تفسير احلام يوم الاىحد الموافق 12\28ان شاء الله

حلم رقم 1
ماما حلمت انها كانت في بيت الدور الارضي والبيت ده فيه بلكونة مفتوحة علي اوضة وكان في فراخ كتير وكان في اربع بيضات كانوا جنب بعض 2منهم بقوا بعيد عن الباقين ماما جت ترجعهم مكانهم جنب باقي البيض الفرخة قربت وخدتهم و جعتهم مكانهم البيت ده كان فيه واحدة هيا مش فاكرها مين بالظبط بس مش كان عندها اولاد .في حلم تاتي لماما بردو انها كانت في بيت قدامه زي بحر الميه صافية لدرجة انها شايفة سمك كاير جوة البحر وكان معها ناس كتير مش تعرفهم وجه شاب قالها انا هأكلكوا سمك وبدا يصطاد السمك وسمعت صوت طفل صغير بيعيط في البيت راحت شالته وقالت لنفسها البيت ده صغير مش كنا اخدنا بيت كبيرة زي المدرسة وهيا مش فاكرة اسم المدرسة ولا هيا مين اها وكان في البيت مية بتاعت البحر .

حلم رقم 1
ماما حلمت انها كانت في بيت الدور الارضي والبيت ده فيه بلكونة مفتوحة علي اوضة وكان في فراخ كتير وكان في اربع بيضات كانوا جنب بعض 2منهم بقوا بعيد عن الباقين ماما جت ترجعهم مكانهم جنب باقي البيض الفرخة قربت وخدتهم و جعتهم مكانهم البيت ده كان فيه واحدة هيا مش فاكرها مين بالظبط بس مش كان عندها اولاد .في حلم تاتي لماما بردو انها كانت في بيت قدامه زي بحر الميه صافية لدرجة انها شايفة سمك كاير جوة البحر وكان معها ناس كتير مش تعرفهم وجه شاب قالها انا هأكلكوا سمك وبدا يصطاد السمك وسمعت صوت طفل صغير بيعيط في البيت راحت شالته وقالت لنفسها البيت ده صغير مش كنا اخدنا بيت كبيرة زي المدرسة وهيا مش فاكرة اسم المدرسة ولا هيا مين اها وكان في البيت مية بتاعت البحر .

هو مش حلم
طول الليل الايه دى عماله تتكرر عليا ...بسم الله الرحمن الرحيم .انى نذرت للرحمن صوما فلن اكلم اليوم انسيا ... مع انى مكنتش حفظاها
طول الليل عماله ارددها معناها ايه او مطلوب منى اعمل ايه

رقم7،،،حلمت انى فى شقة اهلى القديمة و معايا جوزى ،،و لقيت اخو جوزى جه ودخل الصالون و احنا نزلنا من الشقه و طول ما احنا نازلين سامعين صوت اخو جوزى بيتخانق هو و حمايا الله يرحمه .،،،اخو جوزى ده متزوج و عنده اولاد و هو عنده مشاكل مادية ..و بعدين انا وجوزى مشينا فى الشارع  لقيت واحده جاية وانا باقول اسمها اميرة ،،و بعدين لقيت راجل فى تاكسي و مادد اسلاك زى بيشحن موبايل و انا شديت فيشتين و اديتهم للراجل بدل ما ينزل هو يعنى باساعده ...و بعدين لقيت اننا فى شقة تانية و انا زى قعدت على الارض انا وبنتى الصغيرة قدام الحمام و بعدين زى بنتى كانت نايمة و صحيت وقلت لها ادخلى نامى عند بابا وفتحت اوضة جوزى نايم فيها ودخلت البنت عنده و دخلت الحمام بس مش فاكرة عملت ايه فى الحمام ،،وبعدين لقيت ابنى شايل هدوم حاجتين متطبقين وفوقهم جاكيت بيجاما عنده زيه دلوقتى وقلتله واخدهم ليه قال لى علشان لما اقعد هنا فى الشقة ابقى اعلقهم و قلتله ياللا هتمشي معايا قال ايوة و انا باقول هو لو جه قعد مع والدى ووالدتى يبقى كويس يونسهم و بعدين قلت ممكن يحصل مشاكل لو قعد معاهم و بعدين قلت لابنى انه مافيش مكان تقعد فيه ،،،وانا كنت باقول لابننى او جوزى مش فاكرة انى عايزة اجيب حاجة ساقعه علشان الضيوف اللى عندنا اقصد حمايا واخو جوزى ،،،فيه حاجات مش فاكراها كويس برضه ،،،اللهم اجعله خير ،،هو ابنى اوقات بيفكر يسافر وانا مش عاجبانى الفكرة هل الحلم ده له علاقة ،،،شكرا

