حلم رقم 1
السلام عليكم
ازيك يا ماما نجيه يارب يكون حضرتك بخير
انا حلمت ان انا واسرتى معزومين على فرح حد بس مكنش باين مين وانا رحت القاعة كانت واسعه وكانها سيرامك او رخام لونه بيج وكنت لابسه فستان هو عندى فى الحقيقه لون بيج فى اسود واخى كان جالس على كرسى ولابس بدلة انيقه وانا جلست على كرسى بس مش بجواره بعيد شويه ولقيت عمى المتوفى قدامى لابس بدله انيقه جدا فرحت عليه وحضنته وبكيت كتير اوى على كتفه حتى كنت حاسه بالبكاء ده وانا نايمه كان خنقنى واخى اتى بجواره بس كان ماسك سجارة وانا كنت مستغربه جدا انه ماسك سجاره لانه فى الحقيقه مبيدخنش وكانى صحيت جوه الحلم وحكيت لولدتى الحلم ده يعنى كانه حلم داخل حلم ..
بالنسبه لى الحالة الاجتماعيه مطلقه والدينيه متوسطة .. بالنسبه لاخى متزوج ومسافر مش عارفه ده ليه علاقه بالحلم ولا لاء بس هو بعيد عننا شويه معنوياً يعنى فى شوية جفا من ناحيته .. عمى الله يرحمه كان انسان طيب جدا وخير جدا اتمنى يكون فى مكانه حلوه يارب .. جزاكى الله خيرا
