الحلم رقم (4)
حلمت ان انا كان معايا الشنطة المدرسية بتاعتى كنت بلبسها فى المرحلة الابتدائية
وطلعت منها شوية اوراق وكراسات واخويا كان قاعد جنبى فقال لى كده الشنطة بقت فاضية
قلت له لا لسه فيها حاجة قال لى فيها ايه فأنا مسكت عصاية وقعدت ادوس على الشنطة من بعيد بالعصاية
واخويا مستغرب من اللى انا بعمله وانا قعدت ادوس بالعصاية على الشنطة كتير لغاية
ما طلع من الشنطة عقربة كبيرة لونها أصفر وكان شكلها مرعب لانها كبيرة وانا كنت بقول ان العقربة كبيرة لانها كانت قاعدة مستخبية فى الشنطة من زمان
واول ما العقربة طلعت من الشنطة اخويا قرب من الشنطة قلت له خلى بالك لكن هو قرب منها اوى وكان مبسوط وبيتفرج على العقربة
وبعدين مد ايده جنب العقربة فركبت عليه وقعدت تمشى عليه وهو كان خايف اوى وكان فاكر انه خلاص هيموت
وانا كنت بقول له اهدأ وبوسته فى وجهه علشان يتطمن لكن هو كان خايف جدا ومش عارف يعمل ايه
فأنا قلت له انا هتصرف متخافش وكنت بفكر اجيب برطمان واحط فيه العقربة او ازيحها بعيد عنه بأى طريقة لكن مفكرتش اضربها
انا آنسة وحالتى الدينية متوسطة
واخويا عازب
