تفسير احلام يوم الاثنين الموافق 8 من سبتمبر

ماما نجية
انا فى شخص مرتبطة به لكن فى ظروف و مشاكل كتير معطله سير موضعنا رسمى
حلمت من يومين ان اهلى و اهله و ناس كتير متجمعين فى شقة جارة لنا امام بيتنا القديم و وجدت والده المتوفى يجلس معنا لم يكن شكله على الحقيقة و لكن فى الحلم كانت صفته انه والده و كان يتحدث بحكمه فى مشكله خاصة بشاب من الجيران  و كنت انتظر ان يتحدث عن موضوعى عن ابنه و لاحظت عدم وجود ابى فى هذا اللقاء المهم فى اثناء حديثه قال انه سيكلم ابى ليقترح عليه دور فى حل هذه المشكلة و ذكر انه سيعتذر له اولا لتأخر حديثه عن موضوعى مع ابنه
هل لهذا الحلم دلاله ام لا
جزاكى الله خيرا

2
الحلم ده لبابا هوحاليا مقدم في القرعة عشان الترب وكدة  وفيه واحدة ست هي اللي بتمشي الموضوع ده
وحلم ان الست دي بتقوله ان فيه  عندها كذا عروسة وعايزاه ينقئ واحدة منهم ونقتله واحدة امورة جدا 
وخلص الحلم علي كدة 
ومعلش يا ماما حلم صغير لاخويا 
حلم ان بابا مربي كلبين واحد اسود وواحد اصفر وكانوا جامدين وبعدين كان فيه ناس بتتخانق وبابا سيب الكلاب معاهم مش عليهم عشان تتخانق معاهم والكلاب جابتلهم حقهم 
وخلص الحلم علي كدة

حلم رفم 4
اخويا حلم


انه كان في مكان واسع وكان فيه مركن للسيارات وكان واقف لقي مره واحده حد بيصوت جامد فا ببص عشان يشوف في ايه لقي واحده ست بتصوت وواقفه جنب العربيه بتاعتها وبتشاور علي الازاز الي ورا وتقول ابني ابني بيموت نسيته في العربيه والازاز كله مقفول وزمانه اتخنق وكان بيبي صغير لسه مولود المهم فتحوا العربيه وشالو الطفل وقالوا ده بيطلع في الروح وامه تصوت راح اخويا قال للناس يا جماعه هوا كويس بس سبوه شويه ياخد نفسه وحيبقا كويس راح لقي والدتي  اخدت الطفل ده وشالته علي ايديها وكان حي ومات وهيا شيلاه وراحوا جابوا كفن كبير وكفنوه وحطوه علي ايد اخويا فا فهو خاف وعطاه لامي تاني راحت سابته علي الارض ومشوا كلهم وسابوه والناس كلهم الي كانوا واقفين مشيوا

حلم رقم 5
انا حلمت ان خطوبتي انهرده واني مكنتش مبسوطة لاني معرفش عريسي ولا اعرف شكله ولا هو ايه ولا اي حاجة عنه وروحت للكوافير وكانت في الحلم كوافيرة مشهورة وقالتلي هتعمملي حنة في رجلك قولتلها لا قالتلي ليه هتبقي حلوة اوي قولتلها ماشي وبعدين ابتدت تعملي الميكب ولونتلي شعري اصفر وكان شكلي جميل جدا لدرجة اني قولت انا عارفة اني هطلع حلوة بس مكنتش اعرف اني هبقي حلوة اوي للدرجة دي وبعدين قومت لبست فستاني ةمان لونه تركواز ولقين نفسي بقيت جميلة اكتر لما لبست الفستان لدرجة ان كل اللي في الكوافير بقوا بيبصولي جامد وانا كنت مكسوفة وبعدين لما خلصت لقيت عريسي جاي وداخل الكوافير بس مكنش طويل كان قصير وشكله مش وحش ولقيته بيقولي الدنيا بتشتي برة هتطلعي ازاي كده قولت معرفشراح هو كان لابس بالطو طويب لونه بترولي قلعه وقالي خدي البسيه انبسط جدا من الحركة دي وعجبني جدا  واترفع من نظري اوي وقالي انا همشي دالوقتي لحد ما الدنيا تهدي شوية وبعدين اطلعي قولتله ماشي والككوافيرة كانت بتحاول تلاقيلي اي حل علشان شعري مش يبوظ من المطر لقيتها جابتلي طرحة لونها تركواز زي الفستان بس كانت بتلمع وشكلها حلو اوي وكانت طويلة وحطتهالي بطريقة شيك جدا وبينتلي نص شعري منها وبقي المنظر تحفة وكان عجبني جدا خصوصا ان الطرحة بتلمع وبعدين طلعت برة الكوافير لقيت الناس برة اللي بيعرفوني عمالين يصقفوا وفرحانين بيا وبيقولوا ما شاء الله معقول دي عائشة دي جميلة اوي والبنات اعدت تتكلم مع بعض ويقولوا جميلة شبه اية (اية دي بنت عمتي وهي متجوزة ) وبعدين بقيت عريسي مجهزلي زي زفة في الشارع وفرش  كله لونه ابيض في دهبي كراسي لونها ابيض وفرش كله ابيض في دهبي وكانت متكلفة جامد بس الزفة دي مشتغلتش بسبب المطر قولت مش مشكله بس المهم اني حاسة انه قدرني وبيحاول يفرحني بس انا كنت زعلانة لان الظروف مش مساعدة ان خطوبتي تتم بسبب الشتا الجامد واعدنا ندور علي العريس ملقينهوش فلقيت اختي جاية وبتقولي جاكت مين الحلو ده قولتلها بتاع عريسي عطهولي البسه علشان الشتا قالتلي عريسك ازاي ده شكل الجاكت بناتي قولتلها لا رجالي والله وبتاع عريسي قالتلي جميل بس لو يقصر شوية عليكي هيبقي احلي وبعدين ركبنا اتوبيس انا واسرتي والمعازيم ومعانا الكوافيرة وقالتلنا انا اللي عارفه مكان العريس هتلاقوا قريب من برهانات (برهانات ده كانت تقصد به اسم قرية سياحية او اسم مكان)اعدنا ندور عند برهانات دي ملقينهوش والكوافيرة كل شوية تقول قربنا نوصله وبعدين واحنا ماشيين قالتلنا انا كنت بصيف في قرية الانا وكنت اعدة في العمارة البيضة دي الدور الاخير وبنت بنتي الصغيرة جت خدتني وشاورتلنا عليها لقيت العمارة كلها ملفوفة بمشمع ازرق بسبب الشتا وانتهي الحلم

