تفسير احلام يوم الاثنين الموافق 4\20 ان شاء الله

حلمت انى بحضن حمات اختى المتزوجة أنا انسه 

اليقن بالله كتب:

الحلم رقم 1
اختى المتزوجه حلمت اللهم اجعله خير ان يوم فرحى وان ماما واخواتى فى شقتها هى وانا فى الكوافير بس لوحدى وامى واخواتى كانوا عندها قعدين بياكلوا فراخ فرشا اختى اخدت حته من الورك وقالت لاختى الفرخه ديه مره فاختى اخدت منها الفرخه وقالتلها لاء ديه مش مره ديه مش مستويه وبعدين انا بصيت عليهم من الشباك وكان كتفى وشعرى بينين ومشيت وانا قولتلهم انا هروح لسامح لوحدى ابعتى لابراهيم (جوز اختى اللى حلمت ) ان يودينى لسامح علشان بابا مات وانا هروحله لوحدى فاختى كلمت جوزها فجوزها مسمعهاش علشان كان بيكلم حد جمبه فاخواتى قاموا يلبسوا علشان يروحولى فاختى امنيه قالتلها انا كان نفسى اعمل شعرى والبس فستان سهره ففرح شيماء فماما قالت خلاص مبقلناش حد وهنروح لوحدينا وكانت ماما حزينه اوى وهما نزلين  من على السلم كانت اختى اللى حلمت واختى التانيه مسافره ومتزوجه كانوا نزلين بيعيطوا فحنان سلفت اختى قابلت اختى وقالتلها متعيطيش وتعملى كده ادام امك كفايه اللى هى فيه  وبعدين نزلوا على اساس رايحين الفرح وهى صحيت على كده
اختى متزوجه وعندها عيال وانا مخطوبه وفرحى قرب 


معلشى يا ماما اختى حلم تانى بس خاص بيها حلمت اللهم اجعله خير حلمت ان وحده  اسمها فرحانه هى متوفيه وكانت فى الحقيقه سلفت اختى التانيه  وكانت فرحانه ديه قاعده فى وسط بنات وكانت بتضحك لجوزها وبتعكسه فاختى زعقت  معاها وقالتلها ابعدى عن جوزى راحت اختى اخدت جوزها ومشيت فجوزها وقف فى البلكونه وهى كانت برده بتعاكسه من تحت وتشغاله وهو بيضحكلها فاختى راحتلها وقالتلها ابعدى عن جوزى انتى عايزه منه ايه فقالتلها هو بيبصلى انا معملتلوش حاجه وجوزها كان بيضحكلها ومبسوط فاختى قالتلها انا هجبلك اللى يوقفك عند حدك وشتمتها واختى راحت لحماتها فلقت حماتها بتغسل فاختى اترمت فى حضنها واقعدت تعيط وقالتلها تعالى شوفى فرحانه بتعمل ايه وعايزه ايه من جوزى وخلص الحلم على كده   اختى متزوجه وفرحانه ديه متوفيه وحماتها لسه عايشه 

ميرنا 2012 كتب:

حلم رقم 2
شفت انه بلقي السلام او صباح الخير على اخت زوجي وبكررها ما بترد علي
وكده حصلت حاجات مش فاكرة كل حاجة 
لكن بدخل على غرفة وبلاقيها نايمة اخت زوجي
ببص عليها بلاقي معصم ايدها اليمين مقطوع وباخد حاجة تخصني وانا خايفة تتدايق وبخرج من الغرفة وخلص على كده
انا متزوجة وعايشة مع اهل زوجي
بنفس البيت وهم والداه
واخته المطلقة وهي من رايتها
وابنتها
اخت زوجي قوية وماكرة وبتوقع مشاكل وبتغلط بيا وبجوةي وبتكره اهلها حتى باخوها وفيا بحجة احنا غلطنا معها واهله منحازين لكلامها بشكل لايوصف
[size=36]كان بس معصمها الايمن مقطوع[/size]
[size=36]ومافيش دم [/size]
[size=36]هي بتدرس ومابتشتغل[/size]
[size=36]عندها بنت وحدة تدرس بالجامعة[/size]
[size=36]امها وابوها واخوتها بخير[/size]

toto كتب:

الحلم رقم(3)

