تفسير احلام الثلاثاء 1\4\2014 باذن الله

حلم رقم 1
ازيك يا ماما نجيه انا جبتلك حلمى بتاع امبارح عشان حضرتك نسيتى تفسريه
 

نانا_توتا كتب:حلم رقم 3
ازيك يا ماما نجيه يا رب تكونى بخير دايما
انا حلمت ان جوزى بيقولى ورينى الدهب الا عندك كله وقال علبه دهب كبيره اد الصندوق بتاع الشيبسى كده بس على شكل علب دهب الشبكه الكبيره بتاعه الكوليه بس كبير وفيه دهب كتير مرصوص وانا مستغربه فى الحلم لان انا معنديش الدهب ده كله وبعدين بيتفرج عليهم ويقولى هو ده كل الدهب الا عندك قولتله ايوه وانا مستغربه من كتره كده بس بشوف ايديه لاقيت تحت الكم غويشتين دهب مش باينين اتفجت بيهم لانى باردو معنديش زيهم ومش بتوعى بس دارتهم من جوزى نزلت الكم عليهم تانى بس مستغربه من الحلم لان معنديش اصلا كل الدهب ده
انا الحمدلله متدينه وعندى بنتين وبفكر احمل بقالى فتره بس متردده لان زوجى بياخود ترامادول وحشيش وبيبطلهم احيانا وبيرجع تانى فده السبب الا بيحزنى دايما ومش عارفه الخير ليه ايه بدعى ربنا واستغفر كتير لانى شايله الهم بطريقه جامده ونفسى يبطل الحاجات دى عشان احمل لان الحاجات دى بتعصبه جدا عليه وعلى البنات بس لما بياخودها بيبقى كويس معانا جدا ربنا يهديه ونفسى طبعا احمل دلوقتى لان بنتى الصغيره ماشيه فى 6 سنين ومش عارفه جوزى متردد فى موضوع الحمل لما انا اوافق هو لا ولما هو يقولى انا ااقول لالا لانى خايفه زى مقولتلك ولما صليت الاستخاره بعدها بيومين اتخانئنا انا وهو رجعت استبعدت الموضوع تانى وبعد كده اعتذرلى ولما بشوفه بيلعب مع العيال احن للحمل ولما يشخط فيهم وهو مش شارب ومش طايقهم ارجع اخاف واتردد تانى مش عارفه الخير فين انا حلمت قبل كده من شهور كذا حلم وكتبتهولك حضرتك بشرتينى بانجاب ولد بس متردده وعايزه جوزى هو الا يلح عليه فى الموضوع لكن هو يقول مره وخلاص وميحطش فى دماغه معرفش خايف من مسئوليه طفل تالت ولا هروب ولا ايه بس انا بقول كفايه فرق فى عمر العيال كده ومش عارفه الخير فين يا ريت توجهينى لانى عندى حنين للاطفال جامد ونفسى اجرب لعل الله يرزقنى بولد صالح لبناتى انا الان عندى الدوره الشهريه وبفكر اروح لدكتوره نسا عشان بقالى كده 5 سنين باخود برشام منع الحمل كنت عايزه اغيره بس بقول فى نفسى ليه موقفهوش واتوكل على الله وطبعا خايفه ومتردده انا اسفه انى طولت عليكى بس يا ريت تنصحينى انا الحمدلله بستغفر كتير واصلى على النبى كل يوم واسبح كتير وبطلع صدقه كل شهر حاجه بسيطه جدا بنيه ربنا يشفى جوزى ويبارك فى بناتى ويرزقنى بالولد الصالح

حلم رقم 2

حلمت خير يا احلى ماما نجية كاني فى الحمام ومعايا واحدة مش عارفها و كنت باستحم بمياه فاترة جميلة وكنت مستمتعة بالمياه جدا وماكنتش مكسوفة منها وبعدين كاني كنت قاعدة مع الممثل براد بيت وكانه بيدني درس فى التجويد او العربي  وقعد يتكلم معايا كثير وبعدين قالي انده على اللي بعدي و قال انه هيشرحله وصفات اكل وانا الحمدالله متدينة وانسة

الحلم رقم 4
ماما نجية انا عايزة اسال حضرتك سؤال معلش  لو السؤال دة تقيل مني بس انا عايزة افهم حاجة  انا حملت احلام كتير اووووي قبل كدة  علي الشخص الي انا بحبة حضرتك قولتلي ان الموضوع هيتم بس بي مشاكل وكدة  وقولتلي ان الموضوع هاخد وقت شوية بس دلوقتي الشخص دة راح وخطب وكتب كتابة كمان  واخر مرة كنت بقول لحضرتك علي حلام قولتلي مافيش نصيب في  بس انا عايزة افهم ازي بعد ما حضرتك قولتلي انة هيتم قولتي لالالالالالالالا  مافيش نصيب مش عارفة بيقي  ياريت حضرتك تفهمني  ومعلش ياماما نجية

