تفسير احلام يوم السبت الموافق 4\25 ان شاء الله

حلم رقم 1
انا حلمت بعد الفجر كدا ان المطره بتمطر بغزاره والسما كانت صافيه وانا كنت فرحانه وبدعي بكل اللي نفسي فيه وبضحك

الحلم رقم 2
ازيك يا ماما يارب تكونى بخير انا حلمت حلمين بس صغيرين اوى 
الحلم الاول حلمت ان اختى فى الحقيقه هى بتشتغل مع مدرس اسمه اشرف حلمت بقى ان هى بتقولى انتى هتشتغلى معايه عند اشرف فانا اترددت علشان خطيبى مش عايزنى اشتغل فاختى قالتلى ديه هتبقى فرصه علشان بالمره نروح نشترى حاجات الفرح بتاعتك من السوق وبعدين ببص لقيت فايدى زجاجه برفان وكانت لسه جديده ولسه بالكيسه بتاعتها وانا فكيت الكيسه ومسكت الزجاجه وخلص الحلم


وبصى يا ماما انا تانى يوم حلمت حلم بس مش فاكره غير ان كان معايه ورقه مكتوب فيها انا لله وان اليه راجعون بس                              انا انسه ومخطوبه وفرحى فضل عليه شهور قليله 

الحلم رقم 3
انا حلمت ان كنت ماشية مع اسرتى وداخلة النادى فقابلت بنتين ومعاهم حد تالت وانا كنت اعرف ف الحلم بنت فيهم فكلمتها وهى عرفتنى وببص ف ايديها لاقتها لابسة دبلة قولتلها انتى اتحطبتى قالتلى اة قالتلها مبروك انتى رايحة فين قالتلى هروح مشوار قولتلها طب روحى المشوار وخلصى وانتى معاكى نمرتى رنى عليا وتعالى انا هطلعلك برة النادى وادخلك معايا قزلتلها متنسيش قالتلى ماشى وبعد كدة المكان اتحول ان دخلت مكان زى كافية ولاقيت معايا نفس البنت وانا كنت مستنية الشخص اللى انا معجبة بى فانا قولتلها انا بقة معجبة بشحص وهو جاى دلوقتى هعرفك علية قالتلى ماشى قولتلها مش هتعرفينى على خطيبى قالتلى هعرفك بس بعد ما تعرفينى على الشخص االى انتى معجبة بى قولتلها ماشى وشوية الشخص اللى معجية بى جاة بس كان طويل اوى بالنسبالى وبالنسبة للبنت صحبتى المهم الشخص دو قعد على الترابيزة اللى قدامنا بس قريب مننا اول ما شافنى قعد يبصلى وانا بصيتلة انا كمان وقولت لصاحبتى اهو الشخص اللى بقولك علية صاحبتى اول ما شفتة وشها اتقلب خالص وبقيت مش بتضحك حتى الشخص اللى انا معجلة بى استغرب من رد فعلها وانا استغربت قولتلها مالك ف اية انتى تعرفية قالتلى لا قولتلها امال اية قالتلى مفيش حاولت معاها عشان تقولى مالها مرضتش تقولى انا شكيت احسن تكون عىفاة ويعرفها وبيضحكوا عليا روحت قولتلة قالى معرفهاش لو هى تعرفنى تقول البنت بردوة مصممة متعرفهوش قام الشخص اللى معجبة بى قرب منى وقالى شكلة كدة الحلم اللى حكتهولك هيتفسر قولتلة حلم اية قالى اللى هو حكتهولك وكان تفسيرة ان ف بنت هتفرض نفسها علية قدامك وانتى هتصدقى ان فية علاقة ما بينى وبينها بس انا ولا اعرف صاحبتك خالص فبصتلة وسكت وكان قاعد ورانا شخص منعرفهوش كان مراقب الموقف فقالى ازعى تصدقى البنت صاحبتك دى حركات بنات وفعلا الشخص دة ميعرفهاش وبعد كدة قولت يلا نمشى ف البنت قامت ومشيت قدامى وانا وراها وااشخص اللى معجبة بى ورانا والبنت بردوة متغيرة خالص قولتلها لو تعرفية قوليلى وانا هسعدك طب هو خطيبك وانتى مش عاوز تقولى قالتلى لا معرفهوش وبعد كدة المكان اتحول وكان فية شاشة كمبيوتر لاقيت البنت دى بتفتش ورايا على الفيس بوك بتاعى وجايبة الاكونت بتاع الشخص المعجبة بى وبتشوفة استغربت ولما بقرب منها وهى بتعمل كدة تبعد وتحاول متوضحليش بتعمل اية وتهرب منى عشان مش اسالها وف الحلم شوفت البنت دى وهى متخيلة نفسها لابسة فستان فرح ومعاها الشخص اللى نعجبة بى وبيرقصوا مع بعض وانا بقول هو طويل اوى بس هى لابسة كعب فمطولها شوية

مع العلم انا معجبة بشخص معين وقبل ما نام دعيت ربنا ينور بصيرتى ف موضوع الشخص دة فحلمت بكدة وف الحلم انا اصلا معرفش البنت اللى ف الحلم ف الحقيقة وعلاقتى انا والشخص المعجبة بى لسة ف البداية وعلاقتنا كويسة واتحسنت عن الاول وهو كمان بيبدلنى الاعجاب

الحلم رقم 5
اختى حلمت انا هى وانا كنا ف سوبر ماركت اسمة فتح الله وكنا واقفين عند قسم العطارة فلاقيت واحدة مليانة شوية طالبة كاكاو بس بكمية كبيرة اوى اول مرة نسوفحد طالب بالكمية دى لدرجة الراجل حطلها ف كيسة سودة كبيرة جدا جدا عملاقة فاختى بصت لست قالتلها هتعملى اية بكل الكاكاو دة الست مش رديت وبعد كدة اختى راحت لراجل وبتقولة عاوزة سكر بنى بس لاقيت واحدة قبل اختى ف الطلب بردوة عاوزة سكر بنى فاختى سالت الراجل وقالتلو السكر البنى سعراتة اقل من الابيض باتنين سعر حرارى قالها لا اقل منة بكتير قالتلة تمام بعد كدة المكان اتحول لمكان جنب الكنطقة اللى ساكنين فيها والمكان دة فية مساكن وسوب ماركتات فكلنت المفروض اختى جابت حاجتها من فتح الله فاحنا روحنا المكان اللى جنب مكان بيتنا عشان نجيب طلبى انا فاختى قالتلى عاوزة اية قولتلها انا عاوزة بن يدوى قالتلى صعب الاقية هنا وعموما هسالك ونشوف سالنا اول سوبر ماركت قال معنديش بعد كدة مقلة لب سالنا فيها قال معنديش وصعب تلاقى هنا وبعد كدة قداما اتنين سوبر ماركت وكنا رايحين نسال فيهم فاختى قالتل مش حافظة المكان كويس وخايفة اتعمق ف المكان اكتر من كدة نتوة فاحنا اخرنا الاتنين سوبر ماركت دول