تفسير احلام يوم الخميس الموافق 8\3ان شاء الله

السلام عليكم ورحمة الله وبركاته
اخويا حلم انه هو وماما ماشيين علي طريق وفجأى شاف ادامهم زي سور أو حيطه مرسوم عليها قرود بيقول كأنها جبلاية قرود وبعدين لقي قردين شكلهم متوحشين ادامه وشاف 2 شباب بيأكلوا القرود دي بيحدفلهم أكل وبعدين مشي هو وماما وكانوا بيدورو علي الطريق اللي يمشو منه

السلام عليكم ورحمة الله وبركاته
زوجي حلم انه كان في البحر وولادي معاه فخاف عليهم فحطهم علي خشبة فوق المية وشاف رجل معاه في الغربة الراجل ده لسه سايب البلد ومشي نهائي من السعودية فساب الأولاد علي الخشبة وركب معاه لانش ولسه بيمشي لقي الأولاد في خطر رجع ليهم وجد ولد منهم وقع في المية قعد يعوم لحد ما وصل للولد وكان بيغرق وكان علي وشك الموت فشده وطلع بيه من المية فالولد اخد نفسه وردت فيه الروح وراح بيه علي البر ارجو التفسير مع العلم اننا مترددين جدا في أخذ قرار النزول نهائي من السعودية فهل دي ليها دلاله علي شئ

زوجة خالو حلمت اني انا حامل بس
وحالتي انا متزوجه وومعايا أولاد ومش حامل ولا حاجه يارب اجعله خير

السلام عليكم ورحمة الله 
رايت اني استحم بالبانيو و لم اكن لوحدي بل كان الفنان صابر الرباعي جالسا في اخر البانيو و كنا نغني سويا إحدى اغانيه القديمة.. كانت مياه الاستحمام تغطيني حينها. قلت اني ساصب الماء علي فخفض صابر رأسه كي لا ينظر إلى اما انا فجذبت أشياء لاستر نفسي منها منشفتي ووقفت لافتح الحنفية حينها تحول البانيو الي فراش و كانت المياه تنزل من الحنفية بقوة و لم اكن اريد ان يبتل الفراش بها.. نظرت إلى الاسفل فوجدت أشياء تخصني منها هاتفان وجدت باحدهما اتصال من شخص اجنبي غريب. و حينها بدات اسمع أغنية للفنانة نجوى كرم و انتهت الرؤيا
آنسة غير موظفة مهمومة
ارجو تفسير رموز الفنانين لو سمحتي حبيبتي

