الاشخاص المرتبطة بالحلم بنت عمتي و ابن عمي هما متجوزين و لسة مخلفين من يومين اسمهم هبة و اسلام 2 بنت خالي لسة مخلفة بنت من اسبوع بس عندها حاجة في القلب و هما ساكنين في بيت واحد 3- مرات خالي 4- عمتي الحقودة ديه و احفادها
حلمت ان هبة و اسلام هيعملوا فرح من جديد في قاعة حلوة اوي و بنت خالي ديه قالت هلبس انا كمان فستان ابيض و اعمل فرح بس مؤقتا و اقلعه و انا كنت مع بنت خالي ديه في الزفة و اتفقنا انها هتلبس فستان الزفاف اما توصل القاعة و انا هلبس الفستان السواريه كده و اما وصلنا القاعة كنت لابسة فستان سواريه حلو اوي و كان فيه تطريز من ريش كده دليل على الغنى و هو عباة عن نصين لبست نص واحد اللي مافهوش ريش و كان معايا بقيت النص التاني اللي فيه ريش في أيدي و كان معايا الجيبونة بتاعت بنت خالي المهم و انا قدام القاعة لسة بحط النص التاني قامت عمتي ديه بصت لي بحقد و سلطت احفادها يخطفوا النص التاني وواقفين على سكة عربيات و ترام الناحية التاية و خطفوه و انا بقولهم حرام عليكو سيبوني اكمل الفستان هتستفيدوا ايه من كده قالتلي مش انتي مارضتيش بعيالي قلتلها كل واحد بياخد مقامه ياستي هاتي ديل الفستان ( عيالها في الحقيقة مش متعلمين و انا خريجة اعلام و اتجوزوا و خلفوا بس هي دايما تعايرني ربنا يهدي ) المهم فضلت اتحايل على العيال وما اخدتش باقي الفستان بس حضرت الفرح كده و كنت مكسوفة من منظري و كانت القاعة هايلة و العريس و العروسة لابسة فستان حلو اوي و شكلهم احلى من الحقيقة و كان في ولدين في القاعة عمالين يبصولي واحد منهم اعرفه ماما قالت لي ايه رأيك في دول قلتلها معجبين اوي بس مش هيجوا عشان ديل الفستان ضاع خلاص و كنت حزينة اوي و قابلت بنت صاحب بابا هي عارفة اسلام ابن عمي قالت لي ايه دا فرحك قلتلها لا دا فرح هبة و اسلام قالتلي مش فرحك يعني قلتلها ابعدي عني انا مش نقصاكي و كان في الحلم مرات خالي برضه بتتفرج عليا و فرحانة فيا اوي
(حضرتك قلتيلي ان انا اعمل رقيا شرعية انا عملت كتير جدا و بقالي سنين بس انا في فترة اما كان في بنا ت وولاد كتير في العيلة لسة ماتجوزوش كانت العين عليا كتير اوي و كمان اكتشفت ان كل صصحابي انوا بيغيروا و انا مش عارفة و كان بيتقال لي كلام حسد في وشي و خصوصا عمتي ديه و في رمضان بشوف احلام من ديه كتير دا في احلام فيها صلبان و تعابين كبرى بس بخاف احكيها عندك حل ليا ياريت تبعتيلي على الخاص
انا كمان حلمت بعمتي ديه قاعدة معايا في الحمام و بتعايرني و كان قدامي كراوانة فيها غسيل ابيض محطوطة في مية و صابون عليها عفونة و هاتف قالي يا بنتي اغسلي الغسيل ده و هيتبطل تعايرك و بعدين تلفوني رن بأسم واحد اسمه الشيخ طارق
