الحلم رقم (١)
الحلم ده ياماما نجيه بنت عمتى اللى حلمته وحكتبه لحضرتك زى ماهى بعتتهولى
حلمت ان احمد اخويا كان عنده ماتش ف القاهره او حته بعيده يعنى ... وكل ولاد العيله وانا واختى رايحين معاه والعربيات واقفه ف الشارع مستنين ناس تانيه حتيجى معانا ... ف انا قولت لبابا انا هروح اطلع الكولمان لماما ( ده كولمان فى الحقيقة بنملاه ميه وننزله الشارع عاملينه صدقة جارية لمام واموات العيلة والمسلمين ) عشان يتملي ميه ساقعه ... جيت لقيت ماما واقفه في الشباك وعايزه تنادى علي ولد اسمه محمد عشان يطلعلها الكولمان عشان ماما تملاه ... فانا قولتلها انا اصلا جايه اطلعهولك ياماما وابتسمنا لبعض وعملتلها باي بايدى .. ودخلت عند الولد اللى اسمه محمد قولتله يلا عشان تطلع الكولمان معايا نملاه وابقى اطلع تانى خدو من ماما قال ماشي المهم قبل ما نطلع شفت 3 رؤوس رجاله محروقين مكبوب عليهم مياه نار ومحطوطين ومقطوعين قدامى علي باب المحلات اللى تحت بيتنا فانا وانا في الحلم سمعت صوت صريخ فقولت لمحمد مين دول قالي انتى مش سمعتى الصوت العالى الصبح قولتله اه قالى هما دول .. المهم قولتله طب يلا نطلع الكولمان وخدناه طلعناه عند ماما لقيت ماما لابسه خمار ابيض كده لبس صلاه ومبتسمه اوى قولتلها انا هملى الكولمان ومليته انا وهى مع بعض وبعدين انا بقولها ياماما شفتى الناس المحروقين اللى مكبوب عليهم مياه نار اللى تحت دول ؟ قالتلى اه كده باستهزاء بتقولى شوفى وتعملى كده بايديها تريقه عليهم شوفى الرجاله العواجيز محروقين ازاى قولتلها ماشي .. المهم انا دخلت اعمل حمام وطلعت دا كله لسه منزلناش الكولمان طلعت من الحمام لقيت احمد اخويا جاى يستعجلنى ويقولى اتاخرتى ليه ... وكان ف اتنين بسكوت لمبادا احمد اخويا قال انا هاخدهم قولتله لا ده واحد ل ماما و واحد لبابا ف ماما فضلت تضحك وتقوله يا فظيييع ماشي خدهم وهبقى انا اجيب تانى ... بعدين ماما كانت لابسه لبس الصلاه وقاعدت عالسرير بتاعها وانا ماشية قولتلها يا ماما عايزة حاجه انا ماشية قالتلى لا وهي بريئة خالص كده ومبتسمه جامد وبتطمني بتقولى لا والله انا مش عاوزة حاجه وانا طبطبت علي رجليها كده راحت واخدانى وبيسانى وانا دخلت الحمام فماما ادت الكولمان لمحمد عشان ينزله ... ولما نزلت تحت لقيت الكولمان مليان ومتظبط ... ف بابا جه عشان يستعجلنى فانا اتخنقت بالعياط و قولتله ماما صعبانه عليا عشان سيبنها لوحدها يعنى طبطب عليا وقالى تطلعى تقعدى معاها فانا مرضتش هزيت راسي ب لا ومشيت مع بابا
اسفة عالإطالة