حلمت ان انا اخرجت من جيبى علبة فيها سواك كان فيها اتنين بس اخدت منها واحدة ورجعت التانية فى جيبى وعملت اسنانى بالسواك بس معملتش اسنانى كلها تقريبا عملت الصفين الاماميين بس معملتش باقى اسنانى لان السواك لقيتها بتخلص بسرعة استهلكت نصها فى الصفين الاماميين بس قلت فى نفسى اشيل الباقى منها علشان اعمل بيها مرة تانى

معلش معايا حلم تانى حلمت انى كنت قاعدة مع كام بنت معرفهمش كان فى واحدة منهم بتعمل اظافرها بالمناكير الاحمر فطلبت منى اساعدها واعملها اظافرها بالمناكير قلت لها حاضر وبدأت احطلها المناكير وهى كانت بتقولى خدى بالك اعمليه مظبوط وانا كنت بحاول اعملهولها مظبوط عملتلها ظفر واحد هى قالت لى بس كفاية كده قولتلها مش هتعملى باقى الاظافر ده حتى الظفر اللى انا عملته متلونش كويس باللون الاحمر كان خفيف اوى قالت لى عادى انا عايزة كده وقالت انها حاطة المانكير على خفيف مجرد تسلية لانها مش عايزاه على طول 

انا آنسة وحالتى الدينية متوسطة

والبنت معرفهاش

ميوش كتب:

الحلم رقم4
انا ف شخص معجبة وهو كمان معجب بيا حلمت ان انا بكلم الشخص دة على الموبايل  بس مش فاكرة الكلام ما بينا كان اية  المهم وانا بكلم خلصت كلام معاة  ببص كدة لاقيت موبايلين معايا الموبايل اللى كنت بكلم فية الشخص دة وموبايل تانى صغير بس لعبة مش حقيقى فاستغربت قولت دة جة منين وبعد كدة  الحلم اتغير ان انا كنت بكلم الشخص دة موبايل بردوة فبكلمة صوتة متغير بقولة مالك قالى معلش اصل احنا شقتنا اتسرقت كلها ومفيش ولا تلفزيونات ولا اى حاجة  وحتى واحنا بنكلم كام صوتة متغير عشان زعلان انهم اتسرقوا وكمان واحنا بنتكلم الاتصال كان بيروح وبييجى بس كنا بنتكلم بس الكلام ساعات مش بيبقة واضح ما بينا وانا كنت زعلانة علية عشان اللى حصلة

mamtlolo كتب:

السلام عليكم ياماما يارب تكونى فى اتم صحه.

حلمت ان فيه مكان واسع زى جنينه وعيلة امى معايا خالتى واقفه وفيه حيه

mamtlolo كتب:

حكتب الحلم تانى ياماما لانه مكملش.
حلمت ان فيه مكان زى جنينه وفيه حيه اللى هيه الكوبرا بابا ماسكها وماما قالتلى ان خالتى هيه اللى مربياهه انا قلتلها ممكن تمشى وتعضنا قالتلى واخدين بالهم دخلنا اوضه وفيها شباك وانا كنت خايفه تدخل من الشباك مما قالولى اه وبعدين جت من ورا وفتحت بقها فى ايدى بس معضتنيش ولا حسيت بحاجه انا لمت ماما قالتلى خالتك هيه اللى مربياهه ولقيناهه عامله بيض والبيض كان اربعه وفقس وطلع ام اربعه واربعين وانا وماما كنا بنبصله والحيه اختفت.

الحمد لله بصلى وعندى بنوته سنه ونص وجوزى مسافر وامورنا بخير الحمد لله .
عيلة امى بيتكلموا عليا وبابا زعق ليهم وماما زعلانه منهم .بابا دافع عنى واتخانق معاهم.
جزلكى الله الجنه ياماما

نوجا كتب:

حلم رقم 5

حلمت يا ماما نجية كاني ماما بتكنس التراب فى بلكونة كبيرة سورها مكسورها وبعدين جات عربية وخبطتها ورواحت عليها و كنت عايزاة اصرخ بس صوتي كان مكتوم  مش بيطلع بس كانت كويسة

نهر الحياه كتب:

حلمت انى بحضن حمات اختى المتزوجة أنا انسه