تفسير احلام يوم الجمعة الموافق العاشر من اكتوبر ان شاء الله

الحلم رقم2..حلمت انى هاخرج مع بنتى الكبيرة وعايزة البس وزى باقول الجو برد شويه وكنت فى بالى البس حاجه معينه رحت عند الدوﻻب ..فى الحقيقه عندى طقم عباره عن بلوزة كريمى وفوقها جزء بدون اكمام لونه بنى ..لقيت الجزء اللى بدون كم ده متعلق قدامى فى وسط هدوم تانيه وقلت اه البس ده ما انا اصﻻ ﻻبسه البلوزة بتاعته ولقيت الطرحه اللى بالبسها معاه فهﻻ لقيتها فوق كتفى وقلت كمان الطرحه اهى خﻻص البسه الطرحه لونها فيه درجات بيج وبنى وفيها ورد ....على فكرة دى نفس الطرحه اللى حلمت بيها من كام يوم كان حلم شفت فيه 2 روب رجالى ولقيت طرحتى وغسلتها هى دى بقى نفسها ...ماما نجيه هو حلم امبارح اللى كان فيه علم مصر حضرتك بتقولى انه عريس هل العلم بيدل على شخص بيشتغل فى مجال معين وﻻ عادى ..شكرا

4
حلمت بالشاب يرقد على سريرى وﻻبس لبس داخلى ابيض وانا كنت بغطيه بروب اعتقد وبعدين الروب مكنش مغطيه كفايه روحت مغطياة بملايه لونها موف او بنفسج ...بس كدة
وفى جزء ان لقيت فطيرة صغيرة بالثﻻجه اللى بتكون جاهزة بس احنا نسويها واخرى بس مستويه واعتقد قطمت حته من المستويه وبس

فطيرة بيتزا صغيرة اقصد وليس الفطير اللى بناكله بالعسل

الحلم رقم6
ماما حلمت حلم اللهم اجعله خير حلمت ان بابا الله يرحمه جايب لينا كسوه (هدوم) وكان جوه الهدوم مراتب ستان  وكان زى ما يكون كان فى العيد والحلم خلص على كده    ماما ارمله وانا مخطوبه وعندى اختى اكبر منى مش مخطوبه واخت صغيره برضه مش مخطوبه واخوى اعزب

الحلم رقم ٧ 

والدتي حلمت انها نازله على سلالم كان عددهم ٥ و نزلتهم مره واحده و لقت كرسي كبير وجت تقعد عليه لقت عربيه عايزه تخبطها و بتقولي يا بت صوتي وانا مصوتش و العربيه كانت هتخبطها بس في اخر لحظه ماما راحت الناحيه التانيه و مخبطتهاش 

ماما عيانه بقالها فتره كبيره و عامله عمليه

8
حلمت خير اللهم اجعله خير ان زى مت يكون فيه شاب يشبه الممثل احمد عز عندنا فى البيت مش عارقة ايه حكاية انى بحلم بيه كتير دى المهم كان زى ما يكون واقف فى الحمام بيغسل بنطلون وقميص ليه عندنا فانا عرضت عليه انى اغسيلهومله ووافق وفعلا قعدت فى الحمام اغسل وكنت اثناء ما بغسل كنت بنضف رجلى فى نفس الوقت بفرشة كده كانت بتطلع منها للاسف وساخات كتير وكنت بنضفها وبتلمع عشان يبقى شكلها حلو فدخل عليا فى الحمام مجموعة بنات لقيتهم بيغسلوا هدوم رجالى زيى وبينضفوا رجلهم زيى واثنلء ما كنا بنعمل كده سمعنا صوت ضرب جامد حوالينا زى ما يكون انفجارات وصواريخ فى كل حته فلقيت البنات اللى معايا خدوا الهدوم اللى كنا بنغسلها وراحوا يستخبوا فى مكان بعيد عن الضرب وانا جريت معاهم عشان هدوم احمد عز دى متضيعش منى وسط القلق ده وروحت جبت البنطلون والشيرت بتاعه ولقيتنى بلبس جزمة سودة بكعب كده وباخد الحاجة وبجرى بيها قبل ما اى ضىب يطولنى فلقيت امى بتقوللى انتى نسيتى بيجامة وسط القلق ده مع البنات دول ليه مش زعلانة عليها ومش هترجعى تجيبيها ؟قلتلها لا يا ماما انا اللى يهمنى اللبس الرجالى اللى معايا ده مضاعش لانه امانة من شاب سابه معايا وروحت موقفة ميكروباص لقيته متجه للقاهرة وخدنى ومشى بسرعة ... بس كده

يعنى ايه مشاركه بينا ؟؟؟ زواج يعنى