تفسير احلام يوم الاثنين الموافق 4\13 ان شاء الله

حلم رقم 1

اختى حلمت ان حماتها كانت حامل وخلفت بنت واخت جوزها اخدتها وطلعت بيها لاختى وقالتلها رضعيها بالببرونة اختى قالتلها مالها هى مبهدله كدة ليه وقالتلها انها مش شبهك وانتى صغيرة بعد كده حماها قالها انتى لسة مشفتوش منى حاجة 

اختى متجوزة فى بيت عيلة ومخلفة ولد وفى شوية مشاكل بسبب انها خلاص هتنقل وتروح شقة تانية ... هى الحمدلله بتصلى هى وجوزها ..

حلم رقم 3

الحلم ده لصدقتي حلمت انها كانت بتعيط وعيزه تلبس النقاب باي طريقه ومش عارفه تجيبه منين وقبلتني في وسط زحمه وسالتني على نقاب واخدتها معايا في البيت واديتها واحد من عندي واخدته وبسته وراحت لحد هو عايز يخطبها بس اهله رفضين بس راحتله 

بس مش اول مره تحلم بالنقاب والشخص ده 

صديقتي ديه محجه بس مش احجاب الشرعي اللي يستر الجسم

كل سنة وانتى طيبة يا ماما 
انا امبارح لقيت بابا جايبلى ورق سدر وبيقوللى اطحنيه حطيه فى مية وحطى عليه مياه مقروء عليها ايات الرقية الشرعية من العين والسحر والحسد واغتسلى بيها وفعلا عملت كده واغتسلت بيها وقلت اهى تحصين وحماية وامبارح شوفت رؤيتين لانى قمت صليت الصبح وبعدين رجعت نمت تانى 
المنام الاول حلمت خير اللهم اجعله خير يارب انى واقفة قصاد المرايا ولابسة اسدال الصلاة بتاعى ولقيتنى جايبة غسول مطهر لونه ابيض وبغسل بيه وشى ووسواعد ايدى لحد المرفقين بيه ولقيت نازل شعر على اورطى كده منى لونه اسود ونااااااعم وسايح على وشى واحسن من طبيعة شعرى بكتير وبعدين لقيت الشيخ عمر عبد الكافى الداعية وقف جنبى وقاللى مش لازم يوم الفرح تجيبى حد يرقص ويطنطط ده حتى منظر مش مستحب فقولتله ما كل الناس بتعمل الافراح كده قاللى لا مفيش داعى يوم الفرح تجيبوا حد يرقص وكانه بيتكلم عن يوم فرحى !! وخلص المنام على كده
المنام التانى 
حلمت خيران جالنا ضيوف منهم شاب اسمه كريم ولقيته قعد قريب منى فقلتله هاتلى كرسى عشان اعرف اقعد جنبك فراح يدور على كراسى وغاب شوية فقلت اشوف انا كرسى بس مش لقيت كراسى مريحة فلقيته هو جاى وجايب كرسيين مريحين ليا وليه عشان نقعد انا وهو مع بعض وكان فيه بيتنا ناس كتير ضيوف عندنا وكنا باليل فلقيت ماما بتدينى عشرة جنيه وبتقوللى روحى هاتيلنا 10 ارغفة عيش بسرعة عشان يكفونا فبابا شافنى فراح مدينى هوه كمان 20 جنيه وقاللى وانا هاتيلى حجر بطارية عشان اشغل اجهزة عطلانة عندى فروحت محل اجيب منه عيش لقيته عايز يدينى كيس فى ارغفة ممزعة ومتقطعة خالص فمرضتش اجيبه فروحت محل تانى فلقيت عنده العيش اللى انا عايزاه فروحت جايبة 10 ارغفة زى ما هو مطلوب وقلت بابا طلب منى اجيبه بطارية فقلت للراجل يجيبلى فلقيته بيقوللى خدى البطاريات دى اللى موردهالنا واحد اسمه اسرافيل اول ما تحطيها هتشغلك اى جحاجة على طول وعلى ضمانتى فقلتله طيب وخدتها وقبل ما امشى من عنده روحت واقفة ومصلية صلاة مش عارفة تحديدا هى ايه وروحت مخلصاها وقلت بقا اروح بالحاجات لماما وبابا فلقيت النهار طلع عليا والنور بدا ينتشر فى كل مكان والليل خلص وروحت بقا اديت العيش لماما والبطارية لبابا واشتغلت معاه فعلا وكان مبسوط منهم  .... مع العلم ان بابا جابلى موضوع ورق السدر ده ظنا منه هو ماما ان ممكن يكون فيه حاجة ممكن تكون معطلة الزواج بعد فركشة كذا موضوع وره مش تموا ليا وانا والله مش حاجة فى دماغى الكلام ده بس قلت اعمل كده من باب التحصين ومش هيضر يعنى وربنا يجبر بخاطرى انا وكل بنات المسلمين يارب 

حلم رقم 5

حلمت يا ماما نجية كاني معايا اختي ركبنا عربية وبعدين نزلنا عدينا قضبان السكة الحديد وركبنا قطر وكنا واقفين فيه وماسكين فى حديد عشان ما نقعش منه لانه كان مفتوح وكان فى ناس كثير راكبين لحد ما وصلنا المحطة و نزلنا وركبنا عربية تاني

السلام عليكم ياماما

حلمت انى ببرد ظوافرى وبنضفهم من اى وساخه وكان شكلهم قوى وغريب وحجمهم حلو وكانوا بيلصوا عليا مراة خالى وكنت عاوزه احطلهم مقوى وكنت ببص على شكلهم ومبسوطه.

بصلى الحمد لله متجوزه وعندنا
بنوته سنه ونص وجوزى مسافر وبدرس لغه.

الحلم رقم 7
صاحبتي حلمت حلم بتقول
انا حلمت اني حطيت مصحف جوه خشب وقولت لعمتي وبنتها الكبيره اني هحرقه علشان هما هاجرينه ووضعت عليه جاز
بس هما قالو لا ما تحرقهوش وأختي قالت إنها هتقرا فيه

صاحبتي مخطوبة من يومين وعمتها دي بتقولها يا امي وهي عايشة معاها ومربياها .... وبنت عمتها الكبيرة دي مقام اختها بالظبط ومتجوزة وعندها 3 اولاد
صاحبتي ملتزمة ف الصلاة الحمد لله وعمتها وبنتها