حلم رقم 8

حلمت يا ماما نجية كاني قاعدة مع الفنان عمرو دياب وقام بتقبيلي على خدي وعلى جبيني كمان

9 
حلمت خير يارب انى واقفة فى محل اكل وطالبة اكل معين يجيلى فجت بنت كل شوية تجيبلى طلب غير اللى انا طلبته واقل م اللى انا عايزاه كمان وعايزانى ارضى بيه واخده وبتقوللى مفيش غير ده ولازم ترضى بيه فانا كنت على وشك اخده وانل مش مقتنعة لحد ما لقيت صاحبة المحل نفسها جت فاستنجدت بيها وقلتلها هاتيلى طلبى لان البنت دى مش بتجيبلى اللى طلبته وبتجبلى القليل فراحت جايبالى فعلا اللى نفسى فيه ولقيته بزياااادة ومزودالى عليه حاجات زيادة هدية مت غير ما اطلبها ولقيتها بتعتذرلى ومتوصية بيا اوووى وقاعدة اقول الحمد لله صبرت وربنا جابلى بزيادة وفوق اللى انا عايزاه وكانت البنت اللى كانت عايزانى اخد اقل من طلبى واقفة متضايقة انى خدت اللى نفسى فيه وبزيادة ومشيت روحت بقا الشقة اللى قاعدين فيها انا واخواتى وحطيت الاكل مع اخواتى عشان اكل معاهم ولقيت اختى بتشاورلى على شاب وبتقوللى ده مستنيكى وانتى اتاخرتى فقولتلها معلش كنت بجيب الأكل بالمواصفات اللى انا عايزاها ولقيته شاب امور اوى وكان قاعد كل ده مستنينى بس كده

الحلم رقم 10
السلام عليكم ورحمه الله وبركاته
ازيك ياماما عامله ايه
انا حلمت خير انى فى قسحه لجنينه الحيوانات بس اللى كنت فيها مفيهاش حيوانات كانت كلها جناين وخضره وكنت ماشيه تقريبا انا وابن اختى 6 سنين او تقريبا اخويا على صغير مش محدده بالظبط وكنت ماشيه انا وهوه ومبسوطين وكنت بنتمشى فى الجناين وكنا مبسوطين وبنطلع فى اماكن وبننزل وبعدين كنت همشى علشان كان عندى شغل
وفى مشهد تانى شفت نقسى فى الدرس اللى بشتغل فيه ولقيت بنت بتدينى فلوس ملفوفه فى ورقه مكتوب فيها اسماء الناس صحاب الفلوس وكل واحد دافع فى الفلوس دى كام ولقيت بنت كانت عندى اعرفها بتدينى فلوس ملفوفه فى ورقه بردو وبتقولى انها مساعده ليا علشان ابويا متوفى قلتلها انا مبخدش مساعده ولا صدفه من حد وكنت ببصلها على انها يتيمه وتستحق اكتر منى بتدينى على اساس ايه ورجعتلها الفلوس وقلتلها فى واحده قبلك ادتنى فلوس فى ورقه ومكتوب فى الورقه مين اللى دافع الفلوس وكل واحد دافع كام رجعى لكا واحد فلوسه انا مبخدش حاجه من حد وادتها كل الفلوس وكانت فلوس مجمده وكتير 


وحلمت امبارح انى كنت فى حمام كبير وفيه بانيو وكله سيراميك وانا كنت بغسل الحمام ده بالميه والصابون وكنت بدعكه كله وكنت بغسل الحيطان والحوض فكنت هتاخر على شغلى فطلبت من اختى تكمله 
وفى مشهد تانى شفت نفسى بسرح شعرى وهوه مش متساوى من تحت فمسكته قصيته وساويته من تحت وكان شكله جميل 
مع العلم انى انسه ومش مخطوبه