الحلم رقم (4)
حلمت ان انا كنت ماشية مع واحدة صاحبتى اسمها اسراء كانت معايا فى المرحلة الابتدائية
واحنا بنتمشى مع بعض دخلنا فى مكان زى المكتب وفى ناس بتشتغل كل واحد قاعد على مكتب واحنا معديين عليهم
انا شوفت مدرس اعرفه كان قاعد على مكتب من المكاتب وبيشتغل وانا وصاحبتى عدينا قدامه بس بسرعة وبعدين
انا قلت لصاحبتى تفتكرى شافنى وعرفنى ولا مخدش باله قالت لى مش عارفة فأنا قلت لها انا مكسوفة ليكون شافنى
وانا مشيت على طول ومسلمتش عليه فطلبت منها تيجى معايا ونرجع نسلم عليه وهى وافقت وروحنا سلمنا عليه سلام بالايد خفيف
من غير كلام وبعدين مشينا روحنا على محل فاكهة علشان صاحبتى كانت عايزة تشترى شوية فاكهة وبعد ما خلصنا
رجعنا فى نفس الطريق وعدينا تانى على المكتب اللى فيه المدرس وعدينا على طول
وانا سمعته بيقول لى سلام او باى وكان مبتسم وانا مكنتش مصدقة نفسى قلت لصاحبتى سمعتى اللى انا سمعته قالت لى لا
قلت لها المدرس قال لى باى او سلام قالت لى اكيد متهيألك ممكن يكون بيكلم حد تانى بس انا مصدقتش صاحبتى وكنت متأكدة انه بيقول لى انا
وكنت مبسوطة لانى حسيت انه كان مبسوط لانى سلمت عليه وانا كنت لابسة شنطة مدرسية كنت شايلاها على كتف واحد ومسكت صاحبتى ومشينا
انا آنسة وحالتى الدينية متوسطة
وصاحبتى معرفش عنها حاجة حاليا بس كانت معايا فى الابتدائى
والمدرس متزوج واسمه هيثم ومعرفش عنه حاجة حاليا