حلم رقم5
ازيك يا ماما نجيه يا رب تكونى بخير دايما
انا حلمت انى ف بحر زى مكون بغرق ومعرفش ايه الا وصلنى ف وسط البحر كدا المهم لاقيت مركب بمجدافين قدامى طلعت فيها لاقيتها فيها طفل رضيع بيعيط ولوحده طبطبت عليه وحططه ورا ظهرى اثبته وبقيت اادف مش عارفه الطريق وكل متلفت اشوف الطفل الاقيه نايم كنت خايفه معرفش اتعامل مع المركب بس مشبت الحمدلله بس مكنتش عارفه احود يمين وشمال المهم وانا ماشيه لاقيت بوابه فتحتها بالمركب واتقفلت ورايا ولاقيت مكان ف وسط البحر ف ناس وقاعدين وف راجلين منيمين امهم عجوزه ع السرير وكانو بيكلمو على حنيتها وفضلها والست كانت عايشه انا وقفت اتفرج ولاقيت الولد الصغير الا معايا سخن بقت ااسألو على دوا محدش معاه وبعدين جت بنت صغيره بتاعه4سنين معهاش اهلها مش لاقيهم ركبت معايا ف المركب قولت اما اوصل اشوف اهلها فين المهم الناس الا امهم نايمه ع سرير ف البحر منه واحد بيقولولو سياده اللواء والتانى بردو رتبه بس ااقل منه قالولهم امكم ماتت والست كبيره ف السن انا شايفاها نايمه وغطو وشها لغايه ميجيبو مغسل واللواء واخوه مش مصدقين والكراسى الا كانت موجوده كان اطفال قاعدين عليها وكبار وانا كل دا بالمركب بتاعتى بتفرج انا نزلت من مركبى وقربت منها وقعدت ااقول الله يرحمها ربنا يجعل مثواها الجنه وقولتلو ليه مضايقنها وحطين تحتها مشمع كده حرام دا الميت بيحس زى الحى اعدلها عدلها اللواء دا عكس مكانت حطه دماغها وانا شديت بعدها ملايه عليها وغطتها والناس داخله انا شوفتها بتتنفس بتخود نفس كبير
قولتله حرام عليك امك عايشه مين قالك ماتت كنتو هتدفنوها حيه بصلى اوى وقعدت اكلمها ازيك يا طنط انا حبيتك اوى من الا سمعاو عنك فوقى بقه انا نفسى تبقى زى امى ونبقى صحاب والدموع وقفت ف عنيه لاقتها بصتلى وفتحت عنيها وابتسمتلى اوى
لاقيت اللواء دا شدنى وحط وبيزعق جامد ونده ع اخوه امك عايشه وحط ايدو تحت عينى بالظبط ودموعى نزلت ع ايدو
راح مزعق ف القاعدين يلا امشو بلا عمل خيرى بلا زفت وشاط الكراسى برجلو والاطفال بقت تجرى ومعرفش ايه سبب الا عملو الا فمهتو انو بوشين ومنافق
خط نفسى وجريت ع المركب وظبط البنت والولد الا معايا كويس ليقعو منى ف البحر واتا ماشيه وادفت جامد امشى من المكان دا وكان ف باب تانى ف البحر عديته بوش المركب اتفتح وانقفل ورايا زى بوابات كده ودى 2بوابه كده والمركب بتجرى وسهله معايا وانا بفكر هوصل امتى للشاطىء والبحر لسه قدامى عريض لاقيت شابين ف مكان مش غريق وقفين بيكلمو وطايلين الارض قولتلهم الطريق ازى قالى لفى من هنا دا الشاطىء جنبك والحمدلله عرفت الف ولاقيت ناس وشاطىء ووصلت بسرعه لاقيت ناس قاعده والبنت الصغيره نطط من المركب والناس بيندهوها باسمها فبسألهم عارفنها قالو ايوه قريبتنا سالتهم ع باباها قالو اتقتل ف البحر ناس طلعو عليه سالونى وانتى قولتلهم انا كنت مع ناس ف مركب كبير اوى ورمونى منه ف وسط البحر بردو والحمدلله لاقيت المركب دى وراجعه بفكر ف الطفل الرضيع ازاى ادور ع اهلو
انا الحمدلله متدينه وبسبح كتير امبارح جالى جوزى بخبر عن شغلو انهم هيقللو ف المرتب وانتى عارفه الظروف بتاعه شغله الاولانى عشان تحليل المخدرات ومشوه وهو مش راضى يبطل ولا يتغير وخسرنا شقتنا والعربيه وقاعدين ايجار وانا مصدقت لاقتلو شغبانه قالى هيقللو المرتب 1000ج ويغيرو الشغلانه صاحب الشركه قالى عايزك سواق معايا المهم الدنيا لفت بيه وكلمت الواسطه ف الشغل قالى جوزك عكك الدنيا ف الشغل ومبيركزش خالص وطبعا اتحرجت واتخنقت وفضلت ادعى ربنا بليل قبل الفجر ودعيت بدعاء سيدنا يونس لا اله الا انت سبحانك انى كنت من الظالمين كررتها كتير وغفلت والفجر اذن قومت صليت ودعيت ومعرفتش انام خالص نن الارق والتفكير وبعدين نمت شويه وصحيت ع 9.30ص صليت الضحى ورجعت احاول اريح مخى من التفكير وانام ونمت حلمت الحلم دا
طمنينى بالله عليكى وادعيلى عشان تعبانه والهم كبير اوى

سلام عليكم ماما نجية
الحلم ده حلمته النهاردة انا حلمت ان فيه ناس فى بيتنا عند بابا وبيحاولوا يوفقوا بينى وبين طليقى وهو بيزرجن وبيتوتر عليهم ورافض وبعدين اهله موجودين والناس بتحاول تكلمهم وهما موافقين على رد خطيبى بالرفض وفجأة لقيت طليقى وأهله اتحولوا فئران بيضاء بس متسخة ومش نضاف ولقيت الناس بيقولولى على طليقى خليه معاكى لأنه بقى فار فأنا رفضت وبقولهم ما اقدرش اخده معايا واتعرى قدامه او اخد حريتى لانه برضه فى الاولةوالاخر بنى آدم مينفعش اتعرى قدامه حتى لو بقى فار عشان حرام
الحلم التانى امى حلمته النهاردة برضه حلمت ان طليقى جاى وبيديها بنتى وفيه حد جارنا راجل كبير بيساله ليه كدة على انه يسيبنى فقال اللى قاله فى الحقيقة انه مفيش توافق ومش عايز يكمل معايا وكدة فجارنا أتضايق منه وتجاهله وكان لابس فى الحلم ملابس متسخة مش نضيفة وبعد ما غطى بنتى لامى مشى فى طريق معتم وكلام
بعد كدة امى لقيت ابوية الله يرحمه بيسالها ويقولها خدتى حقها (علية يعنى ) فقالتله ايوة حتى جبتلها بيه كوليه هو مش دهب زى نحاس كدة وفيه فصوص كتير وحلق وامى لابسهولى .
انا 30 سنة مطلقة من 8 ايام ومؤمنة بالله الحمد لله
انا 55 سنة مؤمنة الحمدلله

