الحلم رقم 1
انا حلمت ان في بيت جدي الله يرحمه والدنيا ليل واني وصلت وحسيت في حاجة غريبة في المكان وبعدين مش فاكرة اللي بيحصل بالظبط بس نتيجته كان في جثث كتير وناس ماتت ...وان بنت خالتي كانت نايمة ع السرير بقولها الحقي ده في جثث كتير وانتو ازاي قادرين تعيشو وهي حواليكم فلقيتها بتقولي اه ده بقى العادي حتى بصي ولقيتها اتحركت شوية وورتني جثة نايمة جمبها وانا اتخضيت ومبقتش عارفة اعمل ايه ولا اقعد ازاي وازاي هي مش خايفة وجريئة اوي كدة وزي ما يكون في وباء ف المكان بيعمل كدة والدنيا ليل وضلمة وببص من الشباك لقيت يمنى صاحبتي واللي هي ساكنة قريب من بيت خالتو في الحقيفة وكان انا اصلا في بيت خالتي مش في بيت جدي ولقيتها جاية تكلمني من تحت فانا قلتلها اخرجي وابعدي من هنا ونبقى نتكلم بعدين ...هي كانت جاية رشيقة وشكلها حلو ومتشيكة رغم ف الحقيقة دلوقت هي مش كدة عشان هي حامل ...وانا ف الحلم عاوزاها تبعد عشان عارفة انها حامل ومشيت وسمعت الكلام ....
هو حلم ملخبط شوية وف الحقيقة انا وبنت خالتي انسات وبنت خالتي عاملة عملية تدبيس معدة من اسبوع واتجستت الحمد لله
