نفسير احلام يوم الثلاثاء الموافق 5\26 ان شاء الله

الحلم رقم (١)
الحلم ده لصاحبتى يا طنط .... هى آنسة وكان متقدملها عريس وهى أعجبت بيه وهو معجب بيها .. بس مامت العريس بدأت تعمل مشاكل وتعترض والموضوع وقف ومكملش ... وخلاص الموضوع خلص على كده


حلمت اني مع 2 صحابي و واحدة فيهم ادتني خاتم انا كان عندي خاتم زيه بس ضايع هي اما ادتهولي كنت فرحانة بيه اووي ومبسوطة وعماله اشكرها بس الخاتم كان فالحلم باين ان هو مكسور وهي لحمته وانا بقولها شكرا انك لحمتيه ليا هو خاتم بفص مالنص كده زي خواتم الجواز بتوع تركيا....
فى الحقيقة البنت دي تبقي بنت عم العريس اللي المتقدملى بس هي متعرفش انه اتقدملي اصلا بس هي صاحبتي جدا وبنت صالحة وكويسة

معلش حلم تانى
كنت انا وماما رايحين نزور ام العريس ده اول ما فتحت الباب رحبت بماما ودخلتها واول ما شافتني اتلوت واتضايقت وفضلت تقولي انتي برده جاية وتقولي كلام رخم اووي وسابتني ودخلت وعمالة تلقح عليا كلام بس كان في ناس كتير موجودين من قرايبهم تقريبا قرايب باباه وفضلوا ياخدوا بخاطري ويقولولي متزعليش ولا يهمك منها والعريس نفسه فضل يقولي ملكيش دعوة بيها انا بحبك وعايزك مش يهمك منها حتي اخته برده كانت بتصالحني بس امه بردو كانت شغالة تلقح فالكلام
وصحيت من الحلم فعلا مضايقة من مامته

4 

حلمت ان بنت خالى المتزوجة بقت حامل (مع العلم انها متزوجة من سنة ولسه مفيش اولاد ربنا يكرمها) وخالى عمل حفلة بمناسبة اول يوم فى حملها وكانت جاية من الكوافير كأنها عروسة وكانت لابسة فستان لونه موف 
وحلمت فى نفس الحلم ان اختى عملت خطوبتها تانى(الخطوبة كانت فى المعهد اللى بحفظ فيه قرأن وكانت الناس قاعدة ومكنش فيه موسيقى او رقص) مع العلم ان اختى مخطوبة وامبارح اتحلت مشكلة فى خطوبتها بسبب الشقة الحمدلله
وفى نفس الحلم انا كنت عازمة الشخص اللى انا بدعى ربنا يكرمنى بيه ويجعله زوجى وكنت ببص حواليا فى الخطوبة وبدور عليه وملقتهوش وبعدين ببص تانى لقيته موجود وجايب دسته جاتوه وبيوزع على المعازيم لحد ما وصل لحد عندى انا واختى وقعد جنبنا فانا قلتله انتا مش هتدينى انا كمان جاتوه راح ادانى قطعة
والغريب يا ماما نجية انى كنت فى الحلم بشعرى ولابسة بنطلون وبلطو وبعدين روحت شقة جدتى المتوفية عشان البس حجاب لانى اتكسفت امشى كدا وانا اساسا مش بلبس كدا خالص انا منتقبة الحمدلله
انا انسه وجامعية 

الحلم رقم5
والدتى حلمت ان هى هتاخدنى انا واخواتى وهنروحوا الحج فماما بتقول ف سرها هو انا هروح المكان الل روحتة قبل كدة وف نفس الوقت كان فية ولد صغير بيحبى كان قاعد ف الارض ف اوضة بابا وماما فماما بتقولة وانت كمان هتيجى معانا الحج وبعد كدة المكان اتحول لشقتنا القديمة وبابا وماما كانوا واقفين ف البلكونة فماما بتقول لبابا احنا هنروح الحج وانت مش هتيجى معانا بابا قالها مش هينفع عسان الشغل ماما قالتلة كلنا مسافرين هتبقة لوحدك هتاكل وتشرب ازاى قالها عادى ماما قالت لبابا عارف لو عملت حاجة غلط هعرف والحلم انتهى

مع العلم انا وماما واخوانى مروحناش ولا حج ولا عمرة بس بابا راح مرة واحدة بس كان زمان

6
انا حلمت انانا في الحمام وان بس عند خالتي في بيتها والحمام مان شكله هو حمامنا في بيتنا احنا بس في الحلم كان عند خالتي ولقيت في الحمام صورصار شكله غريب جدا طويل اوي ورفيع وواقف في الحمام فطلعت قولت لهالتي هاتي الرش علشان انا شوفت صورصار غريب ده اطول صورصار في العالم وكنت مستغربة اوي وانتهي الحلم