تفسير احلام الخميس 17/7/2014 بأذن الله

1
السلام عليكم
انا حلمت انى كنت فى بيت زى ما يكون بيت عائله وكأن عمى الى اتوفى قبل رمضان لسه متوفى فى اليوم ده والناس كلها جايه زعلانه وبعدين ببص على ركن فى الاوضه قدامى لقيت خالتى الله يرحمها قاعده فى الارض وعماله تلطم بطريقه غريبه ومخيقه قووى وبعدين لقيت اختى ( هى مسافرة فى امريكا) لقيتها داخله وعماله تعيط وبعدين كانت بتكلم اخت زوجها وبتقولها قولى لزوجك انى زعلانه منه علشان مكلمنيش فرحت زعقتلها وقعدت اقولها كفاياكى شكوه بقه احنا الى فينا مكفينا مش كل متكلمى حد تعتبى عليه راحت اختى الكبيرة اخدتها ودخلتها اوضه بعديها جيت اخرج من الاوضه لقيت فى سرير نايمة عليه واحده لسه والده والبيى جنبها على السرير وفى كرسى جنب السرير قاعده عليه ماما الله يرحمها وعماله تبص على البيبى والبيبى بيعيط جامد فراح بابا زعق وقعد يقول حد يسكت الولد ده انا مش مستحمل ضغوط كفايه كده فأنا صعب عليه البيبى ببص عليه لقيت مامته نايمة وصدرها طالع وراح البيبى اتقلب وقعد يرضع وسكت.


انا عروسه من كام شهر و حامل. و اختى الكبيره لسه مش متجوزة.

الحلم رقم 2

ده حلم واحدة صاحبتى حلمت انها عند واحدة صاحبتها واختها الكبيرة كانت معاها واسمها زينب و كان معاها اتنين من بناتها راحت اديت لصاحبتى 100 جنية واكتر وقالتلها دى حلاوة العمرة و قالتلها انها دعيت ليهم كلهم ..

صاحبة الحلم اسمها نادية 35 سنة وانسة ومش مرتبطة و بتشتغل و عملت عمرة من شهرين وهى ملتزمة و دلوقتى هى حالتها النفسية وحشة و الى معاها فى الحلم صاحبتها سعاد و أختها زينب

3


السلام عليكم ورحمه الله

انا حلمتاني كان معايا الرزج بتاعي المفروض لونه نبيتي بس لما بحطه بيبقى زهري فاتح اوووي لدرحه ممكن يقلب بصلي كده المهم بس كان لايق علي وكانت عندنا جارتنا اسمها طنط رضا وطنط كانت حاطه روج من بعيد لونه نبيتي بسالها 
روجك رقمه ايه لما قربت منها طلع بني تقيل قلتلها لالا مش بحب البنيات ابدا وهي قعدت تعلق بتاعي قلتلها انا جبته انه نبيتي بس لما بحطه بيبقى كده بس حلو بردو 
وبعدها لقيتني في فصل وانا جبتلهم طابعه على القد للطلبه وبعدها لقيت امل جايبه طابعه مطوره وكمان كبيوتر ودخول للانترنت متاح 
ولقيتني ماشيه في الشارع وواحده قدامي معاها اسد استنيت لما تمشي بعيد ونزلت منزل المترو ولقيتها بتوجه اوامر للاسد يهدا ويقعد وكمان هي سايبه الحبل بتاعه 
وقلت مش هنزل لقيت الاسد بيجري ورايا وانا اجري وطلع فوق حاجه حديد اللي من تحتها المراوح في الشارع ومشى من غير ما ياذيني ويجري في الشارع واخد عربيه طويييييييييله اووووي وطلع السواقمنها والاسد بيسوق العربيه 
عكس الاتجاه واناقلت اتصل باخوي عشان ميتخبطش فيه 
وبس كده

طنط رضا كانت جارتنا من 15 سنه ومتجوزه ساعتها جديد 
امل دي كانت زميلتي في الجامعه واتجوزت من شهر 

حلم 6
اختي حلمت ان احنا كنا في شقتنا القديمة وكان متقدملها عريس وماما وبابا كانوا اعدين معاه في الصالة وهي كانت في اوضة نوم ماما وبابا وكان مهاها ابن عمتي وكانت بنت عمتي بتزوقها فهي اتاخرت انها تطلع للعربس فجت ماما استعجلتها قالتلها خلصي بقالك كتير قالتلها ماشي ياماما هلف الطرحة والبس واطلع ع طول فنزلت هدوم من الدولاب وطلعت تريننج لونه احمر ولبسته ووقفت ادام المرايا وجابة اظبط شعري عشان اطلع قصة من الطرحة بنن عمتي قالتلي لا انا هلفلك الطرحة وهعملك شعرك علي ورا علشان يبفي اشيك ودس الموضة
بنت عمتي متجوزة واختي انسة ومالناش علاقة ببها لان في خلافات

11
حلمت ان فيه شخص جايبلي علبة فيها دبلة فضة وخاتم وتوينز دهب فانا استغربت اشمعنا الدبلة هي اللي فضة وخدتها لبستها لاقيت مكتوب جوة الدبلة حاجات كتير اسمي واسمه وحاجات تخص فرحنا وكان عمال يعيط في الحلم عشان مش عارف يوصلي ويخطبني بس حاجته وصلت ولبست لدبلة واختي بقت بتقوله انا مش عارفة اعمل ايه عشان اساعدك
وخلص الحلم علي كدة مع العلم اني انسة وهذا الشخص عاوز يتقدملي فعلا بس بتحصل في كل مرة مشكلة ولسة مجاش لحد دلوقتي وهو حاول اكتر من مرة ولسة بيحاول

حلم رقم 2 

انا حلمت انى كنت راكبه ميكروباس انا وابن خالى الصغير واللى كانو راكبين فيه لقتهم دخلو اختصارات وكانو هيخطفونى نزلت اجرى وهما كانو بيطاردونى عايزين يعتدو عليا وانا كنت بعيط واجرى