تفسير احلام يوم اثلاثاء الموافق 2\17 ان شاء الله

السلام عليكم الحلم رقم 2

ماما انا نمت بعد العصر قرب المغرب وحلمت ان صاحبتي من ابتدائي بعتتلي رسالة فيها انها حايبالي تبرع للجروب بتاعي ومكتوب ف الرسالة ارقام المبالغ .... مكتبتش المبلغ مرة واحدة ...كتبتهولي على كذا رقم والرسالة دي كانت على النت وانا استغربت اوي انها جابت المبلغ الكبير ده منين ... ومش فاكرة الارقام اوي ...بس فاكرة انهم مكتوبين تحت بعض ،.. 4200 و 1000 او 10000 وبعدين 5000 وشوية وبعدين 500 كان المبلغ متقسم ع 5ارقام مش قادرة افتكرهم بس اللي فاكراه اني كنت بحاول اجمعهم بعيني وانا مستغربة جابت منين ومن مين وكمان هي متعرفش حاجة اوي عن الموضوع وبقالنا سنين مشفنلش بعض واللي خلاني مجمعش المبلغ اني لقيتها بتتصل بتقولي مش فاكرة البيت وبتوصفلي انها شايفة كابينات تليفون جمب بعض وبتوصفلي مكان تاني خالص ملوش علاقة ببيتنا وف نفس الوقت بابا واقف جمبي سامعني بقولها انتي متاكدة انك قريب مني لو سمحتي اوصغيلي اي حاجة تانية اعرف منها انتي فين وبعدين ببص لبابا عشان يساعدني او ياخد يكلمها بس بابا فجاة اتعصب وكان واقف جمب التليفون الارضي وسابني ونزل وهو بيزعق بس مش نازل يجبها وبعدين انا استغربت جداااااا هو زعق ليه وقال ايه كل ده غير مفهوم زعيق بس مفيش كلام مفهوم ولا سبب اصلا وهي ع التليغون مصممة انها ف منطقتي بس جمب حاجة زي سنترال صغير وخلص الحلم

انا انسة ومسؤلة عن جروب خير صغير ومعندناش حاليا اي فلوس زيادة وصاحبتي دي اسمها سارة حمدي بس ع النت ف الحقيقة كاتبة اسم ابنها .... وبابا عايش وملتزم ف الصلاة جداالحمد لله وانا كمان الحمد لله ولما صحيت افتكرت اني ساكنة قريب من سنترال المنطقة فعلا لاني معزلة من كام شهر وف الحلم كنت بوصفلها بيتنا القديم وبس

4
حلم قصير...حلمت ان ماما كانت بتغسل سجاجيد الشقه واحمد اين عمى كان ماسك مأشه..مكنسه يعنى..وبيعمل بيها السجادة فكانت تقيله عليه اخدت المكنسه منه وبقيت احطها فى جردل المايه وغسلت السجادة كلها بمايه وصابون بس كده

ابن عمى طفل عندة 3سنين

6
حلمت اني طالعة عمارة عشان اتفرج علي شقة فيها وكانت الشقة في الدور العاشر وانا كنت طالعة علي السلم ومش تعبانة خالص وبقيت اقول ازاي السلم ده متعبنيش لحد ما وصلت للدور التاسع وخلاص طالعة الدور العاشر فاضلي سلمتين بس مش موجودين لقيت واحدة من الدور العاشر بتمدلي ايديها وبتقولي انا هطلعك تعالي فاديتها ايدي فطلعتني فببص من فوق لقيت اني عالية اوي وانا عشان بطبيعتي بخاف من المرتفعات بقيت اقولها لا لا عايزة انزل بس منزلتش
وخلص الحلم علي كدة مع العلم ان خطوبتي الشهر اللي جاي وعندنا مشكلة في الشقة انها صغيرة وعرضينها للبيع حاليا وبطلنا نتكلم في الموضوع ده عشان بيجيب مشاكل بينا
ومعلش يا ماما حلم صغير لماما
حلمت اني بتصل بيها وبقولها ان خطيبي باع الشقة وجاب واحدة اكبر وعاوزنا نشوفها وخلص علي كدة لدرجة ان ماما صحيت وفاكرة اللي حصل ده حقيقة مش حلم

