الحلم رقم (4)
حلمت ان انا شوفت فى التليفزيون وصفة عصير غريبة حبيت اجربها علشان اشوف طعمها ازاى الوصفة كانت عبارة عن بيض وكريمة لبن وليمون حطيتهم مع بعض فى الخلاط بس لما حطيتهم فى الخلاط قعدت اخلطهم وقت طويل لان صفار البيض مكنش بيتخلط بسهولة مش عارفة ليه
بس حاولت اخلطهم على قد ما قدرت وبقى لون العصير زى عصير المانجو
وبعدين حطيته فى اكواب علشان اعطى لاخواتى ووالدتى وبدأنا نشرب العصير لكن طعمه معجبنيش اوى بسبب البيض حاولت اشرب الكوباية للاخر وقلت مش هعمل العصير ده تانى
معلش معايا حلم تانى حلمت ان كان عندنا ضيوف وكنا بنحضر لهم اكل علشان يأكلوا انا عملت لهم بيض عملته بالطريقة العادية مش سلق واخويا جاء ياخد الاكل للضيوف فأنا حطيت له طبق البيض اللى عملته بس فجأة افتكرت ان انا نسيت احط ملح للبيض اضطريت اشيل الطبق لان مينفعش يتقدم للضيوف اختى قالت لى كده الطبق باظ ومش هينفع حد يأكله قلت لها انا اللى عملته وانا اللى هأكله وجبت الملح وقعدت احط على البيض ملح واكل وكان فى زيت زايد شوية فى البيض
والاكل اللى اتقدم للضيوف كان اكل بسيط تقريبا كان جبنة وحاجات تانية خفيفة مش فاكراها
انا آنسة وحالتى الدينية متوسطة
واختى آنسة
واخويا عازب ولا يعمل