الحلم رقم 6
ازيك يا ماما انا حلمت امبارح الحلم كان بعد اذان الفجر صحيت وهما بيقيموا الصلاه 
حلمت ان ماما قاعده وانا قاعده فى الصاله واختى خرجت من الاوضه تقول لماما مش انا قلتلك متستعجليش وتقولى ان بابا مات اهو بعد يوم جيه اهو طالع على السلم فببص لقيت بابا داخل من باب الشقه وراح مسلم على اختى وكان فى ايده بيتهيئلى المنديل بتاعه الابيض فانا قلت يارب يكون جيبلى هديه  وانا كنت قاعده راح واقف قدامى واقعدت انا احضن رجليه واقعدت اعيط وهو حضنى وحط ايده الاتنين على يعنى حضنى جامد وانا اقعدت اقوله يا بابا انت واحشتنى اوى لدرجه ان انا صحيت من النوم بشهق من العياط بس مكنش فى عينى دموع وقومت من النوم حاسه بايده لدرجه انى حاسه انوا حضنى بجد
انا انسه وغير موظفه وانا قبل النوم مكنتش بفكر فى حاجه يعنى هو وحشنى بس مكنتش بفكر فى كده

حلم رقم 7 


انا حلمت انى شايله بيبى صغير اوى وكنت قاعده بلاعبه وهو كان بيضحك وبيلاغينى كدا

الحلم 9
ماما انا حلمت اني انا وجوزي في اوضه في شقه غير شقتنا المهم اننا كل ماندخل اوضه نتفرج الاقي حد دخل. يتطفل علينا واخته دخلت اخر اوضه دخلناها ماانا اتضايقت فقالي تعالي نقابل الناس اللي جايين يباركولنا للشقه فخرجت المهم لاقيت خالاتي جايين يتفرجو ودي شقه جديده خالص ومليانه حاجات حلوه وحيطانها لونها ابيض المهم انا لاحظت ان من الناس اللي جايين عايزين يعملو زي شقتنا
وانا كنت لابسه بنطلون جينز لونه ازرق وفيه زي سلاسل دهب ملفوفه وكوتشي لونه دهبي وفيه زي الدهب كده وكنت فرحانه بيه قدام الناس وكلهم مبهورين بيا بس فرده من الشوز كانت مقطوعه قطعه صغيره وقولتله خساره بس هخيطها 
وكان جوزي قاعد مع الناس بيقولهم اني حامل ومبسوط جدا
وبعدها شوفت واحد مش اعرفه كان بيتفرج عالشقه وقالي ماشاء الله شقتك جميله ربنا يباركلك في جوزك ويخليهولك فقولتله يارب


انا متجوزه ياماما بقالي شهرين شويه
وحامل

11 

حلم استخارة على شاب بابا كلمنى عنه امبارح وصليت استخارة ودعيت دعاء الاستخارة ان ان كان فيه الخير يقربه منى وشفت منام معلش طويل شوية ونفسى اعرف معناه 


شفت خير يارب انى دخلت سوبر ماركت كبير مع اختى المتزوجة وهى اشترت حاجات ليها وقالتلى لو عايزة تشترى حاجة على حسابى اشترى فانا قلتلها لا انا هتجول كده فى الماركت الكبير ده فروحت كده على ركن فيه حلويات شرقية فلقيت كنافة ملفوفة كده فمديت ايدى ودوقت حته وبعدين جه الشاب اللى عاملة عليه الاستخارة ولقيته هو صاحب الركن ده وهو اللى بيبيع وكنت حساه مطيور شوية كده وكثير الحركة فقولتله لو سمحت عايزة قالب الكنافة ده فراح جايبهالى عشان اشتريها واحاسب ف وانا باخدها لقيتها ناقصة حته فقلت غريبة انا لما شفتها فى الباترينة كانت كاملة هى متاكل منها قبل كده ولا ايه المهم هو ادهالى وخدتها منه ومشيت معاه حد ما روحنا اوضة وقعدنا احنا الاتنين على سرير واتغطينا بغطاء واحد وكانت اوضتنا بتطل على خليج كده متحاوط من كل ناحية والمية بتاعته رايقة جدااااااا ولقيته بيقوللى انا عايز اانام قومى هاتيلى لبن ولقيته بقا هاااااااادى بعكس ما شفته فى الاول مطيور ومسروع كده وبعدين لقيته قام معايا م ع السرير وقعد على سفرة وسط اهلى وانا معاه وقعد يتعشى معانا ولقيت اسمه بدل احمد بقا اسمه ونيس وقاعد جنبى بالاسم ده كده فقاللى عايزة انام تانى فقولتله طب قوم انت وانا هسخن اللبن واجيبهولك فلقيت بابا بيقوله شوفت ايناس طيبة وحنينة ازاى ولقيت بابا راح مطبطب عليا وبايس ايدى وانتهى المنام على كده 