7

السلام عليكم
انا حلمت اني بمشي وفرحانه وبقول بصوت عالي شويه ربنا تقبل دعائي دعائي استجاب ..
وبس كده

بمناسبه اللي طلبتيه لسه مستنيه رد من زميلي

8

xده حلم من طرف صحبتي
بتقولي ان مامتها حلمتلها ان فبه مكان مليان اطباق كتيييييييييييييييير فيها رز وفيه طبق كبير وفوقيه طبق صغير وراحت تاكل من واحد منهم لقتعليه فتافيت شيبسي اكلتها وكان طعهما حلووو والاطباق التانيه زي ما هي محدش اكل منها

ايمان لسه فاسخه خطوبتها رسمي من 10 ايام وخطيبها بيحاول معاها انها ترجعله ... باسلوب حلو مره واسلوب وحش مره

9
حلمت الحلم ده مرتين انا فيه موضوع خطوبة ليا بس لسة متمش والعريس يبقي صاحب اختي وهي اللي ليها كلام معاه
حلمت اني بقول لاختي عاوزة اشوفه ولما شفته الاقيه واحد تاني خالص واقولها مش هو ده اللي انا عاوزاه وافضل اعيط في الحلم تقولي هو بس بيبقي شكل تاني اصلا  
وخلص الحلم علي كدة مع العلم انه اتكرر معايا مرتين 
ومعلش يا ماما حلم صغير تاني 
حلمت اني باكل ايس كريم وفجأة لقيت فيه طعم ثوم واشمئزيت جدا بس بعد كدة بقي طعمه جميل وبقي ايس كريم عادي 
وخلص الحلم علي كدة مع العلم ان موضوع خطوبتي مليان مشاكل وبخلص من حاجة تطلهع حاجة تانية

10
حلمت خير اللهم اجعله خير يارب انى زى ما يكون مع شاب ولقيته بيشتريلى دبلة خطوبة وكنت بطلبها ان يكون شكلها حسب مواصفات معينة وكنت سامعة اغنية يا دبلة الخطوبة !!! وبعدين لقيت الشاب ده بيجيبلى شبكة زى الشبكة اللى كان مقدمها اخويا بالظبط او هى تقريبا فانا قعدت اقول لا دى شبكة اخويا ومينفعش البسها فلقيته بيقوللى مش مشكلة هبقى اغيرلك حاجات فيها ... بس كده 

قبلها بيوم كنت حلمت خير يارب ان قاعدة مع ناس زمايلة فجه شاب وراح ضاربنى رصاصة بس زى ما يكون كنت لابسة واقى وطلعتها وبعديه شاب راح ضاربنى كمان رصاصة وروحت مطلعاها برده بس على الرغم من كده كان مكانها بيؤلمنى فلقيت شاب من بعيد مبتسملى قاعد يبص عليا ويراقبنى وكان شكله مقبول وبلحية كده فيها شعر ابيض فقلت طب اما انا اروحله واهو احسن من اللى بيضربونى بالرصاص دول فروحتله وكان زى ما يكون شعرى منكوش وشكلى صعب شوية فلقيته ع الرغم من كده متقبلنى بشكلى ده ومبسوط بيا اوى ولقيته بيقعدى على حته واسعه من نفس الكرسى اللى قاعد عليه وكنت مرتحاله اوى فبسته وقلتله ثوانى هروح اسرح شعرى واشوف امى فروحت فعلا وضبت نفسى وسرحت شعرى بدل ما هو منكوش كده فلقيت الناس بتقوللى ده بيقولك انه مشى بس على بال ما تظبطى امورك لكن هو بييجى هنا كل يوم وبيقوللك انه جايلك بكره تانى ... فقلت هستناه خلاص وكنت مبسوطة بيه