تفسير احلام الاحد 29/6/2014 بأذن الله

حلم رقم 1

حلمت يا احلى ماما نجية كان عندي حذاء وروحت اشترت مكانه حذاء اسود وكان جميل وبيلمع ماكنش عاجب اختي فى الاول و لي استفسار يخص حد اعرفه ايه معنى حد يحلم انه عريان ويحاول يدور على هدوم او يخلع هدومه فى الشارع

الحلم 02:
االسلام عليكم انا في الواقع عندي خاتم فضة فيه فص اخضر جبته معاي من العمرة حلمت ان عندي خاتمين منه واحد كبير علي و الثاني مضيقة فيه شويه علشان يكون علي قد اصبعي زي الواقع تماما فجاءت جدتي و اخدت الصغير فيهم فقلت لها خذي الخاتم الكبير و سبيلي ده علشان هو على انا مضيقة فيه علشان يكون على قدي فاخذت الكبير و اخذت انا التاني. انسة- التزام متوسط- جدتي عندها بنت مش متزوجة

حلم ٣
رات فتاة عزباء ٣  احلام في ٣ ايام متتابعة في الاول ان كتفيها مشوهان كانهما محترقان والثاني انها تريد شرب الماء وكلما نزل من الصنبور يكون عكرا اي غير صافي وقطا اسود ينظر اليها ولحقها فهربت منه والثالث رات ان دودا ابيض واسود يخرج من الفرج وفي متعجبه . جزاك الله خيرا ماما نجية

حلم 4
انا حلمت ان انا وبنت عمتي سافرنا برة في دولة عربية علشان نكون فلوس واننا رجعنا بعد 5 شهور ونص  ورجعنا علي المكان اللي كنت ساكنة فيه قبل ما اعزل فلقيت اختي وبنت عمتي التانية  اعدين في الشارع بقولهم مالكم اعدين كده ليه قالولي عمتي مضايقانا ومش عارفين نقعد في الشقة منها عمالة تغلس علينا قولتلهم مش طردتوها ليه قالولي معرفناش ومرضتش تمشي قولتلهم طيب احنا عملنا مبلغ 136000 جنيه هنقسمهم بيني وبين بنت عمتي وكل واحد يجيب شقة يعيش فيها بعيد عن عماتي  مداما احنا عايزين نبعد عنهم كده راحوا بنات عمتي قالولنا لا نجيب شقة واحدة نعيش فيها احنا الاربعة مع بعض قولنالهم ماشي يعني مش هنقسم الفلوس  هنشتري بيهم كله شقة قالولنا اه وفعلا جبنا شقة وبعدنا عن عماتي وبعدين اتمشينا احنا الاربعة علي البحر اسمه بحر ستانلي عندنا في اسكندرية ولقينا البحر ده عملوه خاص وغيروه خالص للاحسن وبقي شكله حلو اوي ومش زحمة وبقي مبيدخلهوش غير الناس الهاي والمية بتاعته لونها ازرق حلو اوووووووي ومنظ البحر جميل فقابلنا راجل عربي قالنا ايه رايكم لو ادخلكم البحر ده قولناله ماشي دخلت انا بس معاه وكان البحر جميل جدا وبعدين لقيت اخويا جاي علشان ياخودني وجاي بعربية كبيرة وغالية اوي بقوله عربية مين دي قالي عربيتي والتانية عطيتها لسارة سارة دي تبقي اختي قولتلها ماشي يلا انا هركب معاك وانتهي الحلم علي كده

مع العلم ان بنات عمتي دول علاقتنا بيهم مقطوعة اصلا ومبقاش لينا علاقة بيهم من اكتر من سنة

5
ازيك يا ماما نجية عاملة ايه كل سنة وانتي طيبة وبخير وصحة وسلامة 
انا حلمت ان فيه 3 عرسان اتقدمولي انا واخواتي واخواتي واقفوا علي عرسانهم وانا لا وبابا زعل لما عرف اني رفضت وقالي دنا كان نفسي اناسبه الراجل ده قلتله يا بابا دنا حتي رفضته من غير ما اشوفه 
وخلص الحلم علي كدة مع العلم اني انسة وفيه شخص المفروض انه يتقدملي اليومين دول بس بيحصل مشاكل واخواتي واحدة في اولي جامعة انسة والتانية 14 سنة

6
انا حلمت اني خدت صاحبتي معايا عشان اشتري لبس وعجبني تنك فلقيته طويل وواسع فسألت صاحبتي ايه رأيها فحسيت انه معجبهاش فقلتلها ملكيش دعوة بالطول والوسع انا هظبطهم فتراجعت ومخدتوش وبعدين لقيت صاحبة المحل ممسكة صاحبتي علبة حلويات وصاحبتي خدت منها بقلاوة وقالتلي خدي انتي كمان رحت واخدة انا كمان بقلاوة  ولقيت في المحل فساتين كتير وعجبتني جدا بس غالين اووي 
وخلص الحلم علي كدة مع العلم اني انسة وصاحبتي انسة بس صاحبتي متقدملها شخص حاليا وهي موافقة عليه وانا فيه شخص هيتقدملي اليومين دول ان شاء الله