تفسير احلام يوم الاربعاء الموافق3\4 ان شاء الله

حلمت ان كان مغايا جركن ماء زمزم وشربت كوبايتين منها وكنت عوزة اشرب تانى وكنت بدور على التمر اللى عندنا فى البيت .. كنا قاعدين وفى ناس عندنا مش فاكره مين...المهم اننا لمينا عفش بيتنا فى جنب وماما كانت بتمسح البيت..ببص لقيت شقتنا كبييييييرة اووووووى ومليانه غرف وحلوة وغيرنا ترتيب الحاجه ....
حصل عندى ظروف ومشاكل كبيرة فى بيتى ..دى حالتى قبل النوم

7
حلمت ان خطيبي اشترا قميص ابيض وتيشرت ابيض وكان لابسهم وشكله حلو اوي فيهم وبقوله ده قميص ولا جاكت قالي مش عارف فمسكته لقيته قميص
وخلص الحلم علي كدة مع العلم ان خطوبتي اخر الشهر ده وكان فيه مشاكل ما بينا وكانت هتتفركش امبارح بس كل حاجة اتحلت الحمد لله بس عندنا دلوقتي مشكلة الشقة انها صغيرة وعرضينها حاليا للبيع

حلم رقم9
والدى حلم ان احنا كنا ف بيتنا القديم وهو بابا راح السوق وراح محل المحل دة اسمة فتح الله وبابا اشترى منة فسيخ وسردين مملح وام الخلول وراح يودى عندنا ف البيت

مع العلم ان احنا سيبنا بيتنا القديم من زمان جدا

حلم رقم 2

حلمت يا ماما نجية كاني فى بيت كبير وكان نايمة على سرير وكان فى ستات كثير نايمين عليه وبعدين لاقيت نفسي باقوم ااقفل الابواب وكانت كثيرة اوي

10
مش عارفة بقا يا ماما اقولك ايه بس الموضوع اياه منفعش مع ان الاستخارة كانت كويسة بس العريس ده اعتذر وقال كل شىء قسمة ونصيب عشان والدته مش وافقت وقالتله ان قدامه فترة الاول على بال ما ظروفه تسمح وانا من ساعتها وانا نفسيتى وحشة جدا وربنا ييسر عليا حالى 

انا امبارح حلمت خير اللهم اجعله خير يارب انى رايحة اجيب نتيجتى من الكلية كانى رجعت تانى لايام الدراسة وكنت خايفة وانا بجيبها وكانت نتيجة اخر سنة فى الكلية وبعدين دخلت شئون الطلبة عشان اجيبها فلقيت الست بتقوللى لو لقيتها فى الدفتر الاولانى يبقى من الساقطين او اللى شايلين مواد ولو فى التانى يبقى من الناجحين اللى جايبين تقدير والحمد ملقيتوش فى الاولانى وبتفتح التانى لقت نتيجتى ولقيتنى جايبة مجموع 80 فى المية يعنى جيد جدا ففرحت اوووووى وروحت بيتنا بقا عشان اقول لاهلى فلقيت جايلى رغيف كده كبير وسميك بس متاكل منه حنه او قطمة قبل كده فقلوت ده متاكل منه بس حاجة بسيطة متضرش وخدته ورضيت بيه