حلم 1
السلام عليكم ورحمة الله وبركاته
انا حلمت ان انا ووحده صحبتى كنا فى مطعم وكان جنبنا ظابط ومعاه حد تانى والظابط ده حلو وانا وصحبتى كنا بنبص عليه وهو دفع الحساب ومشي ولما انا بصيت علي الطربيزه اللى هو كان قاعد عليها لقيته ناسي موبايله ومذكره او كتاب فانا اخدتهم عشان ابقي فى يوم ادور عليه وارجعهملو وكنت مبسوطه من جوايا ان انا هشوفو تانى بعد كدا كنت فى طريقي للبيت وكنت ماشيه فى شارع اول مرا اعدي في وكان فى بنتين فى سن 10 سنين وكانو مشيين ورايا وبعد كدا بقو يمشو معايا فانا بفتكر الطريق عشان اروح البيت ودخلنا منطقه زراعيه والبنات قالولي احنا مش سكنين هنا وانا قولتلهم عرفه وفضلو يلعبو وسط الزرع وانا اجري وراهم اقولوهم كفايه لعب عوزين نروح وبعد كدا مسكت موبايل الظابط وفتحتو وقولت انا لازم ارجعه لان هو بلغ ان موبايله ضايع وورق مهم وروحنا البيت واخواتى البنات كانو بيتفرجو معايا على الحاجه بتاعت الظابط وكنت ماسكه موبايله وبقول ياااه انا نفسي اوي فى موبايل زي كدا ياريتو بتاعي ولما بدور جواه لقيت مقطع فيديو لاخويا حسن قولت لاختى ايه ده ايه اللى وصل الموبايل ده للاخويا وصور نفسه فيديو كمان وكان مصور نفسه فى اوضة نوم جديده وكأنه بيعمل عليها اعلان وحذفت الفيديو ده عشان متحصلش مشاكل بعد كدا اخدت الحاجه وروحت على مركز الشرطه ولقيته هناك وكنت رايحه مبسوطه ان انا هرجعله الحاجه بتعته ولما قولت انا عوزه الظابط عشان البلاغ اللى قدمه لقيت كام ست كدا بيبصولولي وفضلو يقولو للظابط هى اللى سرقت الحاجه واحنا شاهدين وانا اتضيقت اوى ان بلبس تهمه وانا جيا ارجعها اصلا بعد كدا روحت على مكتب الظابط وفضلت ازعق بعلو صوتو كلو اسكتو خالص مش عوزه اسمع حد الستات القذرة دي وشتمت كتير يطلعو برا دلوقتى وكنت بضرب بايدي على المكتب كلهم اتخضو مني سيطرت علي الموضوع وبعد كدا قولتلو ان انا معايا الحاجه قالى خلاص هاتيلي صورة من الورق والحاجه اللى معاكي وهنستلمها منك وقولتلو ان عوزه اجيله ف نفس اليوم لان مش بحب التوتر والضغط لانها امانه ونويت ان احضرله الحاجه والورق اللى طلبو واروحلو تانى فى نفس اليوم عشان يستلم حاجته
اسفه للاطاله
انا انسه 20 سنه
حالتى الدينيه جيده
شكرا جزيلا وبارك الله فيكي غاليتى
