تفسير احلام يوم اثلاثاء الموافق 12\30 ان شاء الله

الحلم رقم (٣)
ماما حلمت خير اللهم اجعله خير انى بدبح ابنى وبنتف من على جسمه حاجه كانى بنتف ريييش زى ريييش الفرخه .... لو تفسير الحلم وحش بلاش تفسريه بعد اذنك

حلم رقم 4
معلش انا تعباكي معايا يا ماما نجية احلامي كتير في حلم كنت حلمته زمان عايزة اعرف تفسيره حلمت اني كنت راكبة اتوبيس وفجاة وقف وكل الناس نزلت منه الناس مشيت من طريق وانا مشيت في طريق تاني بلف ورايا لقيت الناس ماشية من ناحية تانية وانا في الطريق لوحدي وبيني وبين الناس واحد شبهي بالظبط كأنه انا نفس شكل وشي وجسمي الصغير بس راجل وباصلي وضحك ضحكة كانها فيها فرحة وشمتنة وانا كملت طريقي بردو ومشيت

حلم 5
حلم اختى اماما نجية يا غالية
حلمت خير  ان اختى وماما وانا راكبين مشروع ورايحين باكوس (منطقة فى اليكس  ) وفجاءة انا هانزل وبيقولولى رايحة فين بقولهم رايحة اغسل علشان حجات ست هانم هدير "اختى " ماما هاتقول لاختى انزلى جيبى اختك اختى هاتنزل تجرى فى طين هتلاقى قطر لو هاتعدى هايدوسها هاتركب قطر هتلاقى فى شنطة فلوس مجمدة وتقول يارتتنى ما سبت لماما فكة هاطلع 5 جنيه للسواق ويديها بباقى اربعة جنيه ونص هاتطمن بعد كده وتكلم  ماما  تقولها  هاكمل انا وشوفى هبه  يعنى انا بس كده
اختى انسة فى اولى  جامعة اسمها  هدير وهى متعلقة بماما
انا 25 سنة  ومطلقة وبشتغل وبعانى فى حياة  والله

الحلم رقم 6
انا حلمت ان عيلة بابا كلها متجمعه فى بيت قديم من بتوع زمان بس فى الحقيقه دا مش بيتهم وكان فى حاره ضيقه المهم انا حلمت انى رحت ازورهم وما شفتش حد غير بنت عمتى وبعدين بنت عمتى هى اسمها هبه وهى لسه مكتوب كتابها قريب ووالد خطيبها الله يرحمه كان عقيد في الجيش ماكملتش شهر لقيتها بتقولى انها مرتبطه بظابط اسمه وليد ارتباط غير الخطوبه وانا قعدت اسالها اسئله كتير عنه يعنى اقولها شكله ايه وشعره ازاى عشان اتاكد انى اعرفه ولا لاء بس انا فى الحلم وكنت حاسه بغصة حلق ومخنوقه انها ارتبطت بيه لانه فى الحقيقه كان نفسى يكون من نصيبى وكان معاها صور ليه على الموبيل وهو فى المكتب  وهو بيضحك وباللبس الميرى ومكنش على كتفه دبابير بس الشخص دا كان شبه وليد بس كان زى مايكون اقل من رتبة الضابط بس مش متاكده هو ولا لاء بس انا مش عارفه ليه فى الحلم كنت عاوزه اصدق انه هووكنت متضايقه انه اداها صوره وانا مش معايا صور ليه زيها وانا اخدت منها موبيلها عشان اتفرج على الصور بس انا نيتى انى اسرقها منها بلوتوث عشان اقدر اوصله فى الحقيقه واوجهه ولقيت الصور دى فى ملف بتاع صحفيه بعنوان المتهم والجريمه زى برنامج عيون الشعب بتاع الصعيد كدا وحاطه فيه صور الظباط اللى ليهم انجازات يعنى قبضوا على حد حلوا لغز جريمه وكدا وانا قلت انى اقدر اوصل للصور لو لقيت البرنامج دا على النت ولقيت ملف فيديو مش فاكره اسمه ايه حاجه كدا زى حارس الجنه مش متأكده من اسمه وبعدين فتحته لقيت انى كنت شفته قبل كدا بس ماكنتش عارفه اسمه وقصته ان واحد فقير كان عايش فى عشه اوبيت فقير جدا جمب قصر فرعون والبيت والقصر كانوا على قمه جبل او تل بس هو مكان عالى وكان فى حاجه كدا على شكل كوبرا فى القصر كان فى نحت على شكل التعبان دا بس كان اكتر من تعبان وتقريبا انا شفت تعبان كوبرا  حى  مش متاكده بس اللى فاكراه ان القصر كان فيه تماثيل على اطرفه بدل العمدان على شكل التعبان دا والراجل دا كان عابد وتقى وملتحى ولحيته كانت معظمها ابيض وفرعون القصر دا افترى عليه او على الناس وبعدين الراجل دعا ربنا فسقط القصر دا يعنى كانه اتهدم بس مره واحده بس وانا بشوف الفيديو دا لقيتنى قاعده جمب الراجل العابد دا كانى بالظبط دخلت الفيديو وقعدت معاه ولما خلص الفيديو  خرجت تانى وبعدين كنت بقول لبنت عمتى بعد ما رجعت لانها كانت خرجت من الاوضه انتى فسختى خطوبتك قالت لى لاء قلت لها جدعه عشان يعنى لو وليد دا ما اتقدملهاش يبقى هى لسه مع خطيبها كأنى بنصحها عادى عشان ما تحسش بحاجه وقلت انا لو وليد خطبها هقوله مبروك بس بسخريه لانى عارفه طبع بنت عمتى وهى عصبيه ونكديه ومحدش بيحب يتعامل معاها مش لطيفة المعشر يعنى تحسى فيها حاجه بتنفرك منها بس هى ساعات كويسه معانا بس ليها دقات غبيه المهم انا يعنى كانت نيتى من مبروك انك وقعت ومحدش سمى عليك بس انا خرجت من البيت وانا عازمه النيه على كدا والرؤيا خلصت وانا خارجه من البيت لكنى ما قابلتوش فى الحلم وما شفتش اى حد من العيله غير بنت عمتى بس
انا وبنت عمتى علاقتنا كويسه جداااااا
وهى عايشه فى بلد وانا فى بلد تانى 
وهى اكبر منى بسنه وهى مخطوبه لواحد كويس جدا ابن حلال وانا عمرى 31 سنه ومش مخطوبه ووليد دا ما اعرفش عنه اى حاجه من مدة طويله 

