الحلم رقم (3)
حلمت ان انا دخلت الحمام اقضى حاجتى بس قعدت وقت طويل حسيت ان عندى إمساك
وكنت مكسوفة لان اهلى واخواتى هيقولوا عليا بعمل ايه طول الوقت ده فى الحمام
وبعدين الشبشب بتاعى لقيت فى حاجة سحبته من رجلى قلت فى نفسى يمكن القطة بتلعب به
انا مكنتش شايفة ايه اللى خد الشبشب لانه كان مستخبى فى شوية زبالة على الجنب فى الحمام
المهم انا مديت رجلى علشان ارجع الشبشب لكن الحاجة اللى خدت الشبشب كانت ماسكة فيه
اضطريت ابص على اللى ماسك فى الشبشب وانا فاكرة انها قطة لكن لما بصيت لقيت نسناس
اتفاجئت قلت ايه اللى جاب النسناس ده هنا وخدت منه الشبشب وهو جرى برة الحمام
وبعدين انا لقيت عنكبوت حجمه متوسط ولونه اسود ومخطط ابيض
بصيت فيه شوية وبعدين خرجت من الحمام علشان اشوف النسناس راح فين وكنت عايزة اقول لاخواتى عليه
بس لقيت اخواتى قاعدين فى الصالة عادى وحسيت انهم مشافوش النسناس فأنا قعدت معاهم فى الصالة
وقعدت احاول ابص تحت الكنب يمكن يكون مستخبى تحتهم بس ملقيتهوش
وبعدين اخويا لقيته ماسك كوباية زجاج زى كوباية الشاى كان فيها مياه شرب جزء منها بس كان بيشرب المياه كأنه بيشرب دواء كان مكشر وجهه وبعدين قال لى
خدى الكوباية وارمى باقى المياه اللى فيها وانا سمعت كلامه ورميت باقى المياه على الارض
وحطيت الكوباية جنبى على الكنبة وبعدين اختى قالت لى خدى الكوباية دى كانت كوباية زجاج بردو
لكن كانت فاضية يعنى هى خلصتها وقالت لى خدى حطيها جنبك وانا حطيتها جنبى
وبعد كده اخويا قال لى هو البوتاجاز بيتحط فى اى اوضة فى البيت قلت له بيتحط فى المطبخ فقال لى
انا حلمت ان فى حد كاتبلك على البوتاجاز وحشتينى يعنى اخويا كان بيقول لى الكلام ده فى نفس الحلم فانا ابتسمت واتكسفت معرفتش ارد عليه
لانى معرفش مين اللى كتب لى كده على البوتاجاز
واخويا مكنش بيتكلم بطريقته كانت طريقة كلامه تشبه طريقة شيخ جاء عندنا من قبل
وانا مكنتش عارفة اخويا بيتكلم بطريقة الشيخ ده ليه
انا آنسة وحالتى الدينية متوسطة
واختى آنسة
واخويا عازب ومش بيتشغل
حلم ***1*** 
