تفسير احلام يوم الاربعاء الموافق 15\10 ان شاء الله

حلم رقم 1
انا اعرف واحد اتقدملي وبابا رفضه بس احنا لسة علي علاقة ببعض بس انا حلمت بيه بيسرح ليا شعري بالمشط الخشب بتاعى ده تفسيره ايه يا ماما نجية .وفي حلم تانى حلمت بواحدة حاسة انى شوفتها في الحقيقة قبل كدة اديتنى 4 موزات هو رقم 4 ده يرمز لحاجة ؟ ويا تري ايه تفسير الحلم

حلم رقم 2
والدتي حلمت ان هي وبابا كانوا اعدين وان جدتي ام بابا طالعة عمرة فبتحضر ورقها فماما بتقول في سرها هي عايزة تطلع عمرة ليه هي مش طلعت كتير قبل كده فبعد كده جدتي كان في كنبة فتحتها وطلعت منها 5000 جنيه كلهم خمسينات وخدتهم وخرجت علي طول وبعد كده  بابا ابتسم لماما وقالها هروح الحق الجوازات بقي علشان احجزلها وانتهي الحلم
مع العلم ان جدتي متوفية وهي فعلا عملت عمرة كتيرفي حياتها

الحلم رقم ٣

السلام عليكم ورحمه الله وبركاته

ازيك يا ماما نجيه يارب تكونى بألف خير وسعاده يااااااااارب

انا حلمت انى فى قسم بوليس وكنت لابسه بلوزة بيضه وبنطلون جينز لبنى والظابط اللى بيتكلم معايا كان بيتكلم بطريقه فيها تهديد بس مش فاكرة اوى كان بيتكلم معايا على ايه
وانا كنت برد عليه بأستهزاء وبعدين قالى على فكرة فى بنت كان عندها قضيه وكانت عماله تعيط ومنهاره وانا ساعدتها اصل انا بحب اساعد الناس
رديت عليه قولتله ايوة فعلا ما هو واضح قالى البنت دى من بلدك برده قولتله والله وعملتلها ايه بقى وبعدين قالى تعالى نكمل كلام فى الدور التانى وطلع على فوق وانا بصيت ليه اوى ومردتش اطلع وقولت للعسكرى هو ايه نظامه الظابط بتاعك ده قالى متقلقيش قولتله هو اسمه ايه قالى مصطفى متولى 
وقعدت مكانى ومردتش اطلع لانى كنت حاسه انه مش مظبوط ونيته مش كويسه واستغربت ليه يقولى نطلع نكمل كلامنا فوق وقولت لنفسى مش طالعه وزى ما تيجى تيجى 
شويه ونزل من فوق كان فيه بنت تانيه معايا قاها يلا روحى قولتله وانا قالى انتى لا خليكى بقى
قولتله ماشى قالى يا بنتى زمان ابوكى قلقان عليكى قولتله مش مشكله ابويا لما يعرف انك كنت عايزنى اطلعلك فوق ومطلعتش مش هيزعل
قالى انتى ليه وخداها بقله ادب كده قولتله ولو هى مش قله ادب ايه اللى يمنع اننا نكمل كلامنا هنا 
قالى انتى بتزعلينى كده قولتله انا مقولتلكش كلمه واحده غلط او تزعلك
قالى طيب يلا قومى روحى 
وانا قايمه لاقيته قرب من الكرسى اللى انا قاعده عليه وقالى هاتى بوسه زقيته ومشيت 
وخلص الحلم على كده