ازيك ياماما، انا حلمت اني روحت عملت فرد لشعري وشكلو كان حلو وصبغته خصل صفره كدا وشعري كان فيه حتت صفرا كتير اوي
معلش يا ماما حاجه كمان ماما ارمله، كانت بتدعيلي ف نفس اليوم دا غالبا بليل اني ربنا يرزقني بابن الحلال ويكون كويس وكدا بتقولي انها حلما انها هيا اللي جالها عريسين وكانو كبار طبعا وبتقولي انهم اغنيا جدا وعندهم عمارات وفلوس كتيره وكدا

السلام عليكم ورحمه الله وبركاته
ازيك ياماما عامله ايه
انا حلمت ان محمد (مديري فى الشغل)اداني عربيته اروح بيها وارجعهاله بالليل وانا رايحه المكتب وسوّقت العربيه وكانت عربيه حلوه اوى وانا كنت سيقاها كُويس اوى ورحت بيها عند بيتنا القديم ولما وصلت لقيت العربيه عطلت وزعلت جداً خوفت الامحمد يفتكر اني بوضتهاله وفجاءه لقيت راجل كبير فى السن بيقولي متخافيش دي فيها حاجه بسيطه استني اشوفهالك ومسك مفك وربط مسامير فيها فبص فيها قالي دي مش هتشتغل تاني اتخضيت قولتله صلحها اي حاجه لحد ما اديهاله الا يفتكر اني انا اللي بوظتها قالي هوه اصلاً لما ادهالك كانت البطريه ضعيفه وفيها حاجات من جوه بحوالي تلاته اربعه مليون مش موجوده فانا قولت فى بالي ان العربيه حلوه من بره بس المعدات اللي فيها من جوه متغيره والاصليه متباعه اكيد محمد عارف بس مقاليش وانتهي الحلم

مع العلم ان محمد معندوش عربيه وهوه متجوز وعنده ولدين
وانا انسه ومش مخطوبه

حلم رقم ١٠ 
ماما انا خلتي حلمت ان هي داخله في اوضه اسمنت و كانت مش مبسوطه و الاوضه ليها باب واسع و لقت ٤ كنب من غير مرتبه ولقت مامتها علي وحده و جدتها علي واحده و باستهم و حضنتهم .. ولقت مكان البوسه عند جدتها سايب علامه .. و قلتلهم انا مبسوطه اني لقتكم و بيكلموها و هما نايمين علي ضهرهم بتبص وراها لقت خالتها لبسه جلابيه مش نضيفه و شعرها منكوش .. و لقت خالتها التانيه قاعدها  لتحت كده تكنس كده فصعبت علها و قلتلها هكنس انا  .. بتلف تستاذن من جدتها و مامتها لقت خالتها خلت المكان نضيف ورشته مايه وطلع ريحه الاسمنت .. هي كل اللي شاغل بالها ان هي تقفل باب الاوضه علشان محدش يشفهم او يدخل ياخد حاجه .. بس 

انا جدتي ام خالتي و امها متوفيين خلات خالتي لسه عايشين

حلم رقم 11
ازيك يا ماما نجيه يا رب تكونى بخير دايما
الحلم دا لصاحبتى والدتها لسه متوفيه
حلمت ان والدتها ظهرتلها بتنظف بطه وهى واقفه جنبها فرحانه
ان البطه دى ليها ومامتها راضيه
وف حلم تانى طرفها قبله ابن صاحبتى الا حلمه عمره9سنين
انو واقف ف غرفه عمت مامته شاف جدته مبسوطه جداا وبتقولز نادى ماما مع العلم ان شقه جدته جنب الغرفه الا شاف فيها جدته
صاحبتى متزوجه ومتدينه وف خلاف على الورث مع اخواتها

السلام عليكم

حلمت انى عند امى وبدور على ابنى الصغير اسمة ادم ولفيت علية مش لاقياة ففتحت الشباك اندة علية وابص ف الشارع بس فتحت الشباك وانادى واقول يابلال وببص لقيتة ف البلكونة وهى من غير سور ففلت له يابلال الولد فقد توازنة ووقع من البلكونة دخلت وفضلت اعيط واصوت بس صوتى مش طالع وكنت منهارة وشوية وجابوة وكان كويس وفية بس جرح بسيط ف ايدة بس عيط كتيير جدا وخايفة لا يكون فية حاجة ومش باين وصحيت وانا حضناة وبعيط وخايفة


