الحلم رقم (3)
حلمت ان احنا عندنا كنز فى البيت ومكنش حد عارف يخرج الكنز ده
رحت انا فكرت وقلت فى نفسى هحاول اخرج الكنز وروحت على المكان لقيت حيطة
كان فيها فتحات زى الفتحات اللى بتعملها الحشرات فى الحيطة وتعيش فيها
لكن اللى عرفته ان دى مش فتحات بتاعت حشرات دى كانت فتحات بتاعت ناس كانت بتحاول
تخرج الكنز ومحدش عارف اى فتحة فيهم هى اللى هتفتح الكنز
انا بصيت فيهم وفجأة لقيت بنتين قاعدين معايا فى مكان الكنز بنت كبيرة وبنت صغيرة واللى عرفته عن البنتين دول انهم عارفين السر
اللى يفتح الكنز البنت الكبيرة قالت لى حطى صباعك فى فتحة معينة منهم وقالت انها الفتحة اللى بتفتح الكنز
وانا كنت هحط صباعى لكن سمعت البنت بتضحك وبتقول ان ده مقلب ولو كنت حطيت صباعى كان هيحصل حاجة وحشة فى صباعى
انا زعلت منها لانها كذبت عليا واعتمدت على نفسى وقعدت ابص فى الحيطة علشان اعرف السر
لقيت مكان فى الحيطة متحدد ضغطت عليه بإيدى لقيت المكان اتفتح قلت اكيد هو ده السر
لكن الكنز متفتحش حاولت ابص جوه الفتحة اللى فتحتها لقيت فيها بلاط تقريبا سيراميك
حاولت افهم ايه معنى الفتحة اللى جواها بلاط لكن مفهمتش فقفلت المكان تانى
ومشيت وانا زعلانة فالبنت شافتنى وانا ماشية زعلانة فقالت لى هقولك على السر
وقالت لى هاتى صابونة واول ما تجيبيها عند الكنز هيتفتح وقالت لى على اسم الصابونة بس مش فاكرة اسمها ايه لانى مسمعتش كويس
وكنت فاكراها بتهزر لكن قالت لى اوعى تنسى اسم الصابونة وتبقى تجيبيها وانا كنت هرجع لها اسألها عن اسم الصابونة
لكن رجعت فى كلامى وكملت مشى قلت تلاقيها بتضحك عليا
وبعدين روحت لوالدتى قلت لها مقدرتش اعرف السر فوالدتى قالت لاخويا انه يحاول او يسأل حد
وبعد كده جا وقت السحور قعدنا نتسحر وكان قدامنا اكل كتير قعدنا نأكل وبعد كده اخويا جا متأخر شوية
وقعد يأكل معانا وبعدين انا بصيت على الشباك شوفت القمر كان يادوب فى اخر الشهر
انا آنسة وحالتى الدينية متوسطة
واخويا عازب ولا يعمل
