تفسير احلام يوم الاربعاء الموافق 10\29 ان شاء الله

2
كنت عامله استخارة عن حاجه عوزة اعملها عمل خير يعنى
رايت انى استحم مع بنتين فى الحمام وكاننا كنا فى كرب وضيق من قبل وبنحكى عن ضيقتنا اللى كنا فبها قبل كده وبعدين كأنه حديث عن شئ فات وبس
جزء تانى ..حلمت بحد جايب 2 اسدال صﻻه واحد لى واﻻخر لاختى ..اختى لبست بتاعها وانا لقيت اللى جايبه بيقولى انه خلى الترزى ظبطهولى مقاسى وكان لونه بنى منقوش
اختى طالبه وبس ..طمنينى خير ان شاء الله يارب

6

اخبار اسماء ايه يا ماما يارب تكون قامت بالسلامة وشدت حيلها والامور بخير ابعتيلها سلامى كتييييير لانى بحاول اكلمها كتير ومش بترد 


امبارح حلمت خير اللهم اجعله خير يارب انى فى فرح بنت المفروض انها صاحبتى وكان الفرح اصلا مفيش طالع منه صوت يدوب تجمع معازيم وخلاص قدام الكوشة وبعدين جت بقا العروسة تحدف بوكيه الورد للبنات عشان واحدة تلقفه فانا روحت واقفة معاهم وراها وكنت حاسة انى انا اللى هاخد البوكيه ده وكان بوكيه ورد صناعى بس كان عيدانه بمعدن فضى جميل وكان بوكيه شيك اووووى وكنت متاكدة انى هلقطه وفعلا لما رميته عرفت القفه وخدته وطلعت جنب العروسة واتصورت بيه معاها وقعدوا البنات يصورونا وبعدين قلتلهم بقا يفرجونى ع الصور فلقيت البنت اللى صورتنا جابت صور الفرح ومش عارفة تجيب الصور اللى صورتهالى بالبوكيه وكان الكامير علقت ومش عايزة تعرضهم فقعدت اصلحلها الكاميرا عشان تورينى الصور بس معرفتش اجبهم فروحت سايباها وقلت مش مشكلة الصور انا معايا البوكيه اهم حاجة وكانت قدامى تورتة الفرح قعدت اكل منها وكان طعمها حلو جدا وقعدت اكل منها كتير ... بس كده 

8
حلمت ان عزالي نازل من شقتنا القديمة والحاجة كانت كتير جداا وبعدين عيلتي راحت عشان يشوفوا شقتي ولقيت باب اوضة في الشقة مكسور فيه حتة صغيرة جدااا من الخشب عرفت ان فيه واحدة من العيلة متجوزة ومخلفة هي اللي كسرتها من كترت ما هي اتغاظت وانا قولتهم اومال لو مش متجوزة كانت عملت ايه
وخلص الحلم علي كدة مع العلم اني انسة
وانا اسفة يا ماما حلم لماما صغير ومصممة ان حضرتك تفسريهولها النهاردة
حلمت ان فيه واحد قريبنا بس من بعيد شوية وعلاقتنا بيه شبه معدومة وان فيه واحدة ست بتدور لابنها علي عروسة وهو قالها علية انا والست دي جت عندنا وبقت تتكلم في الشبكة وفي كل حاجة وماما بقت بينها وبين نفسها بتقول مش لما نشوف العريس الاول بعدين العريس جه وماما شافته قالت كويس هيعجبها بعدين انا شفته ووافقت عليه ولبسني دبلة ومحبس وبعدين بعد الخطوبة كنت عاوزة اسيبه عشان بيغير علية جدا وهو جه عندنا عشان يوضح موقفه وانه هو مش بيشك فيه بس بيغير علية
وخلص الحلم علي كدة مع العلم اني انا وماما حلمنا الحلمين دول في يوم واحد

رقم9..حلمت انى قاعده مع والدتى على السرير وبافرجها هدوم تقرببا بيجاما مش متاكده ولقيت بابا جايب شماعتين متعلق عليهم هدوم اﻻولى عليها فستان يطلع بتاع بنت 8 او 9 سنين واالشماعه التانيه عليها زى بنطلون صغير مش متاكده وبابا قال انه هيدفع تمن الهدوم دى وقالى بكام قلت له 200 تقريبا بس الفستان ده على مقاس بنتى لو عايز اجيب لك واحد تانى ....مش عارفه الحلم ده له معنى وﻻ علشان احنا كنا بنرتب اننا هنوزع ونشترى هدوم لناس محتاجين