الحلم رقم (4)
انا عملت استخارة على امر يخص العائلة ومحتارين فيه وانا سألت ربنا فى الاستخارة نصبر ولا نستشير احد فى هذا الامر
وحلمت ان كان عندنا ناس غريبة بعد ما خرجوا من بيتنا سألت والدتى مين الناس دى
قالت لى دول صحافة بس مش عارفة كانوا عندنا ليه وسمعناهم لما خرجوا من بيتنا كلموا رئيس التحرير بتاعهم وطلبوا منه
ييجى يشوف بيتنا ولما وصل رئيس التحرير بتاعهم شاف البيت من برة واحنا كنا فاكرينه هيدخل يشوف البيت من جوه لكن
هو اكتفى انه يشوف البيت من برة وسمعناه بيقول خلاص هو ده البيت اللى هناخد منه الاخبار اللى هينزلوها فى الجريدة بتاعتهم واتفقوا على كده وتقريبا صوروا البيت من برة واحنا قاعدين مش فاهمين حاجة
ومش عارفين ازاى هياخدوا اخبار من بيتنا وينشروها فى جرديتهم
فأنا قلت لوالدتى هما الناس دول عايزين ايه مننا بالظبط يمكن يسرقونا
وكمان لما ينزلوا صورة بيتنا فى الجريدة بتاعتهم الناس ممكن تفتكر اننا عاملين جريمة
وبعد كده اختى قالت فى نفس الحلم انها حلمت زار بس مش فى بيتنا والزار ده كان فيه ستات لابسة ابيض وبتصرخ وراجل
ماسك الدف ومبرق بعينيه وواحدة ست قاعدة وسطهم مش قادرة تصرخ ولا تتكلم
قلت لاختى ليه مفسرتيش الحلم فى منتدى ماما نجية قالت لى مش عارفة فقلت لها واضح ان الحلم ده مهم روحى اكتبيه علشان ماما نجية
تفسره وراحت اختى فتحت الكمبيوتر لكن لقيت النت مش موجود قلت لها خلاص استنى شوية والنت هيرجع وتكتبى الحلم
انا آنسة وحالتى الدينية متوسطة
واختى آنسة