السلام عليكم اولا ف ناس  اتقدموا لاختى ومحصلش نصيب
انا حلمت ان بابا وماما  قالولى انا وبنت عمتى نروح عند ناس معينة  عشان حاجة معينة مش فكراها المهم روحنا بيت الناس دول وطلعوا الناس  دول   هما الناس اللى اتقدموا لاختى فانا قولت لبنت عمتى   اية اللى ودانا عند الناس دول دة بابا لو  عرف    هيعملىى مشكلة لازم ننزل من هنا حالا وف الحلم الناس دول فاكرين ان احنا جايين نصلح موضوع اختى فا حنا استاذناهم ونزلنا وعمالين ندور ع تاكسى عشان يوصلنا البيت انا وبنت عمتى  وف الاخر وقفلنا تاكسى بعد فترة وركبنا انا وبنت عمتى ومروحين واحنا ماشيين بقة انا ببص من شباك  التاكسى فشوفت ع الرصيف محلات جزارة كتير اوى جمب بعض  وكل محل كان قدامة الدبيحة بتاعتة نايمة ع الارض بس كانوا مش مدبوحين  كانوا حايين  والمحلات دى  ف محلات   اللى عندها خروف نايم ع الارض واللى عندها جاموسة نايمة ع الارض وف ف محل م المحلات دى  الة  كدة  المفروض الجزار هيدبح   وانا كنت مستغربة  من شكلها بها والحلم انتهى ع كدة
مع العلم انى انسة وبنت عمتى مكتوب كتابها وماليش علاقة بها خالص حاليا لان ف مشاكل

الحلم رقم 12

السلام عليكم ياماما انا استخرت تاني ف الولد اللي ناوي يتقدملي

حلمت اني ف الشغل ومتوترة وقلقانة ان النتيجة بتاعتي بتاعت اخر سنة ف الكلية قربت تظهر وكنت خايفة منجحش ....وجه مدير الشغل وجاب عصير عناب احمر وقالهم صبوه لايمان ولدنيا بس محدش تاني ياخد منه ده ليهم هما

انا انسة ودنيا دي زميلتي ف الشغل وانا مخلصة كلية من 4 سنين الحمد لله ونجحت فيها

ميوش كتب:

السلام عليكم اولا ف ناس  اتقدموا لاختى ومحصلش نصيب
انا حلمت ان بابا وماما  قالولى انا وبنت عمتى نروح عند ناس معينة  عشان حاجة معينة مش فكراها المهم روحنا بيت الناس دول وطلعوا الناس  دول   هما الناس اللى اتقدموا لاختى فانا قولت لبنت عمتى   اية اللى ودانا عند الناس دول دة بابا لو  عرف    هيعملىى مشكلة لازم ننزل من هنا حالا وف الحلم الناس دول فاكرين ان احنا جايين نصلح موضوع اختى فا حنا استاذناهم ونزلنا وعمالين ندور ع تاكسى عشان يوصلنا البيت انا وبنت عمتى  وف الاخر وقفلنا تاكسى بعد فترة وركبنا انا وبنت عمتى ومروحين واحنا ماشيين بقة انا ببص من شباك  التاكسى فشوفت ع الرصيف محلات جزارة كتير اوى جمب بعض  وكل محل كان قدامة الدبيحة بتاعتة نايمة ع الارض بس كانوا مش مدبوحين  كانوا حايين  والمحلات دى  ف محلات   اللى عندها خروف نايم ع الارض واللى عندها جاموسة نايمة ع الارض وف ف محل م المحلات دى  الة  كدة  المفروض الجزار هيدبح   وانا كنت مستغربة  من شكلها بها والحلم انتهى ع كدة
مع العلم انى انسة وبنت عمتى مكتوب كتابها وماليش علاقة بها خالص حاليا لان ف مشاكل

دة الحلم رقم 10 نسيت ارقمة