه حد متقدملك بس لسه مش قعدت معاه ولما ينزل من شغله هقعد معاه ان شاء الله لأنه شغال فى محافظة تانية ... المهم كنت شفت منام خير يارب أن بيتهم بقا قدام بيتنا ولقيت باباه جايب سجادة طوييييييل وراح فارشها من أول باب بيتهم لحد ما وصلت لباب بيتنا وكانت طويلة اووووى لدرجة انها كان باقى منها كده قدام باب بيتنا بس لقيت مجموعة نمل اصفر كتير جم صفوف حوالين السجادة بس روحي جبت حتة فيها جاز ولميتهم بيها وماتوا ماعدا حبة نمل صغيرين فضلوا حوالين السجادة معرفتش اموتهم فقلت مش مشكلة دول مش هيعملوا حاجة يعنى. .. بس كده

ومعلش منام كمان
كنت حلمت خير كانى فى فرح اخويا بس كان هادى وبعدين لقيت شاب جه ولبسنى دبلة لقيتها واسعة على صوباعى وزى ما يكون هتقع منه ومكنتش عارفة البسها كويس فروحت قلت لبابا ياخد الدبلة دى ويرجعها للشاب لانها واسعة عليا واديتهاله وبعدها لقيت شاب جاى يقولى تعالى أركبى معايا انا العربية اللى انا راكب فيها وخدمة معاه مشانى فى فندق فخم اوى وكنت مرتاحة معاه وبعدها روحت داخلة مكان مقفول في الفندق ده ولقيتنى لا مواخذة بغير هدوم داخلية مش نضيفة وبلبس بدالها هدوم داخلية نضيفة ومغسولة بس كده

مع العلم أن كان من فترة صغيرة بابا كان جايبلى عريس وفعلا قعدت معاه اكتر من مرة بس مرتحتش اطلاقاااااا وقلت لبابا انى مش مرتاحة ومحصلش نصيب وبابا بلغه بكده

6
الحلم دا يخص ماما حلمت انها قاعدة مع واحدة ماتعرفهاش بترضع ابنها الصغير وفجاة لقت لبن بينزل من صدرها قالت لها شوفي لما شفتك بترضعي لبن نزل لي وفجأة لقت اخويا المتوفي كأنة رضيع وقعد يرضع منها لما شبع وقام مع العلم انة متوفي شاب


وابن عمي حلم انة بيقولة تعلالي وحس كأنة روحة بتطلع اتكرر معاة كذا مرة

وأسفة علي ازعاجك باحلامنا الكتير وربنا يجعلة بميزان حسناتك

ماما انا حلمت اني فيه ساعه جتلي هديهوكانت ساعه دهب وشكلها حلو هي شكلها زي الرجالي بس علئ دهب وكانت عجباني اوي وفرحت بيها 
الحلم لتاني
حلمت ان بنت خالتي كانت معايا وبنشيل حاجات وبنرتبها المهم جت واحده جارتنا نعهرفها سئلتها انتي حامل قالتلها اه قالتلها حامل في ايهقالتلها المره دي عتريسه مش عتريس وضحكت خفيف وشالت حاجه ومشيت
فانا استغربت هيا ليه قالتلها بنت وخبت عليها انه ولد
وبس
بنت خالتي متجوزه وعندها ولد ومش حامل