تفسير احلام يوم الخميس الوافق 9 من اكتوبر ان شاء الله

الحلم رقم1...حلمت انى فى البحر ولقيت بنتى الكبيرة واختها راكبين مركب وماشيين بيها ولقيت ابنى راكب مركب تانيه وبعدين لقيت بنتى وهى ماشيه بالمركب بتجر علم مصر كبير قوى فوق الميا..وبعدين لقيت موج عالى جاى عليهم وخفت و الموجه صغرت شويه بس وقعتهم من المراكب بس لقيت الميه مش غويطه وعادى وقفوا على رجليهم فى الميا وكانت الميا لحد وسط بنتى تقريبا بس قلتلهم تعالوا نطلع برة شويه وزى وانا فى مركب وشديت مركب بتاعت حد فيهم معايا ورايحين ناحيه الشط..اللهم اجعله خير

3
حلمت ببنت خالى هيه لسة متجوزة جديد حلمت ان زوجها تعبان وماشى ماسك جنبه وبيتألم وهيه بكت عليه وزوجها كان معاه فى الحلم شرابات رجالى 
وبعد الحلم دة بكام يوم زوجها فعلا كان تعبان وعمل عملية .

هيه لسه متزوجة جديد ولسه مش حامل 

5
ماما رقم بطاقة زوج اسماء حضرتك مش بعتيه عندى ع الرسايل !! ابقى ابعتيهولى عشان يبقى معايا 


امبارح حلمت خير اللهم اجعله خير انه قاعدة فى مكان ودخل عليا شاب اعرفه فى الحقيقة وهو غير متزوج فلما دخل عليا قلتله مش انت برده عادة بتلبس نضارة قاللى لا ده انا كنت بلبسها اوقات معينة بس غالبا مش بلبسها وحاليا قالعها اهو فمشيت معاه وخرجنا مع بعض ووانا ماشية معاه وقعت ع الارض فهو حاول يقومنى ولقيته وهو بيحاول بيفكلى زرار كان زانق على رقبتى اوى ولقيته بيكشف ساقى كده معرفش كان بيعمل ايه بالظبط وراح مغطيه تانى وبعدين راح مقومنى ومشيت معاه وراح مودينى زى بيت يخصه كده ولقيته جايبلى مستحضرات تجميل لشعرى وفعلا قعدت احطها على شعرى واسلكه واسرحه وجيت بقا عشان اخش انام واتغطى بلحاف احمر كده لقيته جايبهولى لقيت واحدة صاحبتى بتمنعنى وبتقوللى لا مش دلوقتى فانا استغربت منها كده ومرضتش اسمع كلامها وروحت داخلة الاوضة وفارشة اللحاف ع السرير بالطول وكان لونه احمر ومن النوع اللى بيدفى اوى الفايبر ده ودخلت السرير بقا عشان انام 
فى الواقع يا ماما انا بقلق من الشاب ده لانه من النوع اللى مش مستقر وبسمع انه لعبى ولما حلمت بيه قمت مستغربة جدا لانى اصلا لا بفكر فيه ولا حاجة لانى واخدة عنه كمان فكرة مش حلوة اوى للاسف 


معلش منام كمان حلمت خير اللهم اجعله خير انى ماشية وكنت حاسة ان شعرى مش حلو وخشن شوية فعديت على محل لقيت فيه بيتباع فيه توك وكريمات للشعر فلقيت كريم بالعسل بس زى ما يكون مستعمل ومفتوح قبل كده وفيه اثار صوباع فيه كان واخد منه فمرضتش اخده وسبته ومشيت لحد ما وصلت لمكان لقيت فيه صاحبتى ايمان عادل فلما لقت شعرى كده مش حلو راحت اشترتلى كريم فلقيتها جايبالى نفس الكريم اللى انا اعترضت عليه فبقولها يا بنتى انا شفته بس مضتش اجيبه عشان مستعمل هو والتوكة اللى انتى جايبهالى دى !! قالتلى لا يا ايناس بس هو ده اللى هيصلح حال شعرك ويخليه حلو استعمليه بس وهتشوفى وفعلا فتحته وخدت منه وكان مخلوط بالعسل وكنت بدهن منه على شعرى وفعلا خلى شعرى حلو جداااااااااااااااا وساااالك وناعم ومتساوى وجميل اوى وقلت خلاص انا هلمه بقا والبس عليه ايشارب عشان فيه فرح هروح احضره بس كده 

وشويه لاقيته قاعد علي مكتب وبشرب في ايده ماج فيه نسكافيه وانا قاعده قدامه ع المكتب زي ميكون هو مدير ولا ايه مش فاهمهوبعد كده اخد من عنده شنطه فيها كتب وروحت قعد اعيط بدموع بس

ماما نجية كتب:

بو كتب:

الحلم رقم 2

اقتباس :

حلمت إنى كنت فى بيت عمى رحمه الله عليه وكنت قاعدة مع مع بنته وبعدين قولتلها يلا نطلع نعيد عليهم فوق وانا طالعة قابلت اختى الكبيرة نازلة وماكنتش مبسوطة فقولتلها نزلتى ليه إستنى هنمشى سوا قالتلى لا همشى أنا وإنتى إبقى تعالى فطلعت الشقة فوق ولقيت ناس كتير قاعدة مش عارفة هما مين وبيعملوا إيه بس زى ما يكون بياخدوا درس أو بيسمعوا حد أو حاجة مهمة وبعدين عمى خرج من الأوضة زى ما يكون بيقولى إيه دا هو إنتى مش هتسلمى عليه فأنا قولتله ماخدتش بالى علشان الباب كا موارب وكان فيه رجالة جوه وكان بيضحك ومبسوط أوى وسلم على وكان لابس جلابية وبعدين قعدت مع بنت عمى وكنا بناكل كحك أنا وهى وكان طعمه حلو أوى فأنا بقولها الكحك دا طعمه حلو أوى وكنت مستمتعة وانا باكله فهى قالتلى فعلا هو طعمه حلو وفى نفس الحلم بس منفصل عنه شوفت خالتى وأنا كنت معاها زى ما نكون ماشيين على سلم من حبال على حيطة هو كان الاول تقريبا خشب وبعدين بقى حبال وما كانتش واصلة للأرض ودى حاجة غتفاجأت بيها فخالتى نادت واحدة تعرفها كملت الحبل للاخر ونزلنا كملنا مشى على الأرض

اكتبى ظروفك انت واختك وبنت عمك

اانا وأختى مش متزوجين ولا نعمل وبنصلى الحمد لله . وبنت عمى متزوجة وعندها 3 اطفال