تفسير احلام يوم الاربعاء الموافق 8 من اكتوبر ان شاء الله

انا اانسة
حلمت ان واحد زميلي من ايام ثانوي اسمه مصطفى اتقدم لي ووافقت مع العلم ان مصطفى ده فرحه كان من شهر بس هو ايام ثانوي كان معجب بيا و قال ايه خطوبتي عليه بكره و انا ماكنتش مجهزة اي حاجة و قلت لنفسي هو مش مصطفى ده اتجوز فرديت على نفسي و قلت اه ماهو ماعجبتهوش العروسة  فطلقها و جه يتقدم لي قلت يعني اخذ واحد مطلق قلت و ايه يعني مش مشكلة و كنت في الحلم فرحانة بيه  قبلاه مع ان في الحقيقة انا مش كده المهم  قلت يا دوب انهاردة اجيب الفستان و اروح الكوافير انهاردة و بكرة الخطوبة و قلت اخد رانيا بنت خالي معايا قلت بلاش لتحسدني انا مش ناقصة خليها كده مفاجأة و ماما تحصلني على الكوافير  وافقت و نزلت في شارع عندنا انقي فساتين دخلت محل لاقيت فساتين حلووة اوي اوي كتير و كلهم مقاسات كبيرة مقاسي كتير  و بقيت محتارة اختار انهي فيهم لحد ما لقيت فستان فيهم قصير قلت الله دا شبه فستان درة في فيلم بابا في قراية فتحتها ههه هو كان لونه سماوي و مشجر من النص بس انا في اللم ماشوفتش نفسي قيساه خالص انا اخترته بس  قلت خلاص هلبسه و هعمل شعري كد و اتمجيج كده و روحت للكوافير عشان اتفق عند كوافير معين و ماكييرة معينة اسمع عنها  في الحقيقة اسمها هبة زين المهم مارضيتش تمكيجني عشان بحجز قبلها بيوم و قالت لي طب هاتيلي ورقة من الادارة توافق على مكياجك معايا لاقيت صاحب المحل واقف طنشته و روحت لكمتب كده في المحل شبه المصالح الحكومية و حكيت له ظروفي واني اتفاجأت بالخطوبة قام كاتب لي ورقة بالموافقة و ختم لي عليها و قولتلها الورقة اهيه قالت لي انتظري طيب بره انتظرت في ساعة كده انا و كام ست و ماما كانت قاعدة في وشي و قاعد جمبها صافيناز الرقاصة هههه بس لابسة حجاب و ماما عمالة تشتم عليها و الناس تقولها دي قاعدة جانبك و هي و لا هنا المهم عرفت انها هي و قعدت تكلمها في الدين و دخلنا نا و ماما للبنت الكوافيرة و احنا بندخل قولتلها انتي بتكلميها في ايه بس شوفتي بقا يا ماما ان في ناس بتبقى شكلها من بره بتصلي و تصوم و تتحجب بس جواها و حش اديكي اتخدعتي فيها و ناس تانية باينة من برة انها مش كويسة بس جواها نضيف جدا انضف منهم يبقى مانحكمش على حد و لازم نعرفه من جوه الاول و دخلت للكوافيرة ووافقت تمكيجني و قالت لي هبقى عروسة امورة و انا في الخطوبة هفضل كلبوظة  بس حلوة اوي لكن في فستان الفرح هخس و ابقى مليكان دا ايحاء جه جوايا

11
حلمت اني قاعدة في مكان وفي الكراسي اللي جمبي قاعد شابين وواحد فيهم شايل بنوتة صغيرة امورة اووي وكان معجب بيا فانا شيلت البنت وكنت لابسة فستان وكانت متعلقة بيا اووي ووقف واحد في الشارع وفضل يزعئلها وعايز ياخدها بس مشي ومخدهاش مني بعدين شفت واحدة قريبتي هي وبناتها عمالين يبصوا علي البنت وقريبتي دي عايزة تاخدها مني وبعدين بقول للبنت انتي بتحبيني فضلت تبوس فيا كتير ومسكت فيا اوووي 
وخلص الحلم علي كدة مع العلم اني انسة وفيه موضوع خطوبة ليا بس فيه مشاكل

