[size=18]ازيك يا ماما نجيه
حلمت حلم ويارب خير ان شاء الله
"" حلمت انى فى الشارع ونازله من الميكروباص وكأنى رايحه الكليه ،،،، بس كنت لابسه حاجه كده تقريبا بدى ،،، وكان ضيق عليا وتقريبا عريان شويه ،،، وان ماشيه
كنت مكسوفه جدا ومضايقه ،، فشوفت بلوزه كده فى محل معروضه للبيع وكانت لونها بنفسجى وكانت كبيره قوى ،،، فروحت عشان اشتريها والبسها ،،، ونا ريحه عشان
وانا رايحه عشان اشتريها قولت فى دماغى بس دى هتبقى كبيره قوى عليا ،، بس قولت مش مشكله المهم استر نفسى وما امشيش بلبس محزق وعريان كده
اشتريتها ولبستها ،،،، واول ما لبستها لقيتها جميله علي قوى وكانت واسعه بس حلوه مش مهروله يعنى ،،، وكانت طويله وجميله ،،، وحسيت وانا لبسها انى مرتاحه جدا
ومبسوطه .........
وبعدين وانا رايحه للكليه قابلت واحده اعرفها كانت فى نفس الكليه بس اتخرجت ،،، فسألتها مش انتى اتخرجتى خلاص
قالتلى انا اتخرجت بس دخلت معهد دراسات اسلاميه وخلصت سنتين وهاسيبلك انتى اخر سنتين بعد التخرج تأخديهم وشاورتلى بإديها برقم 2
على اساس يعنى ان المعهد 4 سنين وانا قولتلها ماشى ان شاء الله ."""
انتهى الحلم
( طالبه جامعيه - انسه - التدين الحمد لله )