اليومين دول بحلم كتير انى ساعات بقرأ قراان بصوت عالى او اغانى بصوت عالى

حلم رقم 13
حلمت خير اللهم اجعله خير ان زوجي جاب ليا عدد 2بيضه لونهم ابيض بس انا كسرتهم وحطتهم على أكل مع العلم أنه كان جيبهم عشان اشلهم وهو زعل مني في الحلم وقمت على كده

احنا بقالنا فتره في مشاكل واخر مشكله كانت بسبب الخلفه وانا رفضه لأنه عندوا من زوجته الأولي ثلاثه وانا بقوم برعايتهم وعندي بنت من زوج تاني وابني ده الوحيد اللي خلقته منه وهو ليحاول لكن من ناحيتي رفضه رفض تام لأسباب عديدة

حلم رقم ١٤ 
ماما انا بابا متوفي من واحنا صغيرين .. حلمت ان ماما عاوزه تتجوز وانا مش راضيه خالص و كله قاعد يقنعني نينه و خالي و يتكلموا معايا وفي نفس الوقت ماما عاوزه تتجوز و مش عاوزاني ابقي زعلانه او ابقي بعيد عنها .. و قاعده اقنعها ان قرايب الشخص دول تعبانين و ابني ممكن يتعدي منهم ف انا عاوزاهم كله يمشي و يسب البيت يا اما انا همشي .. بس 
انا متجوزه عندي ولد هعمل عمليه كمان اسبوع 
ماما ارمله من ٢٢ سنه وعندها اخ غيري

19
الحلم دا اختي اللي حلمته، هيا حلمت اني عروسه وبتجوز وكنت لابسه فستان ابيض وشكلي حلو اوي كنا عاملين الفرح ف شقة خالو وكان الموجودين أنا وماما واختي وواحد من اخواتي بس بتقولي الاول كنتي عادي مش فرحانه اوي يعني او شكلك مضايق من حاجه وكنتي منزله شعرك مفرود وشكلك حلو اوي وكنتي ف الاوضه وبعدين خرجتي برا وابتديتي بقا تكوني مبسوطه جدا ولميتي شعرك لفوق بشكل رقيق ولابسه فستان ابيض رقيق وشكله حلو جدا بس اخوكي كان شكله مضايق او مش مبسوط وعمال يقول خلصو بقا انا عايز امشي وكان لابس بنطلون وتي شيرت لبني وماما كانت ف الاول بردو شكلها مش مهتم او مش مبسوط وبتغسل المواعين جوا وكدا وبعدين بقت مبسوطه وعمالين نزغرط انا وهيا (للعلم يا ماما اخويا دا مسافر برا البلد اصلا) واختي واخويا متزوجين يا ماما
وبتقولي بعدها كنا مروحين بيتك بقا وانا طلعت فوق معاكي روقت الدنيا بسرعه وشوفت في حاجه عايزه تتظبط ولا لا
سألتها علي العريس قالتلي هو مكنش باين ملامحه ومكنش ظاهرلها بس بتقولي احساسي جوا الحلم ان دا شخص معين انا عرفاه ف الحقيقه يا ماما

حاجه تانيه يا ماما انا حلمت انهارده ان الشخص اللي بقولك عنه دا كلم ماما وقالها انه عايز يخطبني وببص لقيته فجأه ف الحلم نايم ف اوضه عندنا ف الشقه وكأنه فعلا من اهل البيت

السلام عليكم ماما نجية

انا حلمت انى بزور خالتى انا وماما وخالتى بتحكى وتقول أنها بتسمع حاجات غريبة زى جن يعنى وقالو لها تلبس في رقبتها سلسلة من ازاز وقالت لماما لبست السلسلة اللى انتى جيبهالى هدية ووريتهالنا كانت سلسلة من ازاز وجواها ورود وشكلها حلو وفجأ سمعت ان في انفجارات ف البلد طلعت اجرى ادور على ابنى الصغير وجريت ف الشارع لحد ماوصلت وفعلا الانفجار حصل ف الحتة اللى فيها ابنى وكان معاة ابن خالتى شاب كبير بس الحمد لله كانو الاتنين كويسبن بس مجرد كدمات بسيطة

انا قلقانة ياماما على ابنى عشان كل يوم احلم ان بيجرالة حاجة ربنا يسترها يارب مع العلم انى حلمت بالليل ان اخو جوزى طالع يشوف قراية الغاز وصحيت وبعدها بساعة لقيتة بيخبط وفعلا عايز القراية