حلم 7




حلمت اليوم بأني كنت في بيتنا القديم وهو منزل جدي كان في بيتي كلب كبير الحجم ابيض ومنقط بالاسود وكان يمشي ورايا من غرفه لغرفه وانا خايفه منو وبعدين دخلت الحمام وهو يلحقني وقفلت الباب في وجهو وعامر اخويا مضايق من الكلب وماما بتناديني تقول اخرجي خلاص يعني قصدها ﻻتخافي من الكلب انا واخويا عامر اضايقنا مرة من الكلب انا طلعت ومسكت الكلب من يده ورجله يعني حملته بالعكس وخرجت برا العماره وقطعت السكه ورميته في التراب ورجعت انا واخويا نجري ودخلنا بيتنا وسكرنا الباب قبل ما يلحقنا الكلب وحسيت انو الكلب راح ينط في السور


انا متزوجه وليس لدي اطفال حالتي الدينيه متوسطه

8

حلمت خير اللهم اجعله خير يارب انى كنت قاعدة فى مكان كبير زى مول وراكنة عربيتى قدامه ومغطياها وبعدين ببص عليها من شبابيك المول ملقيتهاش فجريت جرى بره المول ادور عليها وقعد ازعق واقول عربيتى اتسرقت الحقونى وبعدين لقيت حد بيقوللى دول لقوا عربيتك موجودة قدام معرض سيارات روحى خديها فلما روحت لقيت لونها اتبدل وبقا احمر بدل لونها الاصلى وبعدين لقيت لونها الجديد ده والله حلو وعاجبنى فقولت هاخدها كده بعد التغيير ما هى كده كده عربيتى وانا برده بحب اللون الاحمر وركبتها فلما جيت اركبها لقيت عنكبوت اسود كبير بيطنطط على الكابوت بتاعها فقولت دلوقتى يمشى لوحدة عشان انا خايفه انزله مخصوص من العربية ولقيت كمان شخص من بعيد بيبصلى بطريقة وحشة اوى كانه عايز يسرق العربية بتاعتى تانى منى بس انا قلت انا ركبتها خلاص وماشية ومحدش هيعرف ياخدها منى تانى وخلص المنام على كده .... معناه ايه تبدل الالوان ده يا ماما نجية ؟؟!! 

اب