حلم12
مما نجية كان في شخص كنت معجبة بيه وهو كمان وكان مبيعديش يون الا وبنتكلم بس دالوقتي خصل موضوع اتفرقنا ومبقناش نعرف خلجة عن بعض ولا بنتكلم وانا نسيته بس معرفش حلمت بيه ليه
وحلمت ان انا واسرتي روحنا ناكل في مطعم مشويات وكان المطعم فاضي خالص ومفيهوش غير احنا وبنت كمان غريية اعدنا علشان نستني الغدا والبنت اعدت معانا لانها كانت لوحدها وبعد كده اعدنا مستنين الاكل لقينا في ناس طالعين المطعم بنبص لقينا صاحب بابا ومراته مع العلم ان مراته دي صاحبة ماما بس مخاصمين بعض بقالهم مدة بس لما شافوا بعض في الحلم سلموا علي بعض وقالتلي انتي خسة قولتلها اه انا خسيت 7 كيلو وهدومي كلها ويعت عليت وده فعلا كمان في الحقيقة يا ماما نجية المهم بعد كده المكان اتحول لشقة وكنت انا فيها واسرتي وناس كتير مش فاكراهم ببص في الشقة اللي ادامي لقيت الشخص ده بصينا لبعض جامد وبعدين قولت في سري ايه تللي جابه ده انا ما صدقت نسيته وبعدين المكان اتحول لاوضة كبيرة فيها اطفال وفيها الشخص ده اعد علي السرير مستغطي وجمبه شخص تاني عرفت انه اخوه ولقيت طفل ولد جميل اوي واقف علي سور اابلكونة وبيتشعبط خوفت عليه وروحت شيلته وكان جميل اوي وبقول للشخص اللي قولتلك عليه مين ده وازاي تسيبوه كده ممكن يقع واعدت ابوس فيه وكان حلو اوي راح الشخص ده اللي كان في اعجاب بينا قالي ده ابن اخويا واخويا ةمراته منفصلين وهو مش عارف يهتم بولاده لوحده قولتله حرام الانفصال بسببه الاطفال بيتظلموا وبعدين عطيت الولد لابوه لقيت الشخص ده ميل عليا وقالي ولادنا هتخليهم يتربوا واحنا منفصلين بردوة قولتله لا هو يقصد ان لو حصل بينا نصيب ممكن ننفصل وولادنل يتربوا في الجو ده قولتله لا راح ايتسم كده وانا مشيت وكنت بحاول اتجنبه علي اد ما اقدر لاني ما صدقت نسيته وانتهي الحلم

حلم رقم 13

حملت يا ماما نجية كاني كنا فى بيت وماما كان معها بنت صغيرة رضيعة وبعدين لاقيت ناس بيقولولي ان حد من اقاربنا مات وهو فى الحقيقة الحمدالله بخير وفضلت اعيط و مش مصدقة وانا الحمدالله متدينة

حلم رقم 17
اختى حلمت  ان هى  وانا واختى التانية واخويا الكبير ف مكان ف وش مول كبير معروف عندنا ف اسكندرية  بس ف وش المول دة محلات هدوم  كتير وف مدرسة قبل المول بشوية كان فيها ولاد كتير بتهتف  واخويا كان جاى من نحية التانية بيهتف  نفس الهتاف ومعاة ناس وراة  واختى ف الحلم كان خايفة وعرفة ان هيحصل لاخويا حاجة وكانت كل شوية تقولة يلا بينا بس مش سمع الكلام وفضل يهتف  لحد ما ضابط  شرطة قال لاخويا هتفضل تهتف بالطريقة دى كتير  راح ضرب اخويا 3 او اربع طلقات  فاحنا كنا واقفين مش مستوعبين الموقف ان اخونا اضرب بالرصاص واختى الصغيرة بتصوت وبتعيط جامد
مع العلم ان اخويا الكبير لسة خاطب واختى اللى حلمت الحلم دة ف تانية ثانوى