تفسير احلام يوم السبت الموافق 7\25ان شاء الله

الحلم رقم (1)
حلمت ان انا كنت ماسكة البطانية بتاعتى وكانت متطبقة وفجأة لقيت نفسى حطيت البطانية وهى متطبقة فى حوض المطبخ وفتحت عليها الحنفية ويادوب خليتها تتبلل بالمياه وبعدين كنت لسه هشيلها واروح انشرها فبصيت ملقيتهاش قلت اكيد والدتى راحت تنشرها وبعدين من غير اى تفكير لقيت نفسى شيلت الحجاب اللى لبساه على رأسى وغسلته بالمياه فى حوض المطبخ بردو وغسلت الحجاب تحت الحنفية بالمياه بس وانا كنت مستغربة من نفسى لانى مكنتش ناوية اغسل البطانية ولا الحجاب وعملت كده فجأة
معلش فى حلم تانى حلمت ان انا واخواتى كنا قاعدين فى الصالة ولقينا حشرة بتطير اخواتى بصوا فيها علشان يعرفوها لقوها جعران اسود وبيطير واخواتى كانوا فرحانين بالجعران وبيقولوا ايه اللى جابوا هنا وانا كنت مستغربة من فرحتهم وبعدين لقينا حشرة واقفة على التليفزيون القديم بتاعنا الحشرة اللى بيقولوا عليها بتاعت الحظ كان لونها اصفر ومنقطة بالاسود وكان حجمها كبير
انا آنسة وحالتى الدينية متوسطة

الحلم 2
 

2

حلمت خير اللهم اجعله خير يارب انى قاعدة قدام شاب( هو متقدم فى الحقيقة بس لسه هقعد معاه أن شاء الله ) حلمت انى قاعدة قدامه وكان شعرة طوييييييل عن الحقيقة وكان فى منتهى الجمال ولونه حلو بس كان زى ما يكون واقع من هدومى سائل كده مش نضيف فليست الشاب ده جه وراح ماسح الوسخ ده من تحت الكرسى اللى انا قاعدة عليه بس كده ....

ومعلش كمان منهم بخصوصه
حلمت خير اتى قاعدة معاه وكنا فى دمياط القديمة فقلنا نروح نشوف مكان زى كافيه نقعد فيه فمش لقينا فكملنا مشى لحد ما لقينا مجموعة حمامات مع بعض فقتله انا عايزة اخش الحمام فقال ماشى وراح مدخلنى ولقيته قاعد يستنانى على ما اخلص فقولته لو سمحت متوفرة عليا وانا بقضى حاجته وكنت محرجة منه وهو كان شايف ده عادى انه يقف معايا فى نفس الحمام يستنانى فأنا أصريت يطلع يستنى بره وهو سمع كلامى فعلا وطلع ولقيته أثناء ما بيوتنا راح يعمل حمام بالمرة هو كمان لحد ما أخلص وفعلا خلصت واتطهرت الحمد لله وقمت عشان أكمل مشى معاه وكنت سامعة امى بتقول عليه وصف غريب اوى بتقول ده تربية سجون ... بس كده
انا شفته من بعيد كده وهو شاحنة بس اللى أعرفه عنه أنه مؤدب وابن ناس يعنى

حلم ٤
ماما نجيه ازيك
الحلم ده مرات اخويا حلمته لى حلمت انى كنت مخنوقة اوى وكنت بعيط جامد وهى طبطبت على وحضنتى وبتقول كنت لسه هحكيلها بس هى صحيت على صوت بنتها بتعيط
هى بليل كانت بتسالنى مالى وبقالها كام يوم برد وانا مش محسساها بحاجه وبعرفها اى مشغولة فى البيت لان هما مسفرين مش فى مصر معرفش ده لانها بتفكر فى ولا حلم
ويارب يكون خير وادعيلي ياماما بالستر والهدايه والزوج الصالح وان ربنا يعفو عنى ويسامحنى لا موضوع بابا تاعبنى جدا نفسيا

الحلم رقم5
اختى حلمت ان احنا بابا وماما واخواتنا خارجين من سينما وكنا ف العيد وكان زحمة جدا واختى ف الحلم كانت رفيعة وهى ف الحقيقة مليانة شوية ولما طلعت من السينما كان ف حاجة ف هدومها مش مظبوطة وعاوزة تعدلها وكانت لابسة كوتشى بكعب كانت عاوزة تظبطة عشان الرباط اتفك فخرجنا م السينما راحت اختى اخدت مكان ع جنب وقعدت ف الارض عسان تعدل الكوتشى فاحنا ماشينا ونسيناها فاختى اعدت تعيط جامد عشان نسيناها ففى بنتين قالولها مالك احنا ممكن نساعدك وفعلا ساعدوها تعدل نفسها

مع العلم ان اختى ف الحقيقة مليانة شوية وعملت عملية تدبيس نعدة