حلم رقم ٧

اللهم اجعله خير انا حلمت اني مع بنت و كنا خايفين من حاجه فدخلنا أوضه صغيره وواحد تخين دخل علينا فقالتله يتحرش بيا عشان نلهيه 

فأنا زقيتهو قعدت ازعق وروحت ابلغ عنه ولقيت بنت خالي و مش لابسه طرحها بتقولي تعالي إقناعي بابا انه يديني دروس (بنت خالي متزوجة 

وعندها بنتين و على خلافات مع زوجها ) روحت بقى لخالي لقيته مبيشوفش خالص هو من فتره كده كانت عينه بتوجعه فبقوله ياخالو انت ضد 

الدروس بشكل عام و لا عشان مفيش فلوس فسكت وبعدين اتنرفز فعرفت ان عشان الفلوس وقلت في نفسي هقول لماما نساعدها احنا 

وبعدين زي مايكون انا اتخنقت من القضيه و رايحه اسافر لقيتني لابسه فستان فرح وراكبه اتوبيس او يخت مش فاكره وفي واحد معايا 

وبيقوله انتي مقولتليش ليه كنت ساعدتك قولتله نسيت خالص وببص في المرايا لقيتني مش حاطه مكياج فبقوله انا محطتش مكياج 

قالي ياستي متقلقيش انتي بتعريف تحطي لنفسك و بعدين انا هعملك فرح في بلدك و بلدي و اي بلد نروحها هعملك فيها فرح و أكنه هو مش مصري 

تركي باين 
انا أنسه

رقم 9..حلمت انى باتفرج على خروف بيتدبح وكنت فى وسط ناس ..بس ماشفتش دم وﻻ دبح واضح ...اللهم اجعله خير ..

10
حلمت خير اللهم اجعله خير يارب انى فى فندق كبير وكنت عايزة اطلع بالاسانسير اوضتى وكانت اوضتى فى الدور العاشر فركبت الاسانسير وكان فى الاول بيطلع ببطىء شوية وبعدين بدأ يطلع دور وره دور وكان بمهله شوية بس بدأ يجيب دور وره التانى لحد ما الحمد لله وصل للعاشر واتفتح الباب وخرجت فى العاشر وقلت اشترى اكل بقا ليا انا وماما عشان قاعدة معايا فى نفس الغرفة ... بس كده 


وامبارح برده حلمت خير ان اختى وجوزها دلونى على مصحف كده اخده فلقيت المصحف عليه شوية تراب فروحت مسحاه وملمعاه وروحت رايحة بيه على نجار خشب وقلتله يحفرلى ايات قرأنية من المصحف ده على خشب بتاعه ويعملى منه ايات محفورة عليه فقاللى طيب هخلص الدولاب اللى بعمله للبنت دى لانها جاية قبلك وهاخد منك المصحف واعملك اللى انت عايزاه وقعدت عنده بقا استنى يخلصلى اللى انا عايزاه 
مع العلم ان جوز اختى بيدل عريس عليا ووربنا يقدم اللى فيه الخير عموما 

حلم رقم 10

حلمت يا ماما نجية كاني كان فى واحدة صاحبتي هي واهلها كانوا بيخططوا لمشروع و ما رضيوش يقالوللي وبعدين ركبت عربية مع ناس اعرفهم لحد ما وصلنا مكان راحوا نزلوا مع الراجل اللي كان بيسوق العربية عشان يشتروا ذهب وانا فضلت لوحدي فى العربية  وكمان الراجل ده ادى واحدة صاحبتي كانت معانا هدية عبارة عن نوت بوك صغيرة

ماما انا حلمي متفسرش ليه ؟؟ حلمي رقم 2