الحلم الخامس
ازيك يا ماما نجيه يا رب تكونى بخير دايما
الحلم ده لاختى حلمت انى انا خلفت بنت شعرها ناعم وسمرا بس انا قصالها شعرها جرسون زى شعر الولد وبتقولى كانت عسوله ودمها خفيف وكمان فى نفس الحلم اختى الكبيره خلفت بنت باردو انا الحمدلله متدينه وبصلى ومعايا بنتين وحامل فى اول الشهر التالت واختى الكبيره حامل باردو بس متعرفش لسه حامل فى ايه هى معاها تلات صبيان واختى الا حلمت لنا الحلم بنت مش متجوزه بس متعرفش انى حامل هى عارفه ان اختى الكبيره حامل لكن انا معرفتش حد انى حامل غير ماما بس وكمان انا بناتى حلوين بيض وعنيهم ملونه والا هى شافتها فى الحلم شكلها غير بناتى خالص مش عارفه يا ريت تطمنينى انا حلمت كذا حلم قبل محمل وفسرتهولى انى هنجب ولد ادعيلى يا ماما نجيه بالولد الصالح وانا من ساعه محملت محلمتش باى حاجه تخص الحمل خالص

رقم6..حلمت ان والدتى نايمه فى سرير بنتى الصغيرة وكانت بتكلمنى وفجاءة سكتت ومابتتحركش والمفروض انها ماتت ..طلعت من اﻻو ضه وقفلت عليها الباب ..ولقيتنى قاعده فى اوضتى وزى ما اكون استنيت شويه وبعدين قلت اكلم اختى ف التليفون اقولها ان ماما ماتت وبعدين قلت طب اتاكد فرحت فتحت الباب لقيتها بتتحرك و ماماتتش ..حلم تانى ...انا مع بنت خالتى وابنها وبنتكلم عن بنت خالتى التانيه اللى هى اخت اللى معايا فى الحلم ..وانا باقول لهم هى صحيح رايحه شقتها اللى فى بورسعيد ..ابن بنت خالتى قال ايوة بس الفئران واقفين لها بيطالبوا بحقهم فى الشقه هو بيهزر يعنى وبيقصد انه الشقه مقفوله من زمان والفئران قاعدين من زمان فى الشقه ..وانا اتخيلت انى شايفه باب الشقه وقدامه كام سلمه وعليهم فئران بس مش باينين قوى شكلهم ....بنات خالتى ارامل واوﻻدهم متخرجين وبيشتغلوا ..ومش عايشين فى بورسعيد ......حلم كمان صغير ..لقيت علبتين فيهم بقﻻوة وكنافه فى مطبخى والعلب كرتون ومفتوحه وزى وﻻدى اكلوا منها وكان ابنى هو اللى جابهم ..بس على فكرة انا كنت ناويه اشترى بقﻻوة وكنافه زيارة لناس معارفى يعنى ده حديث نفس وﻻ ايه

8
حلمت خير اللهم اجعله خير يارب انى كنت قاعدة على ترابيزة والمفروض هاكل وبعد كده لقيت الاذان راح ماذن بس مش فاكرة تحديدا كان صلاة ايه بالظبط المهم انى قمت وروحت مصلية ابصلاة كاملة واتمتها ورجعت بقا عشان اكل فلقيت الترابيزة مهزوزة شوية بالاكل اللى عليها وكنا بحاول اوزنها عشان اعرف اكل ... بس كده 

منام تانى كنا شفته حلمت خير انى دخلت فندق فخم اوى وكنت بتفرج على اجنحة الغرف اللى فيه وكانت فخمة جدااااا فلقيت ست قاعدة كده اتعرفت عليها وساكنة فى جناح من دول فبقولها ينفع اخد شيكولاته م اللى عندك دى قالتلى لا معلش انا بحب النوع ده بالذات خدى مت الشيكولاتات التانية اللى على الترابيزات اللى حوالينا ولقيتها بعد كده بتدينى سبحة فيها 100 حبه لونها اسود وشكلها حلو اووووى وفرحت بيها جداااا وراحت مديانى فوقها كمان سبحة تانية 100 برده بس كان لونها بىتقالى فى بنى فقعدت اوريها لاهلى وانا فرحانة بيهم اوى بس كده

حام رقم 9
والدتى حلمت ان ف واحدة غريبة بتفرج ماما ع خواتم دهب كتيرة اوى واشكال مختلفة والواحدة الغريبة دى كانت لابسة اربع خواتهو ومدرياهم بمنديل